मर्कूस 2:17 - ह्योल्‍मो

¹⁷ खुङया़गी ताम सेन्‍दी येशूगी सुङ नाङसीन, “आम्‍ज्‍यीनी थाङबु मिहला मिहम्‍बा, नेहपाया़ला का कोहकें। ओ़ह ल़ेहमुराङ ङाह टाहङबु मिहया़ला मिहम्‍बा, तिहक्‍च्‍येम्‍बा मिहया़ला गा थार च्‍य़ूज्‍येला ओहङग्‍यो यिहम्‍बा।”

मर्कूस 2:17 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”

लूका 15:29

“यिहॱनाङ खोगी आबाला दि ल़ेहमु म़ेदी ल़ेहन क्‍याहप्‍सीन, ‘देजे लोह थु ङाह आबागी खाङबाला योक्‍पु ल़ेहमुराङ पेहती ल़ेह पेहसीन। ओहले राहङगी नाङग्‍योकी काया़ ङाहगी नाहम्‍माॱनाङ ची़दी तेहसीन। यिहॱनाङ ङाहलादी नाहमॱआङ रो़हया़ ङ्याम्‍बु छो़दी साहज्‍येला राह पी़हरु च्‍यी़ॱआङ माहनाङ’।”

लूका 15:7

ङाहगी ख्‍याला माएँ, स्‍या़बा डुप मेहकोहएँ क्‍याह च्‍यी़ला च्‍यी़ छ्याक्‍पा टाहङबुया़ला म़ेदी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला स्‍यिहङगामला माहङबु काहसो पेहच्‍ये येह।”

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

यूहन्‍ना 9:40

दि केच्‍या थे़दी येशू पोहला तेहक्‍योगी लाहला फरिसीया़गी येशूला मासीन, “च्‍यि ङ्यिहॱआङ मी़ मेहथोङगे मिहया़ यिहम्‍बा ले?”

ल़ेह-पेन 20:21

ङाहगी यहूदी दाङ ग्रीक क्‍यिहपागी मिह ङ्यिकालाराङ, ‘सेमगी स्‍या़बा पेहती तिहक्‍पागी ल़ेहया़ पाङदी राहङगी सेम किन्‍ज्‍यो ङो़ले ग्‍युर्तोङ, ओहले ओहराङगी चो़वो छ्येवा येशू मास्‍यीकाला तेहपा पेहतोङ’ म़ेदी प्रा साल्‍सीन।

ल़ेह-पेन 26:20

ओहले ङाह तोहङले दमस्‍कस, यरूशलेम, यहूदीया साने़की युहल युहल दाङ लेहमेन क्‍यिहपागी साने़या़ला काहल्‍दी मिहया़ला, ‘सेमगी स्‍या़बा पेहती तिहक्‍पा पाङदी राहङगी सेम किन्‍ज्‍यो ङो़ले ग्‍युर्तोङ’ म़ेदी स्‍येसीन। ओहले ‘किन्‍ज्‍यो ङो़ले सेम ग्‍युरक्‍यो यिहम्‍बा म़ेदी दास्‍यी राहङगी पेहक्‍योगी ल़ेह ङो़ले तेन कोहकें’ म़ेदी लोप्‍सीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।