मर्कूस 14:39 - ह्योल्‍मो

³⁹ येहपाराङ फेप्‍ती येशूगी तोहङला ताप नाङग्‍यो सोल्‍वाङॱराङ ताप नाङसीन।

मर्कूस 14:39 ပူးပေါင်းရင်းမြစ်များ

मत्ती 6:7

“ओहले सोल्‍वाङ ताप्‍केमु लेहमेन क्‍यिहपागी मिहया़गी ल़ेहमु मिहया़गी थे़ज्‍यु म़ेदी क़े छ्यिम्‍बु-छ्यिम्‍बु तेन्‍दी सोल्‍वाङ माहताप। खुङया़नी ओ़ह ल़ेहमुराङ पेहती सोल्‍वाङ ताप्‍ना च्‍यी़राङ किन्‍ज्‍योगी सेन नाङगेन म़ेदी साम्‍लु ताङगे।

मर्कूस 14:38

ङ्याहम्‍छेला माहछ्यीज्‍यु म़ेदी ख्‍या ङ्यि मा़हलोहबा पेहती सोल्‍वाङ ताप्‍तोङ। सेम नि तेहम्‍बाराङ ठाबे दु, यिहॱनाङ ज़ुबुदी मा-फाम्‍बु दु” म़ेदी येशूगी सुङ नाङसीन।

मर्कूस 14:40

ओहले येहपाराङ स्‍याहप्‍च्‍यीया़ येहकें ग्‍या़ला लो़हदी फेप नाङगेमु खुङ येहपाराङ ङ्यि लो़हदी तेहक्‍यो येशूगी ज़ी़ नाङसीन। खुङगी मी़राङ खा फे़ मा़हखु ओहले येशूला च्‍यि ल़ेहन क्‍याहप्‍कें यिहम्‍बा म़ेदी खुङगी सेमला ताम च्‍यिॱआङ माहयोहङ।

लूका 18:1

ओहले “सेम मा़हस्‍यीबा पेहती नाहम-माना किन्‍ज्‍योला सोल्‍वाङ ताप्‍ती तेह कोहएँ” म़ेदी स्‍याहप्‍च्‍यीया़ला टेहम्‍बा साल च्‍य़ूज्‍येला येशूगी दि स्‍याहल पे ज़्‍या़दी सुङ नाङसीन–

२ कोरिन्‍थी 12:8

दिला टा़ह च्‍य़ू नाङदोङ म़ेदी ङाहगी लेहमा सुम थु चो़वो ङ्याम्‍बु ओहर-छ्य़े स्‍युहसीन।

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।