मर्कूस 11:12 - ह्योल्‍मो

¹² ओहले नाहङबार च्‍युङ ङाटुराङ खुङ फ़ेबेॱया बेथानिया युहललेगी यरूशलेमला फेप्‍केनॱराङ जेकेमु येशू छ्याल टे़ नाङसीन।

मर्कूस 11:12 ပူးပေါင်းရင်းမြစ်များ

मत्ती 4:2

रिह-काम्‍बुला येशूगी ङ्यिहन ज़्‍यिप-च्‍यु दाङ नुहप ज़्‍यिप-च्‍यु थु ङ्युङने ज़्‍य़ू नाङसीन। ओ़ह सोङबे येशू ज्‍यिबुराङ टे़दी येहकें।

मर्कूस 11:13

ओहले येशूगी फाच्‍चीला फार को़स्‍यीङ तोहङबो च्‍यी़ ज़ी़सीन। ओहले येशूगी ओ़ह तोहङबोला को़स्‍यीङ या़हक्‍यो येहबानी म़ेदी फेप नाङगेमु ओ़ह तोहङबोला लोहमाज्‍यीॱराङ ज़ी़सीन च्‍यिबेमाना को़स्‍यीङ या़हएँगी ती़हजीराङ काहल्‍दी म़ेहबा येहकें।

मर्कूस 11:20

नाहङबार च्‍युङ ङाटु लाहमला फेप्‍केनॱराङ जेकेमु खुङ फे़बेया़गी ओ़ह को़स्‍यीङ तोहङबो रिङ यिहन्‍ज्‍युराङ काम्‍ग्‍यो ज़ी़ नाङसीन।

लूका 4:2

रिह-काम्‍बुला ज़्‍य़ूगेमु ती़ह गो-छ्येवागी येशूला ङ्यिहमा ज़्‍यिप्‍च्‍यु थु छेता पेहती तिहक्‍पाला छ्यि च्‍य़ूज्‍ये छोल्‍सीन। येशू ओ़ह ङ्यिहमा थु च्‍यिॱआङ माहछ्येपा जेती ज़्‍य़ूक्‍यो सोङगोराङ छ्याल ज्‍यिबुराङ टे़दी येहकें।

यूहन्‍ना 19:28

ता़हनी ङाहती ल़ेह थाम्‍ज्‍यीराङ सिहन्‍सीन म़ेदी येशूला थुयी़ ओहङ फान्‍ज्‍यो सुङरापला सुङ नाङग्‍योकी स्‍याहलया़ ऱेह-ऱेह पेहती तेहन्‍दा डुप ख़ूज्‍यु म़ेदी येशूगी, “ङाह खा कोम्‍सीन” म़ेदी सुङ नाङसीन।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।