मर्कूस 11:32 - ह्योल्‍मो

³² ओहले मिह ङो़ले म़ेदी माज्‍ये मानानी काहन्‍डुमु पेहती माज्‍ये?” दि ल़ेहमु माज्‍येला खुङ ज्‍यी़सीन च्‍यिबेमाना मिह थाम्‍ज्‍यीगी यूहन्‍नाला लुहङतेम्‍बा यिहन म़ेदी चा़ पेहको येहकें।

मर्कूस 11:32 ပူးပေါင်းရင်းမြစ်များ

मत्ती 11:9

तेहम्‍बाराङ म़ेदोङ ले, ख्‍याया़ च्‍यि ता काहल्‍ग्‍यो येहकें? च्‍यि लुहङतेम्‍बाला ता काहल्‍ग्‍यो? यिहम्‍बा, तेहम्‍बाराङ माज्‍येराङ मानानी ख्‍याया़गी लुहङतेम्‍बा म़ेदीॱआङ छ्यिम्‍बु मिह च्‍यी़ला थोङग्‍यो येह।

मत्ती 14:5

ओ़ह सोङबे हेरोदगी खोला सेच्‍ये छोल्‍ग्‍यो येहकें। यिहॱनाङ खो मिहया़ ङ्याम्‍बु ज्‍यी़सीन च्‍यिबेमाना खुङया़गी यूहन्‍नाला लुहङतेम्‍बा यिहन म़ेदी चा़ पेहको येहकें।

मत्ती 21:46

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ खुङया़ मिह मिह-माहङ ङ्याम्‍बु ज्‍यी़सीन च्‍यिबेमाना मिहया़गी येशूला लुहङतेम्‍बा यिहम्‍बा म़ेदी चा़ पेहको येहकें।

मर्कूस 11:31

दि थे़दी खुङ राहङ नाहङदुङ दि ल़ेहमु म़ेदी ताम माज्‍ये छ़ूसीन, “ता़ह ओहराङ च्‍यि ल़ेहन क्‍याहप्‍च्‍ये? किन्‍ज्‍यो ङो़ले माज्‍ये मानानी ‘ख्‍यागी च्‍यिबे यूहन्‍नाला यिह-छ्य़े माहबेबा ले?’ म़ेदी मिहरोगी टी़ह नाङडो।

मर्कूस 11:33

ओ़ह सोङबे खुङगी येशूला, “स्‍युस्‍ये, ङ्यिहलानी क्‍यी़ह म़ेह” म़ेदी मासीन। ओहले येशूगी, “ओ़हठी यिहन्‍सीमानानी ङाहगी का़हलेगी ओङ ज्‍योर्ती दि ल़ेहया़ पेहकेनॱराङ येहबा माएँ ताम, ङाहॱआङ ख्‍याला मेहमाएँ” म़ेदी सुङ नाङसीन।

मर्कूस 12:12

येशूगी दि स्‍याहल खुङया़लाॱराङ सुङ नाङग्‍यो यिहम्‍बा म़ेदी यहूदी गोबाया़गी ह्‍अ कोहसीन। ओ़ह सोङबे खुङगी येशूला ज़ुङज्‍ये छोल्‍सीन, यिहॱनाङ मिह मिह-माहङगी ज्‍यी़सुगी पेहती खुङगी येशूला ज़ुङ मा़हखु। ओ़ह सोङबे खुङगी येशूला क्‍युर ज़्‍या़दी काहल्‍सीन।

मर्कूस 6:20

च्‍यिबेमाना यूहन्‍ना मिह टाहङबु दाङ छ्य़ेसेम पेहकेन्‍गी मिह यिहन म़ेदी हेरोदला क्‍यी़ह येहकें। ओ़ह सोङबे खोगी यूहन्‍नाला माहसेपा पेहती ज़्‍या़सीन। हेरोदगी यूहन्‍नागी ताम थे़गेमु हेरोद सेम कालाम-मालाम डोॱनाङ खोगी यूहन्‍नागी ताम या़हबु ने़उ येहकें।

लूका 20:19

छ्य़े-ठिमकी लोबेन दाङ पूजाहारी छ्यिम्‍बुया़गी येशूगी ओ़ह पे खुङया़गी तेहन्‍दालाराङ सुङ नाङग्‍यो यिहन म़ेदी ह्‍अ के़हदी येशूला ओ़हजेलाराङ ज़ुङज्‍ये म़ेदी साम्‍लु ताङसीन। यिहॱनाङ, खुङया़ मिह मिह-माहङया़ला थोङदी ज्‍यी़सीन।

लूका 22:2

पूजाहारी छ्यिम्‍बु दाङ छ्य़े-ठिमकी लोबेनया़गी येशूला सेच्‍ये छोल्‍गो येहकें, यिहॱनाङ खुङ मिह मिह-माहङया़गी ज्‍यी़सुगी येशूला खाजुम पेहती सेच्‍येला लाहम छोल्‍सीन।

यूहन्‍ना 10:41

ओहले मिह माहङबुराङ येशूसाला ओहङसीन। ओहले खुङया़गी मासीन, “यूहन्‍नागीनी च्‍यिॱआङ ओङ छ्यिम्‍बुकी छ्या़लेया़ जे माहनाङ, यिहॱनाङ, खोगी येशूगी तेहन्‍दाला सुङ नाङग्‍योकी स्‍याहलया़ थाम्‍ज्‍यीराङ तेहन्‍दा डुप्‍सीन।”

ल़ेह-पेन 5:26

दि ल़ेहमु थे़दी पोम्‍बो दाङ माक्‍मीया़ ल़ेह-पेनया़ला लेहन्‍ज्‍येला काहल्‍सीन। मिहया़गी तोह क्‍याहप्‍ती सेटो माएँ ज्‍यी़सुगी खुङया़ला ठो़ माहताङबा पेहती लो़ ख्‍योङसीन।