मर्कूस 16:16 - ह्योल्‍मो

¹⁶ यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

मर्कूस 16:16 ပူးပေါင်းရင်းမြစ်များ

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

मर्कूस 1:15

येशूगी सुङ नाङसीन, “ता़ह ती़हजी तेहन्‍दा डुप सिहन्‍दी येह, ओहले किन्‍ज्‍योगी क्‍याहल्‍सी पोहला लेप सिहन्‍दी येह। स्‍या़बा पेहतोङ, ओहले या़हबु लेहङगुगी केच्‍याला यिह छ्य़ेदोङ।”

लूका 8:12

ओहले लाहमला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ सुङदेन ङ्यिहन्‍दी यिह मा़हछ्य़ेज्‍यु ओहले माहथार्च्‍यु म़ेदी दियाबलसगी ओहङदी खुङगी यिहलेगी सुङ ख्‍येर्कें।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 3:36

का़हन्‍दीगी स़ेबुला यिह छ्य़ेगे, खो ङ्याम्‍बु था़ म़ेहबा मिहली ज़ाङबु ओहङगे। का़हन्‍दीगी स़ेबुला यिह मे़हछ्येगे, खोगी मिहली थोङज्‍ये म़ेह, यिहॱनाङ किन्‍ज्‍योगी थुयाल खो थो़ला बाप्‍च्‍ये येह।

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:29

ओहले येशूगी खुङया़ला सुङ नाङसीन, “किन्‍ज्‍योगी थु-सेम जे नाङगेन्‍दी दिराङ यिहम्‍बा: किन्‍ज्‍योगी ताङ नाङग्‍योकी स़ेबुला ख्‍याया़गी यिह छ्य़ेदोङ।”

यूहन्‍ना 6:35

ओहले येशूगी खुङया़ला सुङ नाङसीन, “मिहली ज़ाङबु तेर्केन्‍गी खुरा ङाहराङ यिहन। ङाहसाला ओहङगेनया़ नाहमॱआङ तो़ज्‍ये म़ेह, ओहले ङाहला यिह-छ्य़े पेहकेनया़ नाहमॱआङ कोम्‍ज्‍ये म़ेह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 8:24

ङाहगी ख्‍याया़ला मासीन, ‘ख्‍याया़ राहङगी तिहक्‍पाला स्‍यिज्‍ये येह’ च्‍यिबेमाना ‘ङाह ओ़हदीॱराङ यिहन’ म़ेदी ख्‍याया़गी यिह मे़हछ्येसीमाना ख्‍या राहङगी तिहक्‍पाला स्‍यिज्‍ये येह।”

ल़ेह-पेन 10:43

येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

ल़ेह-पेन 13:39

येशूला यिह छ्य़ेगेया़ थाम्‍ज्‍यी तिहक्‍पा ङो़ले थार्पा ज्‍योर्ती किन्‍ज्‍योगी ज़ी़नाङला ठाबे सी़हगे। मोशागी नाङग्‍यो छ्य़े-ठिमगी मिहया़ला थार्पा तेर मी़हखुएँ।

ल़ेह-पेन 13:46

यिहॱनाङ पावल दाङ बारनाबासकी आप छ्य़ेदी मासीन, “थाम्‍ज्‍यी म़ेदी तोहङले किन्‍ज्‍योगी या़हबु लेहङगु राहङ फे़बेया़ला स्‍येॱराङ कोहच्‍ये येहकें, यिहॱनाङ राहङ फे़बेया़गी सेन्‍ज्‍ये थुराङ जे मेहनाङ दु। नाहमॱआङ स्‍यिज्‍ये म़ेहबागी मिहली ज़ाङबु ज्‍योर्च्‍येला राहङ फे़बेया़गीराङ का़ नाङसीन। ओ़ह सोङबे ता़ह ङ्यिह लेहमेन क्‍यिहपागी मिहया़साला डोएँ।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

ल़ेह-पेन 2:41

ओहले मिह माहङबुगीराङ पत्रुसकी तामला यिह छ्य़ेदी बप्‍तिस्‍मा लेहन्‍सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

रोमी 3:6

ओ़ह ल़ेहमु मिहम्‍बा! ओ़हठी यिहन्‍सीमानानी, किन्‍ज्‍योगी जाम्‍बुलीङला काह-ठि जेती ठिम ताङ नाङ ख़ूज्‍ये ले?

रोमी 4:24

यिहॱनाङ दि ओहराङगी तेहन्‍दालाॱआङ यिहम्‍बा। ओहले ओहराङ सु सुगी ओहराङ चो़वो येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङगे किन्‍ज्‍यो थो़ला यिह छ्य़ेगे खुङॱआङ किन्‍ज्‍योगी दिनला टाहङबु सी़हज्‍ये येह।

२ थेसलोनिकी 1:8

ओहले किन्‍ज्‍योला ङोह मे़हस्‍येगेया़ दाङ ओहराङकी चो़वो येशूकी या़हबु लेहङगु मिहङ्यीहन्‍गेनया़ला मिहरोगी मेहबुङ नाहङला फेप्‍ती ङ्य़ेहबा काल नाङज्‍ये येह।

२ थेसलोनिकी 2:12

ओ़ह सोङबे खुङया़गी तेहन्‍दामकी स्‍याहलला यिह मा़हछ्ये, यिहॱनाङ चोक्‍पा ल़ेहया़ पेहच्‍येलाॱराङ खुङया़ला या़हबु ऩेसीन। ओ़ह सोङबे खुङया़ला ङ्य़ेहबा फो़सीन।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”