मर्कूस 2:16 - ह्योल्‍मो

¹⁶ फरिसी बा़लगी छ्य़े-ठिम ताङगेन लाहला मिहया़गी येशूला दि ल़ेहमु पेहती ठाल तुहएँ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येक्‍यो थोङदी येशूगी स्‍याहप्‍च्‍यीया़ला टी़हसीन, “येशूगी च्‍यिबे दि ल़ेहमु ठाल तुहएँ दाङ तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येक्‍यो यिहम्‍बा?”

मर्कूस 2:16 ပူးပေါင်းရင်းမြစ်များ

मत्ती 18:17

ओहजे पेहतीॱआङ खोगी ताम मिहङ्यीहन्‍सीमाना छेन्‍छोकला काहल्‍दी ख्‍येगी ताम थाम्‍ज्‍यी प्रा साल तेर ओहले खुङगी तामॱआङ खोगी मिहङ्यीहन्‍सीमाना खोला किन्‍ज्‍योला ङोह मे़हस्‍येएँगी मिहया़ दाङ घूस लेहन्‍गेन्‍गी ठाल तुहएँगी तिहक्‍च्‍येम्‍बा मिहया़ ल़ेहमुराङ यिहन म़ेदी सेमला ने़दोङ।”

मत्ती 5:46

राहङला चेवा पेहकेन मिह च्‍यी़लाॱराङ चेवा पेहसीमाना ख्‍याया़ला च्‍यि च्‍याहगा ज्‍योर्कें ले? दि ल़ेहमु चेवानी ठाल तुहएँ मिहया़गीॱआङ पेहकें।

मत्ती 9:11

दि थोङदी फरिसीया़गी येशूगी स्‍याहप्‍च्‍यीया़ला, “च्‍यिबे ख्‍याया़गी लोबेन ठाल तुहएँ मिहया़ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येके?” म़ेदी टी़हसीन।

मर्कूस 2:15

तिङले येशू लेवीगी खाङबाला स्‍याहप्‍च्‍यीया़ ङ्याम्‍बु सोल छ्येच्‍येला फेप नाङसीन। ओहले येशूला ताहदा क्‍याहप्‍ती ओहङगेन ठाल तुहएँ दाङ लेहमेन तिहक्‍च्‍येम्‍बा मिहया़ॱआङ येशू दाङ येशूगी स्‍याहप्‍च्‍यीया़ ङ्याम्‍बु तो सा़ज्‍येला तेहसीन।

मर्कूस 2:7

खोगीनी किन्‍ज्‍योला गा स्‍ये़हन्‍डील पेहकु दु। किन्‍ज्‍योगी मिहम्‍बानी लेहमेन सुगी तिहक्‍पा ता़ह च्‍य़ू ख़ूज्‍ये ले?

लूका 18:11

“ओहले फरिसीगी लाहङदी सेम सेमलाॱराङ दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह राहङला थुज्‍यी-छ्ये़ फुल्‍गे! च्‍यिबेमाना ङाह राहङसा मिहया़गी ल़ेहमु च्‍याहक्‍पा पेहती म़ेह। यिह-छ्य़े मी़हखुएँगी ल़ेह पेहती म़ेह। ङाहगी छ्येउ-छ्येंमु पेहती म़ेह। ओहले ङाह दि ठाल तुहएँ मिह ल़ेहमु मिहन।

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

लूका 19:7

ओहले येशू जखायस ङ्याम्‍बु फेप्‍कें थोङगोराङ मिहया़गी, “दि मिहनी तिहक्‍च्‍येम्‍बागी खाङबाला गा तेह डोउ दु!” म़ेदी च्‍यी़गी च्‍यी़ला मामा चासीन।

लूका 5:30

ओहले खुङ फ़ेबेॱया ङ्याम्‍बुराङ ज़्‍य़ूदी सोल छ्येकेन थोङदी फरिसी दाङ छ्य़े-ठिमकी लोबेनया़गी येशूगी स्‍याहप्‍च्‍यीया़ला, “ख्‍याया़ च्‍यिबे ठाल तुहएँ दाङ तिहक्‍च्‍येम्‍बा मिह ङ्याम्‍बुॱआङ तेहती साहएँ दाङ थुङगे?” म़ेदी टी़हसीन।

ल़ेह-पेन 23:9

ओहले दि तामगी पेहती ओ़ह छो़बाला लोहङटी छ्यिम्‍बु काहल्‍सीन। ओहले फरिसी छो़बागी लाहला छ्य़े-ठिम ताङगे लोबेनया़गी लाहङदी सदुकीया़ला ज्‍यिबुराङ टाह पेहती मासीन, “ङाहगीनी दि मिहगी च्‍यिॱआङ ङ्य़ेहबा पेहक्‍यो मेहथोङ दु। का़हलेॱआङ नाम्‍स्‍यी दाङ स्‍यिहङगामकी स्‍याहप्‍च्‍यीगी दि मिहला दि ल़ेहमु सुङ नाङग्‍यो यिहन्‍सीमानानी च्‍यि काहल्‍बा ले?”

१ कोरिन्‍थी 2:15

यिहक्‍तेन मिहगी थाम्‍ज्‍यीराङ तामया़ या़हबु दाङ चोक्‍पा च्‍यि यिहम्‍बा दु म़ेदी ङ्याहम च्‍ये ख़ूएँ, यिहॱनाङ खोलाती सुज्‍यीगीॱआङ ङ्याहम च्‍ये मी़हखुएँ।

हिब्रू 12:3

तिहक्‍च्‍येम्‍बा मिहया़गी येशूला ओहजे टाह पेहतीॱआङ मिहरोगी काह-ठि जेती ना़दी ज़्‍य़ू नाङबा यिहन्‍डो ओ़हदी नोम्‍साङ ताङदोङ ओहले ख्‍याया़ थाङ छ्येच्‍ये म़ेह ओहले सेम स्‍यिज्‍ये म़ेह।