मर्कूस 12:24 - ह्योल्‍मो

²⁴ येशूगी खुङया़ला ल़ेहन क्‍याहप नाङसीन, “ख्‍या ज्‍यिबुराङ जोल्‍ग्‍यो दुबा च्‍यिबेमाना ख्‍यागी सुङरापला प्रुहक्‍योगी तामॱआङ ह्‍अ मेहकोह दु, किन्‍ज्‍योगी ओङलाॱआङ ह्‍अ मेहकोह दु।

मर्कूस 12:24 ပူးပေါင်းရင်းမြစ်များ

मत्ती 22:29

ओहले येशूगी खुङया़ला सुङ नाङसीन, “ख्‍याया़ जोल्‍दी तेहक्‍यो दुबा। ख्‍याया़गी सुङरापगी स्‍याहल दाङ किन्‍ज्‍योगी ओङगी तेहन्‍दाला ङोह स्‍य़ेदी मिहन्‍दु।

मर्कूस 10:27

येशूगी खुङया़ला ज़ी़ नाङदी सुङ नाङसीन, “दि मिहया़लेगी ओहङॱराङ मी़हखुएँगी ल़ेह यिहम्‍बा, यिहॱनाङ किन्‍ज्‍योलेगी ओहङ ख़ूएँ च्‍यिबेमाना किन्‍ज्‍यो लाहमले थाम्‍ज्‍यीराङ ल़ेहया़ डुप ख़ूएँ।”

मर्कूस 12:23

ता़ह स्‍यी़दीले तिङले सोम्‍बो लाहङगे ती़हजीला खुङया़ नाहङला ओ़ह पी़हमी का़हन्‍दीती छ्युङमा ओहङडो ले? च्‍यिबेमाना मोहला नि पिन तिहनगीॱराङ पा़हमा पेह सिहन्‍दी येहबा” म़ेदी येशूला टी़हसीन।

मर्कूस 12:25

स्‍यिक्‍यो मिहया़ सोम्‍बो लाहङ फान्‍ज्‍यो नि खुङ पा़हमा पेहकेन दाङ पा़हमा पेह तेर्केन्‍गी केच्‍याराङ मेहयोहङगे। खुङ नि स्‍यिहङगामला ज़्‍य़ू नाङगे स्‍यिहङगामकी स्‍याहप्‍च्‍यीया़ ल़ेहमु ओहङगे।

लूका 1:37

च्‍यिबेमाना किन्‍ज्‍योगी जे मिहथुप्‍केन छ्या़लेन च्‍यिॱआङ म़ेह!”

यूहन्‍ना 20:9

(सुङरापला दि ल़ेहमु म़ेदी प्रुहक्‍यो येहबा “येशू टोहङदी तिङले येहपाराङ सोम्‍बो ज़्‍याङ नाङज्‍ये येह।” दि केच्‍या खुङया़गी ताहन्‍दा थु ङोह मा़हस्‍येबा येहकें।)

यूहन्‍ना 5:39

ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।

ल़ेह-पेन 17:11

बेरिया क्‍याहसाकी यहूदीया़ थेसलोनिके क्‍याहसाकी यहूदीया़ म़ेदी डा-छ्याक्‍पु येहकें। खुङगी किन्‍ज्‍योगी लुहङया़ निङरु पेहती ङ्यिहन्‍सीन, ओहले पावलगी माक्‍योगी ताम सुङराप ङ्याम्‍बु डी़उ दु नि मी़हन्‍डी दु म़ेदी ङ्यिहमा-टाहङमाराङ सुङराप लोङदी ताउ येहकें।

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

एफिसी 1:19

ओहले ओहराङ यिह छ्य़ेगेया़गी तेहन्‍दाला मिहरोकी चा़ छ्यिम्‍बु ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु म़ेदी ङाह सोल्‍वाङ ताप्‍के।

फिलिप्‍पी 3:21

मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।