मर्कूस 14:30 - ह्योल्‍मो

³⁰ येशूगी पत्रुसला सुङ नाङसीन, “तेहम्‍बाराङ ङाह ख्‍येला माएँ, नाहङबार ङाटु च्‍याहबु लेहमा ङ्यी़ क़े तेन्‍गे म़ेदी तोहङले ख्‍येगी ङाहला ङोह मे़हस्‍येएँ म़ेदी लेहमा सुम थु माज्‍ये येह।”

मर्कूस 14:30 ပူးပေါင်းရင်းမြစ်များ

मत्ती 26:34

येशूगी सुङ नाङसीन, “तेहम्‍बाराङ ङाह ख्‍येला माएँ, नाहङबार ङाटु च्‍याहबु क़े तेन्‍गे म़ेदी तोहङलेराङ ख्‍येगी ङाहला ङोह मे़हस्‍येएँ म़ेदी लेहमा सुम थु माज्‍ये येह!”

मर्कूस 13:35

ओ़ह सोङबे टिहम्‍बु पेहती तेहतोङ च्‍यिबेमाना ताहक्‍पु काहजे ती़हजीला लो़हदी ओहङगे यिहम्‍बा म़ेदी ख्‍याला क्‍यी़ह मेहयोहङगे। खो नि नाहम से़दी, नुहप फेचेला फार, च्‍याहबु पेहकें ती़हजीला फार, कि-माना नाहम लाहङगे ती़हजीला फार, ओहले काहजे ती़हजीला माॱनाङ ओहङ ख़ूएँ

मर्कूस 14:29

ओहजे ती़हजीला पत्रुसकी येशूला, “थाम्‍ज्‍यीगी राहङला क्‍युर ज़्‍या़दी डोॱनाङ ङाह राहङला नाहमॱआङ क्‍युर ज़्‍या़ज्‍ये म़ेह” म़ेदी मासीन।

मर्कूस 14:31

यिहॱनाङ पत्रुसकी दि ल़ेहमु म़ेदी मासीन, “राहङ ङ्याम्‍बुराङ स्‍यि कोहॱनाङ ङाह राहङला ङोह मे़हस्‍येएँ म़ेदी मेहमाएँ।” ओहले लेहमेन स्‍याहप्‍च्‍यीया़गीॱआङ ओ़ह ल़ेहमुराङ मासीन।

लूका 22:34

ओहले येशूगी, “पत्रुस, माज्‍ये मानानी, नाहङबार ङाटु च्‍याहबु क़े तेन्‍गे म़ेदी तोहङलेराङ ख्‍येगी लेहमा सुम थु ङाहला ङोह मे़हस्‍येएँ म़ेदी माज्‍ये येह!” म़ेदी सुङ नाङसीन।

यूहन्‍ना 13:38

ओहले येशूगी सुङ नाङसीन, “च्‍यि ख्‍ये ङाहगी तेहन्‍दाला स्‍यि कोहॱनाङ स्‍यि ख़ूएँ ले? तेहम्‍बाराङ ङाह ख्‍येला माएँ, ख्‍येगी ङाहला लेहमा सुम मा-लोक माहबे थु च्‍याहबु पेहच्‍ये म़ेह।”

यूहन्‍ना 18:17

पत्रुस नाहङला डोएँॱराङ पेहकेमु ओ़ह पी़हमीगी खोला टी़हसीन, “च्‍यि ख्‍ये आङ ओ़ह मिहगी स्‍याहप्‍च्‍यी मिहम्‍बा ले?” पत्रुसगी मासीन, “अहँ, ङाहनी मिहन।”

१ कोरिन्‍थी 10:12

ओ़ह सोङबे सान्‍दी पेहती लाहङग्‍यो येह माएँया़गी जेम्‍बु पेहच्‍यु, मिहन्‍सीमानानी खो रिहल्‍ज्‍ये येह।