मर्कूस 16:15 - ह्योल्‍मो

¹⁵ ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

मर्कूस 16:15 ပူးပေါင်းရင်းမြစ်များ

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

मर्कूस 13:10

जाम्‍बुलीङ तोङगे म़ेदी तोहङले थाम्‍ज्‍यी क्‍यिहपागी मिहया़ला या़हबु लेहङगु स्‍ये सिहन्‍ग्‍यो ओहङ कोहज्‍ये येह।

यूहन्‍ना 15:16

ख्‍याया़गी ङाहला मा़हदाम यिहॱनाङ ङाहगी ख्‍याया़ला दाम्‍सीन, ओहले ख्‍या काहल्‍दी सेदो या़ह च्‍य़ूदोङ ओहले ख्‍याया़गी सेदो नाहम-माना या़हदे तेहच्‍यु म़ेदी ङाहगी ख्‍याला कुल्‍सीन। ओ़ह सोङबे ख्‍यागी ङाहगी मिहनला याहप ङ्याम्‍बु च्‍यि लाङगे ओ़हदी याहपगी ख्‍याला नाङज्‍ये येह।

यूहन्‍ना 20:21

ओहले येशूगी येहपाराङ खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु! याहपगी ङाहला ताङ नाङग्‍यो ल़ेहमुराङ ङाहॱआङ ख्‍याला ताङगेराङ येह।”

ल़ेह-पेन 1:2

येशू राहङगीराङ दाम नाङग्‍योकी ल़ेह-पेनया़ला नाम्‍पार-ताहक्‍पा थु लाहमले का नाङ सिहन फान्‍ज्‍यो येशू स्‍यिहङगामला फेप नाङग्‍यो थु थाम्‍ज्‍यीराङ तामया़ तोहङमा छ्य़ेला प्री़हदी येह।

ल़ेह-पेन 1:8

यिहॱनाङ नाम्‍पार-ताहक्‍पा थु ख्‍याया़ थो़ला फेप नाङ फान्‍ज्‍यो ख्‍यागी ओङ ज्‍योर्च्‍ये येह। ओ़ह तिङले ख्‍याया़ यरूशलेम क्‍याहसाला, थाम्‍ज्‍यी यहूदीयाला, सामरिया साने़या़ला, ओहले जाम्‍बुलीङ छ्यो़ ज़्‍यिगालाॱराङ ख्‍या ङाहगी पाङबु ओ़हङज्‍ये येह।”

रोमी 10:18

ओ़हठी यिहन्‍सीमाना च्‍यि खुङया़गी ङ्यिहन माहङ्युहङ? मिहम्‍बा, तेहम्‍बाराङ खुङया़गी थे़दे येह, च्‍यिबेमाना “खुङया़गी क़े लुहङबा थाम्‍ज्‍यीला फेल सिहन्‍दी येह, ओहले खुङया़गी माक्‍यो ताम जाम्‍बुलीङ रेबेलाॱराङ लेप सिहन्‍दी येह।”

रोमी 16:26

यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।

एफिसी 2:17

मिहरो फेप नाङदी ख्‍ये था़-रिहङबु येहकेन लेहमेन क्‍यिहपा दाङ पोहला येहकेन यहूदीया़ला थिन च्‍य़ूएँकी या़हबु लेहङगु स्‍य़े नाङसीन,

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

कलस्‍सी 1:6

दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

ज्‍याल्‍गा 14:6

दि तिङले ङाहगी नामला उहर्ती तेहक्‍यो लेहमेन स्‍यिहङगामकी स्‍याहप्‍च्‍यी च्‍यी़ थोङसीन। थाम्‍ज्‍यी क्‍यिहपा, छाङ, ताम दाङ लुहङबाकी मिहया़ला था़ म़ेहबा या़हबु लेहङगु स्‍येच्‍येला खो ओहङगेॱराङ येहकें।