मर्कूस 10:45 - ह्योल्‍मो

⁴⁵ च्‍यिबेमाना मिहगी स़ेबुॱआङ लेहमेन मिहया़गी स्‍याहप्‍तो स्‍युहज्‍यु म़ेदी मिहम्‍बा, यिहॱनाङ लेहमेन मिहया़ला स्‍याहप्‍तो स्‍य़ूहज्‍येला ओहले मिह माहङबुलाराङ थार च्‍य़ूज्‍ये म़ेदी राहङगी मिहली तेर्च्‍येला ओहङग्‍यो यिहम्‍बा।”

मर्कूस 10:45 ပူးပေါင်းရင်းမြစ်များ

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

मर्कूस 10:44

ओहले थाम्‍ज्‍यी म़ेदी छ्यिम्‍बु ओहङज्‍ये छोल्‍गेन्‍दी मिह थाम्‍ज्‍यीगी योक्‍पु ओहङ कोहएँ

यूहन्‍ना 13:14

ङाह ख्‍याया़गी चो़वो दाङ लोबेन यिहन्‍देॱआङ ङाहगी ख्‍याया़गी काङबा ठी़ तेर फान्‍ज्‍योनी ख्‍याया़गीॱआङ च्‍यी़गी च्‍यी़ला काङबा ठी़ तेर कोहएँ।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

गलाती 3:13

ओहराङगी छ्य़े-ठिम ची़ मा़हखुबा सोङबेॱराङ ओहराङ थो़ला फो़क्‍योकी थाम्‍ज्‍यीराङ मे़मुया़ मास्‍यीका राहङगीराङ खुर नाङदी छ्य़े-ठिमकी मे़मु लाहमले ओहराङला खा फे़ नाङसीन, च्‍यिबेमाना “क्‍याहङस्‍यीङला च्‍याङदी स्‍यिएँ थाम्‍ज्‍यीला मे़मु सू़हक्‍यो ओहङगे” म़ेदी प्री़हदे येहबा।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 5:8

मास्‍यीका किन्‍ज्‍योगी स़ेबु यिहन्‍गे यिहॱनाङ राहङगी खुरक्‍यो तुहक्‍पुया़ लाहमले मिहरोगी राहङ याहपकी काया़ ची़ज्‍ये लोप नाङसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।