मर्कूस 10:52 - ह्योल्‍मो

⁵² येशूगी सुङ नाङसीन, “सोङ, ख्‍येगी तेहपा पेहक्‍यो सोङबे ता़ह ख्‍येगी मी़ थोङ ख़ूएँ काहल्‍सीन।” ओ़ह ती़हजीलाराङ खो मी़ थोङगेन काहल्‍सीन ओहले येशूला ताहदा क्‍याहप्‍ती काहल्‍सीन।

मर्कूस 10:52 ပူးပေါင်းရင်းမြစ်များ

मत्ती 11:5

“मी़ मेहथोङगेन मिहया़गी मी़ थोङगोराङ येह, काङबा स्‍योरक्‍यो मिहया़ लाहङदी डोॱराङ येह, जे-ने़ह थेन्‍ग्‍यो मिहया़ टा़हगेॱराङ येह, नाम्‍ज्‍यो मे़हथेगे मिहया़गी थे़एँराङ येह, स्‍यिक्‍यो मिहया़ सोम्‍बो लो़हदीॱराङ येह ओहले प्राङबुया़गी या़हबु लेहङगु ङ्यिहन ङ्युहङगेनॱराङ येह।

मत्ती 12:22

ओहले मिहया़गी ल्‍हेन्‍डी स्‍य़ूहक्‍यो मिह च्‍यी़ला येशूसाला ख्‍योङसीन खो मी़ मेहथोङ येहकें ओहले खो तामॱआङ मा मी़हखुएँ येहकें। ओहले येशूगी खोला टा़ह च्‍य़ू नाङ फान्‍ज्‍यो खोगी मी़ थोङगेन दाङ ताम मा ख़ूएँ काहल्‍सीन।

मत्ती 15:28

ओहले येशूगी मोहला सुङ नाङसीन, “ए पोहमो, ख्‍येगी तेहपा छ्यिम्‍बु दु। ख्‍येगी माक्‍यो ल़ेहमुराङ तेहन्‍दा डुप्‍च्‍यु।” ओहजे ती़हजीलाराङ मोहगी पोहमो टा़हसीन।

मत्ती 21:14

ओ़ह तिङले मी़ मेहथोङगे दाङ काङबा कुच्‍या काहल्‍ग्‍योया़ छ्योखाङला येशूसाला ओहङसीन। येशूगी खुङया़ला टा़ह च्‍य़ू नाङसीन।

मत्ती 8:3

ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ख्‍ये टा़हज्‍यु म़ेदी ङाहगी सेमला क्‍ये़दी येहबा।” ओ़हजेलाराङ ओ़ह जे-ने़ह थेन्‍ग्‍योगी मिह टा़हसीन।

मत्ती 9:22

ओहले येशूगी ल्‍होक लो़हदी ज़ी़ नाङगेमु ओ़ह पी़हमीला ज़ी़सीन ओहले येशूगी ओ़ह पी़हमीला सुङ नाङसीन, “पोहमो ख्‍ये मा-फाम्‍बु माहबे। ख्‍येगी तेहपागी ख्‍येला टा़ह च्‍य़ूदी येह।” ओ़हजेलाराङ ओ़ह पी़हमी टा़हसीन।

मर्कूस 1:31

ओहले येशू पोहला फेप्‍ती नेहपागी लाहक्‍पाला ज़ुङदी लाङसीन। ओ़हजेलाराङ मोहला छावागी ताङसीन, ओहले मोह लाहङदी खुङ फे़बेया़ला डोम्‍बो क्‍योङसीन।

मर्कूस 5:34

ओहले येशूगी ओ़ह पी़हमीला “ए पोहमो, ख्‍येगी तेहपागी ख्‍येला टा़ह च्‍य़ूक्‍यो यिहन। ता़ह ख्‍ये सेम लो तेहमु पेहती सोङ। ख्‍येगी नाहजा टा़हज्‍यु” म़ेदी सुङ नाङसीन।

मर्कूस 8:25

येशूगी येहपाराङ खोगी मी़ला राहङगी छ्या़गी दे़ नाङसीन। ओहले ओ़ह मिहगी या़हबु पेहती तासीन। ओहले खो थोङ ख़ूएँ काहल्‍सीन ओहले खोगी थाम्‍ज्‍यीराङ से़हया़ छ्यिसाल-नाहङसाल पेहती थोङ ख़ूएँ काहल्‍सीन।

लूका 7:50

ओहले येशूगी ओ़ह पी़हमीला, “ख्‍येगी ङाहला तेहपा पेहक्‍यो सोङगोराङ ख्‍ये थार्सीन, ता़हनी सेम लो तेहमु पेहती लो़ह सोङ” म़ेदी सुङ नाङसीन।

लूका 9:48

ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्‍दीॱलाङ चा़ पेहकें। च्‍यिबेमाना ख्‍या नाहङला सु थाम्‍ज्‍यी म़ेदी फेमा येहबा, खोराङ छ्यिम्‍बु ओहङगे।”

यूहन्‍ना 9:32

क्‍येएँ यिहन्‍ज्‍युराङ मी़ मेहथोङगेन मिहला सुज्‍यीगी टा़ह च्‍य़ूक्‍योकी तामनी ताहन्‍दा थु सुज्‍यीगीॱआङ थे़दी म़ेह।

यूहन्‍ना 9:39

ओहले येशूगी सुङ नाङसीन, “मी़ मेहथोङगेनया़गी मी़ थोङज्‍यु ओहले मी़ थोङगेनया़गी मी़ माहथोङज्‍यु म़ेदी ङाह जाम्‍बुलीङला ठिम ताङज्‍येला ओहङग्‍यो यिहम्‍बा।”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’