मर्कूस 2:18 - ह्योल्‍मो

¹⁸ बप्‍तिस्‍मा तेर्केन यूहन्‍नागी स्‍याहप्‍च्‍यीया़ दाङ फरिसीया़ ङ्युङने तेहकें ती़हजीला लाहला मिह येशूसाला ओहङदी स्‍युहसीन, “बप्‍तिस्‍मा तेर्के यूहन्‍नागी स्‍याहप्‍च्‍यीया़ दाङ फरिसीया़नी ङ्युङने तेहकें, राहङगी स्‍याहप्‍च्‍यीया़नी नाहमॱआङ ङ्युङने मेहतेह दु, च्‍यिबे यिहन्‍डो लाह?”

मर्कूस 2:18 ပူးပေါင်းရင်းမြစ်များ

मत्ती 23:5

खुङगी दि थाम्‍ज्‍यीराङ मिहया़ला तेन्‍ज्‍येला च्‍यी़राङ पेहकें। खुङ राहङगी प्राला दाङ लाहक्‍पा पुङबागी छ्य़े लू़क्‍योगी खुमाया़ छ्यिम्‍बु-छ्यिम्‍बु ज़ोएँ ओहले टाहङबु यिहन म़ेदी तेन्‍ज्‍येला राहङगी योल्‍सेनया़ला रिहङबु-रिहङबु फेन्‍जार ज़ोएँ।

मत्ती 6:16

“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 6:18

ओ़ह ल़ेहमु पेहती ङ्युङने तेहकेमु, मिहया़गी मिहम्‍बा, यिहॱनाङ ख्‍याया़ राहङगी मी़गी मेहथोङगेन किन्‍ज्‍यो याहपकी च्‍यी़राङ ख्‍ये सुगीॱआङ माहथोङबा पेहती ङ्युङने तेहक्‍यो ज़ी़ नाङज्‍ये येह ओहले ख्‍येला च्‍याहगा नाङज्‍ये येह।”

मर्कूस 2:19

ओहले येशूगी सुङ नाङसीन, “पा़हमाला ओहङग्‍योगी डोम्‍बोया़ माहक्‍पा साम्‍बा ङ्याम्‍बुराङ तेहकेमु नाहमॱआङ ङ्युङने तेहकें ले? माहक्‍पा साम्‍बा ङ्याम्‍बु तेहकेमुनी सुॱआङ टेहपा तो़बा मेहतेहकें।

लूका 18:12

ङाह साता च्‍यी़ला लेहमा ङ्यी़ ङ्युङने तेहको येह, ङाहगी ज़्‍योरक्‍योगी नोहरया़लेगी बो च्‍युला बो च्‍यी़ फुल्‍गो येह’!”

रोमी 10:3

च्‍यिबेमाना किन्‍ज्‍यो लाहमले ओहङगेन टाहङदेनकी तेहन्‍दाला ङोह मा़हस्‍येबा पेहती खुङया़गी राहङदीराङ टाहङदेनकी छ्याप्‍स्‍यीया़ पेहच्‍ये छोल्‍गेमु खुङ किन्‍ज्‍योकी टाहङदेनकी ओङलेगी फिला काहल्‍सीन।