मर्कूस 12:31 - ह्योल्‍मो

³¹ ओहले लेहमेन का दिराङ यिहम्‍बा– ‘राहङगी टोहङरोला राहङला ल़ेहमुराङ चेवा पेहतोङ’। दि म़ेदी छ्येस्‍यो का लेहमेन का़हन्‍दीॱआङ म़ेह” म़ेदी येशूगी सुङ नाङसीन।

मर्कूस 12:31 ပူးပေါင်းရင်းမြစ်များ

मत्ती 22:39

ओहले ओ़ह म़ेदी चो़ला का छ्यिम्‍बु च्‍यी़ येहबा, ‘ख्‍येगी राहङ खिम्‍जीला राहङला ल़ेहमुराङ चेवा पेहतोङ।’

मत्ती 7:12

“मिहया़गी ख्‍याया़ला दि ल़ेहमु पेह तेर्ना ओहङज्‍ये येहकें म़ेदी सेमला ने़गेन ल़ेहमुराङ ख्‍याया़गीॱआङ खुङया़ला ओ़ह ल़ेहमुराङ पेह तेर, च्‍यिबेमाना दिराङ मोशागी छ्य़े-ठिम दाङ लुहङतेम्‍बाया़गी सुङ नाङग्‍योकी स्‍याहल यिहम्‍बा।”

मर्कूस 12:32

दि थे़दी छ्य़ेकी खेम्‍बुया़गी येशूला, “तेहम्‍बाराङ राहङगी ठाबे सुङ नाङसीन, राहङगी सुङ नाङग्‍यो ल़ेहमुराङ किन्‍ज्‍यो नि च्‍यी़राङ येहबा, किन्‍ज्‍यो म़ेदी लेहमेन सुॱआङ म़ेह।

लूका 10:27

ओहले ओ़ह छ्य़े-ठिमकी लोबेनगी स्‍युहसीन, “ख्‍येगी चो़वो छ्येवा राहङगी किन्‍ज्‍योला थाम्‍ज्‍यी यिहगी, थाम्‍ज्‍यी सोगी, थाम्‍ज्‍यी रिहक्‍स्‍यीगी, निङ थाक्‍पा यिहन्‍ज्‍युराङ चेवा डुप्‍तोङ ओहले राहङगी ख्‍यिम्‍जीला राहङला ल़ेहमुराङ चेवा पेहतोङ।”

गलाती 5:14

च्‍यिबेमाना थाम्‍ज्‍यी छ्य़े-ठिम, च्‍यिमी च्‍यी़राङ सुङला छाङबु काहल्‍दी येह, “ख्‍येगी राहङ ख्‍यिम्‍जीला राहङला ल़ेहमुराङ चेवा पेहतोङ।”

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।