मर्कूस 12:29 - ह्योल्‍मो

²⁹ ओहले येशूगी सुङ नाङसीन, “थाम्‍ज्‍यी म़ेदी छ्येस्‍यो का दिराङ यिहम्‍बा ‘ए इस्राएलीया़ या़हबु पेहती ङ्यिहन्‍दोङ! ओहराङगी किन्‍ज्‍यो च्‍यी़राङ चो़वो छ्येवा यिहम्‍बा।

मर्कूस 12:29 ပူးပေါင်းရင်းမြစ်များ

मत्ती 10:37

ङाहला म़ेदी राहङगी आबा-आमाला चा़ पेहकेन मिह ङाहगी स्‍याहप्‍च्‍यी ओहङज्‍ये मी़हसीहएँ। ओ़ह ल़ेहमुराङ ङाहला म़ेदी राहङगी पुह पोहमोला च्‍याहम्‍बा पेहकेन्‍दीॱआङ ङाहगी स्‍याहप्‍च्‍यी ओहङज्‍ये मी़हसीहएँ।

मत्ती 23:9

दि जाम्‍बुलीङला ख्‍याया़गी सुॱलाङ आबा माहमा च्‍यिबेमाना ख्‍याया़गी आबा च्‍यी़राङ येहबा, मिहरोनी स्‍यिहङगामला ज़्‍य़ू नाङदी येहबा।

लूका 10:27

ओहले ओ़ह छ्य़े-ठिमकी लोबेनगी स्‍युहसीन, “ख्‍येगी चो़वो छ्येवा राहङगी किन्‍ज्‍योला थाम्‍ज्‍यी यिहगी, थाम्‍ज्‍यी सोगी, थाम्‍ज्‍यी रिहक्‍स्‍यीगी, निङ थाक्‍पा यिहन्‍ज्‍युराङ चेवा डुप्‍तोङ ओहले राहङगी ख्‍यिम्‍जीला राहङला ल़ेहमुराङ चेवा पेहतोङ।”

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

१ कोरिन्‍थी 8:4

कुला छ्येपा फुल्‍ग्‍योगी साहएँ से़हया़ साहज्‍ये ओहङगेनी मेहयोहङगे माएँ ताम ओहराङला क्‍यी़ह येहबा, जाम्‍बुलीङला कु च्‍यिॱआङ मिहम्‍बा, किन्‍ज्‍यो च्‍यी़ मिहम्‍बा लेहमेन सुॱआङ म़ेह।

गलाती 3:20

ताम लाहम्‍बा पेहच्‍येला मिह बा़ल ङ्यी़ कोहएँ, यिहॱनाङ किन्‍ज्‍योनी च्‍यिमे च्‍यी़राङ ज़्‍य़ू नाङदी येह।

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!

यहूदा 1:25

ओ़ह च्‍यिमे च्‍यी़राङ किन्‍ज्‍यो, ओहराङला थार्पा नाङगेन येशू मास्‍यीका ओहराङ चो़वो लाहमले ज़िज्‍यिद, ची़नाङ, स्‍युक, ओङ काल्‍बा-काल्‍बा तोहङ यिहन्‍ज्‍यु ताहन्‍दा दाङ छे दाङ छे ओहङज्‍यु। आमेन।