मर्कूस 10:47 - ह्योल्‍मो

⁴⁷ नासरतगी येशू फेप नाङग्‍यो क्‍यी़ह ज्‍योर्ती खोगी क़े तेन्‍गेॱराङ मासीन, “ओ़ दाऊदकी स़ेबु येशू, ङाह थो़ला निङज्‍यी जे नाङदोङ लाह!”

मर्कूस 10:47 ပူးပေါင်းရင်းမြစ်များ

मत्ती 1:1

अब्राहाम दाङ दाऊदकी छार्क्‍यीन येशू मास्‍यीकाकी क्‍यिहया़–

मत्ती 12:23

दि थोङदी मिह थाम्‍ज्‍यीराङ याहम्‍जेनज्‍यी ने़दी दि ल़ेहमु म़ेदी ताम माज्‍ये छ़ूसीन, “च्‍यि मिह-रो़हराङ दाऊदगी स़ेबु, थार्पा नाङगेन्‍गी क्‍याहल्‍बु यिहम्‍बानी?”

मत्ती 15:22

ओ़ह ग्‍या़गी पी़हमी च्‍यी़ ओहङदी क़े तेन्‍दी मासीन, “ओ़ चो़वो, दाऊदकी स़ेबु ङाहला निङज्‍यी जे नाङदोङ! ङाहगी पोहमोला ल्‍हेन्‍डीगी ज्‍यिबुराङ तुहक्‍पु तेर्ते येह।”

मत्ती 2:23

ओहले खुङ नासरत माएँ क्‍याहसाला काहल्‍दी तेहसीन। दि ल़ेहमु पेहती लुहङतेम्‍बाया़ लाहमले सुङ नाङग्‍योकी स्‍याहल तेहन्‍दा डुप्‍सीन, “मिहरोला नासरी माज्‍ये येह।”

मत्ती 20:30

लाहमगी सुहरला मी़ मेहथोङगेन मिह ङ्यी़ तेहती येहकें। येशू ओ़ह लाहमले जेती फेप नाङग्‍यो क्‍यी़ह ज्‍योर्ते खुङया़गी क़े तेन्‍दी मासीन, “ओ़ दाऊदकी स़ेबु, ओ़ चो़वो ङ्यिहला निङज्‍यी जे नाङदोङ!”

मत्ती 21:11

मिह मिह-माहङगी ल़ेहन क्‍याहप्‍सीन, “दि खोनी गालील साने़की नासरतले फेप नाङग्‍योकी लुहङतेम्‍बा येशू यिहम्‍बा।”

मत्ती 21:9

येशूगी तोहङ तिङ ओहङगे मिह मिह-माहङया़गी दि ल़ेहमु म़ेदी क़े तेन्‍सीन, “दाऊदगी स़ेबुला होसन्‍ना ओहङज्‍यु! चो़वो किन्‍ज्‍योगी छेनला फेप नाङगेन्‍दी काहजे सोनाम-साक्‍पु! थाम्‍ज्‍यी म़ेदी थो़ला स्‍यिहङगामला ज़्‍य़ू नाङगेन किन्‍ज्‍योला होसन्‍ना ओहङज्‍यु!”

मत्ती 26:71

म़ेदी यिल्‍दोगी कोहला फार काहल्‍सीन। कोहला लेहमेन यो़मु च्‍यी़गी ओ़हला येहकें मिहया़ला, “दि मिहनी नासरतगी येशू ङ्याम्‍बुराङ येहकें ले!” म़ेदी मासीन।

मत्ती 9:27

येशू ओ़ह ग्‍या़लेगी फेप नाङगेमु मी़ मेहथोङगेन मिह ङ्यी़गी “ओ़ दाऊदकी स़ेबु, ङ्यिहला निङज्‍यी जे नाङदोङ” म़ेदी क़े तेन्‍गेॱराङ येशूला ताहदा क्‍याहप्‍ती काहल्‍सीन।

मर्कूस 1:24

“ओ़ नासरतगी येशू, राहङगी ङ्यिहला च्‍यि जे नाङज्‍ये जेक्‍यो? च्‍यि राहङ ङ्यिहला तोङ च्‍य़ूज्‍येला फेप नाङग्‍यो यिहम्‍बा? राहङ किन्‍ज्‍योगी ताङ नाङग्‍योगी नाम्‍पार-ताहक्‍पागी मिह यिहम्‍बा म़ेदी ङाहला क्‍यी़ह येह।”

लूका 4:16

ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।

यूहन्‍ना 1:46

दि थे़दी नथानेलगी खोला मासीन, “नासरतलेगीॱआङ च्‍यिॱआङ या़हबु स़ेह ओहङ ख़ूएँ ले?” ओहले फिलिपकी मासीन, “ओहङदी ता स्‍यो नाह ले!”

यूहन्‍ना 19:19

ओहले पिलातसगी, “नासरतकी येशू दाङ यहूदीया़की क्‍याहल्‍बु” म़ेदी फातुर च्‍य़ूक्‍योकी यिहगी च्‍यी़ प्री़हदी क्‍याहङस्‍यीङ थो़ला च्‍यार्सीन।

यूहन्‍ना 7:41

ओहले लाहलागी मासीन, “दि मिह नि मास्‍यीका यिहम्‍बा।” यिहॱनाङ लाहलागी मासीन, “च्‍यि मास्‍यीकाॱआङ गालील साने़ले फेप्‍कें यिहम्‍बा ले?

यूहन्‍ना 7:52

ओहले खुङया़गी खोला मासीन, “च्‍यि ख्‍येॱआङ गालील साने़दी यिहम्‍बा? छ्य़ेला छोल्‍दी त़ेदोङ ओहले ख्‍येगी ह्‍अ कोहज्‍ये येह, गालील साने़ले सुज्‍यीॱआङ लुहङतेम्‍बा ओहङदी म़ेह।”

ल़ेह-पेन 6:14

“नासरतकी येशूगी दि छ्योखाङला रोम्‍ज्‍ये येह ओहले मोशागी ङ्यिहला नाङग्‍योगी पे-ठिमॱआङ च्‍ये तेर्च्‍ये येह” म़ेदी दि ल़ेहमु तामया़ दि मिहगी माक्‍यो ङ्यिह राहङगीराङ थे़दी येह।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”