मर्कूस 14:41 - ह्योल्‍मो

⁴¹ लेहमा सुम खाला स्‍याहप्‍च्‍यीया़ येहकें ग्‍या़ला लो़ह फेप्‍ती येशूगी सुङ नाङसीन, “ख्‍या तोहरोङॱआङ ङ्यि लो़हदी थाङ स़े तेहक्‍यो? ता़ह ङ्याहल्‍दी तेहकेन्‍गी ती़हजी काहल सिहन्‍सीन। ङाह मिहगी स़ेबुला ज़ुङदी तिहक्‍च्‍येम्‍बागी लाहक्‍पाला चि क्‍याहप्‍केन्‍गी ती़हजी लेप सिहन्‍सीन।

मर्कूस 14:41 ပူးပေါင်းရင်းမြစ်များ

मत्ती 26:2

“ख्‍याया़ला क्‍यी़हराङ येह, ता़ह ङ्यिहमा ङ्यी़ तिङले थार्पा छ्येपा ओहङगेॱराङ येहबा। ओहजेला मिहगी स़ेबुला क्‍याहङस्‍यीङला च्‍याङदी सेच्‍येला चि क्‍याहप्‍च्‍ये येह।”

मर्कूस 14:10

येशूगी स्‍याहप्‍च्‍यी च्‍यिङ्यी़ नाहङगी यहूदा इस्‍करियोत माएँ स्‍याहप्‍च्‍यी च्‍यी़ पूजाहारी छ्यिम्‍बुया़ साला काहल्‍दी येशूला ज़ुङदी चि क्‍याहप्‍केन्‍गी तेहन्‍दाला ताम मासीन।

मर्कूस 14:18

डेन छ्येके छ्ये़एँमुॱराङ येशूगी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङलेॱराङ ङाह ङ्याम्‍बु साहएँ मेहन्‍दा च्‍यी़गी ङाहला ज़ुङ च्‍य़ूज्‍ये येह।”

मर्कूस 14:35

ओहले येशू फाच्‍चीला फेप्‍ती साला खेप्‍चु क्‍याहप नाङदी “ओहङ ख़ूएँ यिहन्‍सीमानानी ओहङज्‍ये पेहक्‍योगी तुहक्‍पुगी ती़हजी ङाहलेगी था़-रिहङबु जे नाङदोङ” म़ेदी सोल्‍वाङ ताप नाङसीन।

मर्कूस 14:40

ओहले येहपाराङ स्‍याहप्‍च्‍यीया़ येहकें ग्‍या़ला लो़हदी फेप नाङगेमु खुङ येहपाराङ ङ्यि लो़हदी तेहक्‍यो येशूगी ज़ी़ नाङसीन। खुङगी मी़राङ खा फे़ मा़हखु ओहले येशूला च्‍यि ल़ेहन क्‍याहप्‍कें यिहम्‍बा म़ेदी खुङगी सेमला ताम च्‍यिॱआङ माहयोहङ।

मर्कूस 14:42

ता़ह लोहङ, ओहले डो! त़ेदोङ, ङाहला ज़ुङ च्‍य़ूगेन्‍गी मिह ओहङ सिहन्‍दी येह” म़ेदी येशूगी सुङ नाङसीन।

मर्कूस 7:9

ओहले येहपाराङ येशूगी सुङ नाङसीन, “राहङगी ज़ोक्‍योगी ठिम्‍दाया़ ची़ज्‍ये म़ेदी किन्‍ज्‍योगी नाङग्‍योगी काया़ला गोम्‍दी तेहच्‍येला ख्‍या ज्‍यिबुराङ ख़ेबा दु!

मर्कूस 9:31

च्‍यिबेमाना येशूगी राहङगी स्‍याहप्‍च्‍यीया़ च्‍यी़लाॱराङ लोप्‍चे थुला ठुङदी येहकें। येशूगी खुङया़ला सुङ नाङसीन, “मिहगी स़ेबुला ज़ुङदी मिहया़गी लाहक्‍पाला चि क्‍याहप्‍च्‍ये येह। खुङया़गी खोला सेच्‍ये येह, यिहॱनाङ स्‍यिक्‍योगी ङ्यिहमा सुम तिङले खो येहपाराङ सोम्‍बो लो़हज्‍ये येह।”

यूहन्‍ना 12:23

येशूगी खुङया़ला सुङ नाङसीन, “ता़ह मिहगी स़ेबुकी ज़िज्‍यिद ओहङगेन्‍गी ती़हजी लेप सिहन्‍दी येह।

यूहन्‍ना 12:27

“ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

यूहन्‍ना 7:30

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ सुज्‍यीगीॱआङ येशूला लाहक्‍पा माहक्‍याहप, च्‍यिबेमाना येशूकी ती़हजी तोहरोङॱआङ लेप्‍ती म़ेहबा येहकें।

यूहन्‍ना 8:20

दि स्‍याहल येशूगी छ्योखाङला डेल्‍बा फुल्‍गेन्‍गी काहम येहकेन ग्‍या़ला लोप नाङगेमु सुङ नाङसीन। ओहले येशूला सुज्‍यीगीॱआङ माहजु़ङ, च्‍यिबेमाना येशूगी ती़हजी तोहरोङॱआङ माहलेप येहकें।

ल़ेह-पेन 7:52

च्‍यि राहङ फे़बेया़गी आख्‍ये मे़हमेया़गी तुहक्‍पु माहतेर्पा सुज्‍यीॱआङ लुहङतेम्‍बा येहबा ले? किन्‍ज्‍योगी नाम्‍पार-ताहक्‍पा स्‍याहप्‍च्‍यी फेप्‍केराङ येह म़ेदी लेहङगु स्‍येकें लुहङतेम्‍बाया़ॱलाङ खुङया़गी सेसीन। राहङ फ़ेबेॱयागीदी फेप नाङग्‍योकी नाम्‍पार-ताहक्‍पा स्‍याहप्‍च्‍यीॱलाङ क्‍येन ता़दी से नाङसीन।