मर्कूस 13:26 - ह्योल्‍मो

²⁶ ओ़ह तिङले मिहगी स़ेबु ओङ छ्यिम्‍बु दाङ ज़िज्‍यिद ङ्याम्‍बु मुक्‍पाला फेप्‍केनॱराङ जेक्‍यो थोङज्‍ये येह।

मर्कूस 13:26 ပူးပေါင်းရင်းမြစ်များ

मत्ती 16:17

येशूगी सुङ नाङसीन, “ए योनाकी पुह सिमोन, ख्‍ये काहजे सोनाम-साक्‍पु! दि केच्‍या ख्‍येगी स्‍या दाङ ठा़ लाहमले पेहती माक्‍यो मिहम्‍बा, दिनी स्‍यिहङगामला ज़्‍य़ू नाङगेन्‍गी ङाहगी किन्‍ज्‍यो याहपगीॱराङ ख्‍येला क्‍यी़ह ज्‍योर च्‍य़ू नाङग्‍यो यिहम्‍बा।

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

मत्ती 16:28

तेहम्‍बाराङ ङाह ख्‍याया़ला माएँ, मिहगी स़ेबु राहङगी क्‍याहल्‍सीला फेप्‍क्‍यो माहथोङ थु देला ङ्यिहन्‍गेया़ नाहङला काहजेनी स्‍यिज्‍येॱआङ म़ेह।”

मत्ती 24:30

“ओ़ह तिङले नामला मिहगी स़ेबु फेप नाङगेन्‍गी ताक्‍छेन थोङज्‍ये येह। मिहगी स़ेबुला ओङ छ्यिम्‍बु दाङ ज़िज्‍यिद ङ्याम्‍बु नामगी मुक्‍पाला फेप्‍केनॱराङ जेक्‍यो थोङदी जाम्‍बुलीङगी क्‍यिहपा थाम्‍ज्‍यीगी मिहया़ ङुहप्रा तिहङरा पेहच्‍ये येह।

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

मर्कूस 14:62

ओहले येशूगी सुङ नाङसीन, “यिहम्‍बा, ङाह यिहम्‍बा ओहले ङ्यिहमा च्‍यी़ ख्‍या फे़बेया़गी मिहगी स़ेबुला थाम्‍ज्‍यी म़ेदी ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला तेहक्‍यो दाङ स्‍यिहङगामले माहर मुक्‍पाला ओहङगेॱराङ पेहक्‍यो थोङज्‍ये येह!”

मर्कूस 8:38

दि छ्येउ-छ्येंमुवा दाङ तिहक्‍च्‍येम्‍बा मिहदोला का़हन्‍दीगी ङाह दाङ ङाहगी लोप्‍च्‍युङला ङोहजा पेहकें, मिहगी स़ेबुगीॱआङ याहपगी ज़िज्‍यिद नोम्‍दी नाम्‍पार-ताहक्‍पा स्‍यिहङगामगी स्‍याहप्‍च्‍यीया़ ङ्याम्‍बु फेप नाङगेमु खोला राहङदी माज्‍येला ङाह ङोह छाज्‍ये येह।”

मर्कूस 9:1

येशूगी खुङया़ला येहपाराङ सुङ नाङसीन, “तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सी ओङ छ्यिम्‍बु जेती फेप्‍क्‍यो माहथोङ थु देला तेहकेनया़ नाहङला काहजे मिहया़दी स्‍यिज्‍ये म़ेह।”

लूका 21:27

ओ़ह तिङले मिहगी स़ेबु मुक्‍पाला ओङज्‍या छ्यिम्‍बु दाङ ज़िज्‍यिद ङ्याम्‍बु फेप्‍केराङ जेक्‍यो थोङज्‍ये येह।

ल़ेह-पेन 1:11

ओहले खुङया़गी मासीन “ए गालील साने़की मिहया़, ख्‍या च्‍यिबे लाहङदी नामला त़ेदी तेहकें? येशूलानी किन्‍ज्‍योगी स्‍यिहङगामला नोम फेप्‍सीन। ख्‍यागी येशूला काहन्‍डुमु पेहती फेप्‍केन थोङबा, ओ़ह ल़ेहमुराङ पेहती येशू ङ्यिहमा च्‍यी़ दि जाम्‍बुलीङला लो़ह फेप्‍च्‍ये येह।”

१ थेसलोनिकी 4:16

च्‍यिबेमाना चो़वो राहङदीराङ कागी सुङ-क़े छ्यिम्‍बुच्‍यी तेन्‍दी, स्‍यिहङगामकी गो-छ्येवा स्‍याहप्‍च्‍यीकी सुङ-क़े दाङ किन्‍ज्‍योगी रोहवा-लीङकी सुङ-क़े ङ्याम्‍बु स्‍यिहङगामले माहर फेप नाङज्‍ये येह, ओहले येशू मास्‍यीकाला यिह छ्य़ेदी स्‍यिक्‍योया़ थाम्‍ज्‍यी म़ेदी तोहङले सोम्‍बो लाहङज्‍ये येह।

२ पत्रुस 1:16

च्‍यिबेमाना ङ्यिहगी ख्‍याया़ला ओहराङ चो़वो येशू मास्‍यीकाकी ओङज्‍या छ्यिम्‍बु दाङ चो़वो फेप नाङगेन्‍गी तेहन्‍दाला लेहङगु या़हबु स्‍येकेमु मिहया़गी आहन्‍डाराङ ज़ोक्‍योकी पेतामया़ला ङ्यिहगी पे त़ेदी मा़हची, यिहॱनाङ ङ्यिहगी राहङ मी़गीराङ मिहरोगी ज़िज्‍यिद छ्यिम्‍बु थोङग्‍यो यिहम्‍बा। दिगी पाङबु ङ्यिहया़ॱराङ यिहम्‍बा।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।