मर्कूस 16:14 - ह्योल्‍मो

¹⁴ ओ़ह तिङले स्‍याहप्‍च्‍यी च्‍यिङ्यी़राङ साहज्‍ये से़हया़ स़ेह तेहकेमु येशू खुङया़गी पाहरक्‍यीला फेप नाङसीन। राहङ-राहङगी सेम सान्‍दी पेहती येशूला टोहङग्‍योलेगी सोम्‍बो लो़हक्‍यो थोङगेनया़गी तामला यिह मा़हछ्येबा सोङबे येशूगी खुङया़ला काप्‍क्‍येन नाङसीन।

मर्कूस 16:14 ပူးပေါင်းရင်းမြစ်များ

मत्ती 11:20

ओहले का़हन्‍दी-का़हन्‍दी क्‍याहसाया़ला येशूगी याहम्‍जेम्‍बागी छ्या़लेया़ जे नाङग्‍यो येहकें, ओ़ह क्‍याहसाकी मिहया़ला येशूगी काहजे छा़ तुहवा म़ेदी सुङ नाङसीन, च्‍यिबेमाना खुङया़गी सेमगी स्‍या़बा पेहती तिहक्‍पा माहपाङबा येहकें।

मत्ती 17:20

ओहले येशूगी सुङ नाङसीन, “ख्‍याया़गी तेहपा ङ्युहङा येहकें सोङबे यिहम्‍बा। तेहम्‍बाराङ ङाह ख्‍याया़ला माएँ, ख्‍याया़ ङ्याम्‍बु राइ-सेनगी बुदी जेबा तेहपा येहसीमाना ओ़ह काहङदोला देलेगी फार सोङ म़ेदी माॱनाङ ओ़ह डोज्‍ये येह ओहले ख्‍याया़गी च्‍यि माॱनाङ पेह ख़ूज्‍ये येह।”

मत्ती 28:17

येशूला थोङ-लुहङ मे़हबाराङ खुङया़ येशूगी दिनला खेप्‍चु क्‍याहप्‍ती त़ेरा फुल्‍सीन। यिहॱनाङ खुङया़ नाहङला लाहला स्‍याहप्‍च्‍यीया़लानी “येशूॱराङ यिहम्‍बानी मिहम्‍बा” म़ेदी थेचुम पेहसीन।

मर्कूस 7:18

ओहले येशूगी सुङ नाङसीन, “च्‍यि ख्‍यागी तोहरोङॱआङ ह्‍अ मा़हकेहबा? खाले पेहती नाहङला स्‍य़ूहगे से़हया़गी मिहया़ला मेहचाङा ज़ो मी़हखुएँ म़ेदी ख्‍याला क्‍यी़ह म़ेहबा ले?

लूका 24:11

यिहॱनाङ “ख्‍यागी माक्‍योगी तामनी कोह मे़हछ्येएँगी ताम यिहन!” म़ेदी खुङया़गी पी़हमी-पेहजाया़गी माक्‍यो तामला यिह मा़हछ्ये।

लूका 24:25

ओहले येशूगी खुङया़ला सुङ नाङसीन, “ए रिहक्‍स्‍यी म़ेहबागी मिह, ख्‍यागी सेम देजे लो-सेपु काहल्‍दी येह, लुहङतेम्‍बाया़गी माक्‍योगी केच्‍याया़ ख्‍याया़गी यिह मे़हछ्येएँ!

यूहन्‍ना 20:25

ओहले लेहमेन स्‍याहप्‍च्‍यीया़गी थोमाला मासीन, “ङ्यिहगी चो़वोला थोङसीन।” यिहॱनाङ थोमागी खुङया़ला मासीन, “ङाहगी चो़वोगी छ्या़ला च्‍या़जार तिहप्‍क्‍योदी मेम्‍बाया़ माहथोङ थु, ओहले ओ़ह च्‍या़जारकी मेम्‍बाला ङाहती लाहक्‍पा-जु़बी मा़हलु थु, ओहले चो़वोगी ची़मा चो़ला ङाहती लाहक्‍पागी मा़हदे थु ङाह यिह मे़हछ्ये।”

यूहन्‍ना 20:26

ङ्यिहमा क्‍ये़ह तिङले येशूकी स्‍याहप्‍च्‍यीया़ येहपाराङ खाङबा नाहङला कोह क्‍याहप्‍ती तेहक्‍यो येहकें। थोमाॱआङ खुङ ङ्याम्‍बुराङ येहकें। कोह क्‍याहप्‍क्‍यो येहकें यिहॱनाङ येशू नाहङला स्‍य़ूह नाङसीन, ओहले खुङया़गी पाहरक्‍यीला ज़्‍याङदी सुङ नाङसीन “ख्‍याया़ ङ्याम्‍बु स्‍य़िहदे ओहङज्‍यु!”

यूहन्‍ना 20:27

ओहले येशूगी थोमाला सुङ नाङसीन, “ख्‍येती लाहक्‍पा देला ज़्‍यो़, ओहले ङाहती लाहक्‍पाया़ त़ेदोङ। ख्‍ये लाहक्‍पा क्‍या़दी ङाहती ची़मा चो़ला दे़दोङ। थेचुम मेहबेकें, यिहॱनाङ यिह-छ्य़े पेहतोङ।”

यूहन्‍ना 21:1

ओ़ह तिङले येहपाराङ गालील साने़की तिबेरियास छो पोहला स्‍याहप्‍च्‍यीया़गी येशूला थोङसीन।

यूहन्‍ना 21:14

येशू टोहङदी येहपाराङ सोम्‍बो ज़्‍याङ फान्‍ज्‍यो स्‍याहप्‍च्‍यीया़साला फेप नाङग्‍योदी दि लेहमा सुम्‍बा यिहन्‍गे।

ल़ेह-पेन 1:3

ओहप-क्‍याल नोम्‍दी क्‍याहङस्‍यीङला टोहङ फान्‍ज्‍यो येशू ङ्यिहमा ज़्‍यिप-च्‍यु थु लेहमा माहङबुराङ खुङया़ ङ्याम्‍बु थु नाङदी राहङ सोम्‍बो येह म़ेदी दास्‍यी तेन नाङसीन। ओहले स्‍याहप्‍च्‍यीया़गी येशूला थोङसीन ओहले येशूगी खुङया़ ङ्याम्‍बु किन्‍ज्‍योगी क्‍याहल्‍सीगी तेहन्‍दाला स्‍याहल सुङ नाङसीन।

१ कोरिन्‍थी 15:5

ओहले मिहरो पत्रुस (केफास) साला ओहले ओ़ह तिङला स्‍याहप्‍च्‍यी च्‍यिङ्यी़ सालाॱआङ थेन फेप नाङसीन।

ज्‍याल्‍गा 3:19

का़हन्‍दीला ङाहगी चेवा पेहकें ओ़हदीला ङाहगी बार्ताॱआङ लाङगे ओहले च्‍युरॱआङ च्‍युर्कें। ओ़ह सोङबे सेम काहसो पेहतोङ ओहले तिहक्‍पा पाङदी स्‍या़बा डुप्‍तोङ।