मर्कूस 15:14 - ह्योल्‍मो

¹⁴ ओहले पिलातसगी, “खोगी च्‍यि ल़ेह चोक्‍पा पेहक्‍यो येहबा ले?” म़ेदी टी़हसीन। यिहॱनाङ खुङया़गी जेनॱराङ क़े तेन्‍दी मासीन, “खोला क्‍याहङस्‍यीङला च्‍याङ नाङदोङ।”

मर्कूस 15:14 ပူးပေါင်းရင်းမြစ်များ

मत्ती 27:19

पिलातस ठिम ताङज्‍येला ठिम ताङगेन्‍गी ज़्‍य़ू-ठिला तेहक्‍यो येहकें। ओ़हजेलाराङ खोगी पी़हमीगी खोला दि ल़ेहमु म़ेदी लेहङगु ताङ चाहङसीन, “ओ़ह च्‍यिॱआङ क्‍येन म़ेहबाकी मिहला च्‍यिॱआङ जे माहनाङ च्‍यिबेमाना तिहरीङ नुहङमु ङाहगी खोगी तेहन्‍दाला मिलाम थोङदी ज्‍यिबुराङ तुहक्‍पु ङ्युहङसीन।”

मत्ती 27:4

“ङाहगी ङ्य़ेहबा-छ्यू़बा च्‍यिॱआङ माहबेबा मिहला सेच्‍येला ज़ुङ च्‍य़ूदी तिहक्‍पा छ्यिम्‍बुच्‍यी पेहसीन” म़ेदी मासीन। ओहले खुङया़गी, “ओ़ह तामदी ङ्यिहला च्‍यि च्‍योल्‍दो ले? ओ़हदीनी ख्‍येगी ताम का यिहन” म़ेदी मासीन।

मत्ती 27:54

साङगुल काहल्‍ग्‍यो दाङ ओ़हला काहल्‍ग्‍योगी थाम्‍ज्‍यीराङ से़हया़ थोङदी येशूला सुङदी तेहक्‍यो माक्‍मीया़ दाङ खुङया़गी माक्‍पेन ज्‍यिबुराङ ज्‍यी़सीन। ओहले खुङया़गी, “तेहम्‍बाराङ खोनी किन्‍ज्‍योगी स़ेबुराङ यिहम्‍बा दुबा” म़ेदी मासीन।

मर्कूस 15:13

खुङया़गी क़े तेन्‍गेॱराङ मासीन, “खोला क्‍याहङस्‍यीङला च्‍याङ नाङदोङ।”

मर्कूस 15:15

पिलातसगी मिह मिह-माहङया़ला क़ेहनाङ लाहङ च्‍य़ूज्‍येला खोगी बारब्‍बालाराङ ताङ तेर्सीन। ओहले येशूलादी खोगी ताक्‍स्‍यु क्‍याहप्‍ती क्‍याहङस्‍यीङला च्‍याङज्‍येला चि क्‍याहप्‍सीन।

लूका 23:21

यिहॱनाङ मिह मिह-माहङया़गी, “खोला च्‍याङ नाङदोङ, खोला क्‍याहङस्‍यीङला च्‍याङ नाङदोङ!” म़ेदी क़े तेन्‍दीराङ तेहसीन।

लूका 23:4

ओहले पिलातसगी पूजाहारी छ्यिम्‍बु दाङ जोम्‍ग्‍यो मिहया़ला, “ङाहगीनी दि मिहला ठिम ताङ कोहएँगी तेहन्‍दा च्‍यिॱआङ मेहथोङ दु” म़ेदी मासीन।

लूका 23:41

ओहराङगीनी चोक्‍पा ल़ेह पेहक्‍यो सोङगोराङ गा ङ्य़ेहबा खुर कोहक्‍यो, यिहॱनाङ त़ेदोङ, येशूगीनी च्‍यिॱआङ ल़ेह चोक्‍पा जे-नाङदी म़ेह।”

लूका 23:47

दि रोहवा काहल्‍ग्‍यो थोङदी रोमी माक्‍पेनगी दि ल़ेहमु म़ेदी किन्‍ज्‍योला ज़िज्‍यिद फुल्‍सीन, “तेहम्‍बाराङ, दि मिहनी टाहङबु यिहम्‍बा दुबा!”

यूहन्‍ना 18:38

पिलातसगी येशूला टी़हसीन, “तेहन्‍दाम च्‍यि यिहम्‍बा ले?” देजे म़ेदी खो फिला थेन्‍दी यहूदी गोबाया़साला काहल्‍दे मासीन, “ङाहगी दि मिहला फातुर च़ू कोहकेन्‍गी तेहन्‍दानी च्‍यिॱआङ मेहथोङ दु।

यूहन्‍ना 19:6

पूजाहारी छ्यिम्‍बु दाङ कोह सुङगे मिहया़गी येशूला थोङ-लुहङ मे़हबाराङ क़े तेन्‍दी मासीन, “खोला क्‍याहङस्‍यीङला च्‍याङ नाङदोङ, खोला क्‍याहङस्‍यीङला च्‍याङ नाङदोङ!” पिलातसगी खुङया़ला मासीन, “ओ़हठी यिहन्‍सीमाना ख्‍यागीराङ खोला ख्‍येर्ती क्‍याहङस्‍यीङला च्‍याङदोङ। ङाहगीनी खोला फातुर च़ू कोहएँ थुकी ल़ेह चोक्‍पा पेहक्‍योनी च्‍यिॱआङ मेहथोङ दु!”

ल़ेह-पेन 13:28

येशूला सेॱराङ कोहएँगी च्‍यिॱआङ ङ्य़ेहबा मे़हॱनाङ खुङया़गी येशूला सेॱराङ कोहकें म़ेदी पिलातसला मासीन।

ल़ेह-पेन 19:34

मिह मिह-माहङया़गी, खोॱआङ यहूदी यिहम्‍बा दु म़ेदी ङोह स्‍य़े फान्‍ज्‍यो येहपाराङॱआङ क़े तेन्‍दी, “एफिससला ज्‍यू़एँगी अर्तेमीस ल्‍हा, छ्यिम्‍बु जेतीॱराङ ज्‍यू़ज्‍यु, अर्तेमीस ल्‍हा, छ्यिम्‍बु जेतीॱराङ ज्‍यू़ज्‍यु!” म़ेदी मिह मिह-माहङया़गी छ्युजी ङ्यिचे क़े तेन्‍दीराङ तेहसीन।

हिब्रू 7:26

ओहराङला कोहक्‍योगी गो-छ्येवा पूजाहारीती येशूॱराङ यिहन्‍गे। मिहरो नाम्‍पार-ताहक्‍पा, च्‍यिॱआङ क्‍येन म़ेहबा दाङ चाङमा येहबा ओहले किन्‍ज्‍योगी मिहरोला तिहक्‍च्‍येम्‍बा मिहया़गी पाहरक्‍यीले खा फे़ नाङदी थाम्‍ज्‍यी म़ेदी थो़स्‍यो स्‍यिहङगामला ज़्‍या़ नाङसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।