मर्कूस 14:14 - ह्योल्‍मो

¹⁴ ओ़ह खाङबागी ताहक्‍पुला ‘लोबेनगी सुङ नाङगु दु, ङाहगी स्‍याहप्‍च्‍यीया़ ङ्याम्‍बु थार्पा छ्येपाकी डेन साहएँ ग्‍या़ का़हला येहबा?’

मर्कूस 14:14 ပူးပေါင်းရင်းမြစ်များ

मर्कूस 10:17

येशू ओहलेगी फेप्‍च्‍ये जेकेमु मिह च्‍यी़ छ्योङदी ओहङदी येशूगी दिनला पी़मु च़ूदी, “ओ़ थाम्‍ज्‍यी म़ेदी या़हबु लोबेन लाह, नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला ङाहगी च्‍यि पेह कोहएँ?” म़ेदी स्‍युहसीन।

मर्कूस 11:3

का़हलेॱआङ सुज्‍यीगी ‘ख्‍यागी दि च्‍यि पेहक्‍यो?’ म़ेदी टी़हसीमाना, ‘दि चो़वो छ्येवाला कोहपु येह, मिहरोगी ग्‍यो़बाराङ लो़ ताङ नाङज्‍ये येह’ म़ेदी म़ेदोङ।”

मर्कूस 14:13

ओहले येशूगी स्‍याहप्‍च्‍यी ङ्यी़ला सुङ नाङसीन, “ख्‍या क्‍याहसाला सोङ, ओ़हला ख्‍यागी साहङबुङला छ्यु खुर्ती ओहङ तेहक्‍यो मिह च्‍यी़ च्‍य़ेह सिहन्‍ज्‍ये येह। ओ़ह मिहगी तिङदा तिङ सोङ ओहले खो का़हन्‍दी खाङबाला स्‍य़ूहगे,

मर्कूस 14:15

ओहले खोगी ख्‍याला खाङबागी थो़ तेङला थाम्‍ज्‍यी से़हया़ ठाबे पेहती डी़दी ज़्‍या़क्‍यो कोठा छ्यिम्‍बुच्‍यी तेन्‍ज्‍ये येह। ओ़हलाराङ ओहराङगी तेहन्‍दाला डेन ठाबे पेह” म़ेदी येशूगी सुङ नाङसीन।

लूका 22:11

का़हन्‍दी खाङबाला खो स्‍य़ूहगे, ओ़ह खाङबागी ताहक्‍पुला ‘ङाह राहङगी स्‍याहप्‍च्‍यीया़ ङ्याम्‍बु थार्पा छ्येपागी डेन साहएँगी ग्‍या़ का़हला येहबा?’ म़ेदी लोबेनगी टी़ह नाङगु दु म़ेदी म़ेदोङ।

यूहन्‍ना 11:28

ओहजे म़ेदी मार्था खाङबाला लो़ह काहल्‍सीन ओहले मोहती नोहमो मरियमला खाजुम्‍बाला क़े क्‍याहप्‍ती मासीन, “लोबेन लेप नाङसीन, ओहले ख्‍येला लोबेनगी क़े क्‍याहप नाङगेराङ येह।”

यूहन्‍ना 13:13

ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।