मर्कूस 12:1 - ह्योल्‍मो

¹ येशूगी खुङया़ला पे ज़्‍या़दी दि ल़ेहमु पेताम सुङ नाङसीन, “मिह च्‍यी़गी कुहन्‍डुम स्‍यिहङ क्‍याहप्‍सीन। ओहले खोगी कुहन्‍डुम स्‍यिहङ कोर-क्‍यिहलेॱराङ ओहर्ताया़ क्‍याहप्‍ती सा ओम फ्रिदी कुहन्‍डुम च्‍यिर्केन्‍गी कोल ज़ोसीन ओहले ओ़ह कुहन्‍डुम स्‍यिहङ सुङज्‍येला पालीप जे़दी ओ़ह कुहन्‍डुम स्‍यिहङ कामे क्‍याहप्‍केन मिहया़ला चि क्‍याहप्‍ती खो राहङदी फि-युहलला फार काहल्‍सीन।

मर्कूस 12:1 ပူးပေါင်းရင်းမြစ်များ

मत्ती 13:3

ओहले येशूगी पे ज़्‍या़दी माहङबुराङ स्‍याहलया़ सुङ नाङसीन। ओहले येशूगी सुङ नाङसीन, “मिह च्‍यी़ राहङगी स्‍यिहङला सेन ताप्‍च्‍येला काहल्‍सीन।

मत्ती 21:28

ओहले येशूगी येहपाराङ सुङ नाङसीन, “ख्‍याया़गी च्‍यि साम्‍लु येहबा? मिह च्‍यी़दी पुह पिन ङ्यी़ येहकें। ओहले खो पुह छ्येवा साला काहल्‍दी, ‘पुह, ख्‍ये तिहरीङ कुहन्‍डुम स्‍यिहङला ल़ेह पेह सोङ लोह!’ म़ेदी मासीन।

मत्ती 21:33

येशूगी सुङ नाङसीन, “ता़ह येहपाराङ लेहमेन पेताम च्‍यी़ ङ्यिहन्‍दोङ। तोहङ तोहङले स्‍यिहङ ताहक्‍पु च्‍यी़ येहकें। ओहले खोगी राहङगी स्‍यिहङला कुहन्‍डुम तोहङबो च़ूसीन। ओहले कोर-क्‍यिहलेॱराङ ओहर्ता क्‍याहप्‍ती कुहन्‍डुम च्‍यिर्केन्‍गी कोल दाङ स्‍यिहङ सुङज्‍येला पालीप ज़ोसीन। ओहले ओ़ह स्‍यिहङ फेताप क्‍याप्‍केया़ला चि क्‍याहप्‍ती खोराङदी फि-युहलला फार काहल्‍सीन।

मत्ती 21:34

ओहले कुहन्‍डुम छे़गेन ती़हजी काहल फान्‍ज्‍यो खोगी राहङगी योक्‍पुया़ला राहङगी बोला थोप्‍केन्‍गी कुहन्‍डुम लेहन्‍ज्‍येला स्‍यिहङ फेताप क्‍याहप्‍कें मिहया़साला ताङ चाहङसीन।

मत्ती 25:14

येशूगी येहपाराङ सुङ नाङसीन, “किन्‍ज्‍योगी क्‍याहल्‍सीनी दि ल़ेहमु यिहम्‍बा– मिह च्‍यी़ फि-युहलला डोएँमु खोगी राहङगी योक्‍पुया़ला क़े क्‍याहप्‍ती राहङगी थाम्‍ज्‍यी क्‍युहया़ खुङला चि क्‍याहप्‍सीन।

मर्कूस 11:33

ओ़ह सोङबे खुङगी येशूला, “स्‍युस्‍ये, ङ्यिहलानी क्‍यी़ह म़ेह” म़ेदी मासीन। ओहले येशूगी, “ओ़हठी यिहन्‍सीमानानी ङाहगी का़हलेगी ओङ ज्‍योर्ती दि ल़ेहया़ पेहकेनॱराङ येहबा माएँ ताम, ङाहॱआङ ख्‍याला मेहमाएँ” म़ेदी सुङ नाङसीन।

मर्कूस 13:34

ओ़ह केच्‍या नि योक्‍पुया़ला खाङबा चि क्‍याहप्‍ती कोरा क्‍याहप्‍च्‍येला डोएँगी खाङबा ताहक्‍पुगी पेताम ल़ेहमु यिहम्‍बा। ताहक्‍पुगी राहङगी योक्‍पुया़ला राहङ-राहङगी ल़ेहया़ पेहती ज़्‍या़दोङ म़ेदी ल़ेह चि क्‍याहप्‍के ओहले कोह सुङगे मिहॱलाङ ‘या़हबु पेहती खाङबा सुङदोङ!’ म़ेदी ल़ेह तेन्‍दी ज़्‍या़एँ।

मर्कूस 3:23

ओ़ह सोङबे येशूगी खुङला क़े क्‍याहप्‍ती दि केच्‍यागी तेहन्‍दाला पे च्‍यी़ ज़्‍या़दी सुङ नाङसीन, “ती़ह गो-छ्येवा खो राहङगी राहङलाराङ काह-ठि पेहती ङ्ये ख़ूज्‍ये ले?

मर्कूस 4:2

ओहले येशूगी मिहया़ला पेया़ लाहमले माहङबुराङ तामया़ लोप नाङसीन। ओहले येशूगी खुङया़ला दि ल़ेहमु सुङदेन नाङसीन।

लूका 15:13

“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।

लूका 19:12

“मिह छ्यिम्‍बु च्‍यी़गी, ‘ङाह था़-रिहङबुगी क्‍याहल-खापला काहल्‍दी राहङ क्‍याहल-खापगी थो़ला क्‍याहल्‍बु पेहकेन्‍गी ओङ ज्‍योर्ती लो़ह ओहङगे साम्‍लु ताङसीन!’

लूका 22:9

खुङया़गी येशूला, “ङ्यिहगी दि डेन का़ह ग्‍या़ला ठाबे पेहतोङ?” म़ेदी स्‍युहसीन

लूका 8:10

ओहले येशूगी खुङया़ला सुङ नाङसीन, “ख्‍याया़ला किन्‍ज्‍योगी क्‍याहल्‍सीगी तिहङ-रिहङबुगी केच्‍याया़ ह्‍अ कोह च्‍य़ूदी येह, यिहॱनाङ लेहमेन मिहया़ ङ्याम्‍बुदी ङाह पे ज़्‍या़दी ताम माएँ, खुङया़गी ताज्‍येनी ताएँ यिहॱनाङ मेहथोङगे, ङ्यिहन्‍ज्‍येनी ङ्यिहन्‍गे यिहॱनाङ ह्‍अ मेहकोएँ।”

ल़ेह-पेन 7:38

ओहले इस्राएलीया़ सीनै लाहगी चो़ला येहकेन्‍गी रिह-काम्‍बुला छो़दी तेहक्‍यो ती़हजीला मोशा खुङ ङ्याम्‍बुराङ येहकें। स्‍यिहङगामकी स्‍याहप्‍च्‍यीगी सीनै लाहला मोशा ङ्याम्‍बु स्‍याहल सुङ नाङगो येहकें ओहले स्‍यिहङगामकी स्‍याहप्‍च्‍यीगी सुङग्‍योगी स्‍याहल खोगी इस्राएलीया़ला स्‍येको येहकें।