मर्कूस 2:12 - ह्योल्‍मो

¹² ओ़ह नेहपा मिह थाम्‍ज्‍यीगी ताएँ ताएँमुॱराङ ह्‍ओप लाहङदी राहङगी तेङगो खुर्ती खाङबाला लो़ह काहल्‍सीन। दि रोहवा पेहती टा़हगेन थोङदी मिहया़गी ह्‍अ ल़ेहदी किन्‍ज्‍योला थुज्‍यी-छ्ये़ फुल्‍दी मासीन, “दि ल़ेहमु याहम्‍जेन छ्येवानी ङ्यिहगी ताहन्‍दा थु नाहमॱआङ माहथोङ!”

मर्कूस 2:12 ပူးပေါင်းရင်းမြစ်များ

मत्ती 12:23

दि थोङदी मिह थाम्‍ज्‍यीराङ याहम्‍जेनज्‍यी ने़दी दि ल़ेहमु म़ेदी ताम माज्‍ये छ़ूसीन, “च्‍यि मिह-रो़हराङ दाऊदगी स़ेबु, थार्पा नाङगेन्‍गी क्‍याहल्‍बु यिहम्‍बानी?”

मत्ती 15:31

लेम्‍बाया़ ताम माज्‍ये छ़ूसीन, ओङबु छाङबु म़ेहबा मिहया़ टा़हसीन, काङबा स्‍योर्क्‍योया़ डोज्‍ये छ़ूसीन ओहले मी़ मेहथोङगेनया़ मी़ थोङ ख़ूएँ काहल्‍सीन। दि थोङदी मिहया़ ज्‍यिबुराङ ह्‍अ ल़ेहसीन ओहले खुङया़गी इस्राएलकी किन्‍ज्‍योला त़ेरा तेच्‍या फुल्‍सीन।

मत्ती 9:33

येशूगी ओ़ह ल्‍हेन्‍डी तेन नाङ-लुहङ मे़हबाराङ ओ़ह मिह ताम मा ख़ूएँ काहल्‍सीन ओहले मिह थाम्‍ज्‍यीगी ह्‍अ ल़ेहदी मासीन, “दि ल़ेहमुनी ङ्यिहगी इस्राएलला नाहमॱआङ थोङदी म़ेह।”

मत्ती 9:8

दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।

मर्कूस 2:11

“ङाह ख्‍येला माएँ, ता़ह लाहङदोङ, ओहले राहङगी तेङगो खुर्ते खाङबाला सोङ।”

लूका 13:13

ओहले येशूगी मोह थो़ला छ्या़ ज़्‍या़ नाङसीन। छ्या़ ज़्‍या़ नाङ-लुहङ मे़हबाराङ मोह टा़हदी ख्‍याङ पेहती लाहङसीन। ओहले मोहगी किन्‍ज्‍योला थुज्‍यी-छ्ये़ फुल्‍सीन।

लूका 17:15

ओहले मेहन्‍दा च्‍यी़गी राहङ टा़हक्‍यो क्‍यी़ह ज्‍योर फान्‍ज्‍यो क़े छ्यिम्‍बुच्‍यी तेन्‍दी किन्‍ज्‍योला त़ेरा फुल्‍गेराङ लो़ह ओहङसीन।

लूका 5:26

खुङ थाम्‍ज्‍यी माहङबुराङ ह्‍अ ल़ेहसीन ओहले किन्‍ज्‍योकी दि ल़ेहमु वाङज्‍या छ्यिम्‍बु थोङदी खुङया़ ज्‍यी़सीन। खुङया़गी किन्‍ज्‍योला तेपा फुल्‍गेराङ दि रोहवा मासीन, “तिहरीङनी ओहराङगी काहन्‍डुमु याहम्‍जेम्‍बागी स़ेह च्‍यी़ थोङसीन!”

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

यूहन्‍ना 9:32

क्‍येएँ यिहन्‍ज्‍युराङ मी़ मेहथोङगेन मिहला सुज्‍यीगी टा़ह च्‍य़ूक्‍योकी तामनी ताहन्‍दा थु सुज्‍यीगीॱआङ थे़दी म़ेह।

ल़ेह-पेन 4:21

दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।