मर्कूस 10:30 - ह्योल्मो30 दि म़ेदीॱआङ दाप क्याह च्यी़ माहङबु ज्योर्च्ये येह। ङ्येन्ज्येन दाङ तुहक्पु ङ्याम्बु नाहरेराङ खोगी आबा-आमा, पुह-पोहमो, आदा-नो़ह, आज्यी-नुहमु, खाङबा स्यिहङया़ ज्योर्च्ये येह ओहले ओहङगेन्गी ती़हजीलादी नाहमॱआङ मिहस्यीएँगी मिहली ज़ाङबु ज्योर्च्ये येह। အခန်းကိုကြည့်ပါ။ |
मर्कूस 10:30
32 ပူးပေါင်းရင်းမြစ်များ
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
तेहम्बाराङ माज्ये माना मास्यीका येशू ङाहती चो़वोला ङोह स्य़े ङ्युहङगेन मेलाम तादाङलानी ना थाम्ज्यीराङ से़हया़ ङाहगी स्यिती काम्बुलाराङ थोङसीन। मास्यीकाला ज्योर ख़ूज्यु म़ेदी मिहरोगी तेहन्दाला ङाहगी रेबेॱराङ से़हया़दी क्यी़ह खुर्ती येहबा, ओ़ह रेबेॱराङ से़हया़ ङाहगी तेहन्दाला ङ्योहक्तोङ यिहम्बा।
ना़स्यीङ छ्यिम्बु पेहती कू़हदी तेहकेनया़ काहजे सोनाम-साक्पु म़ेदी ओहराङगी माएँ। ख्याया़गी अय्यूब ना़स्यीङ छ्यिम्बु पेहती कू़हदे तेहक्योगी तेहन्दाला थे़दी येहबा। ज्युक्स्योलला चो़वोगी काह-ठि पेहती खोला बोलो-छ्योलो मेलाम नाङबा, ओ़हॱआङ ख्याला क्यी़हराङ येह। चो़वोगी मिहया़ला माहङबुराङ निङज्यी दाङ थुज्यी ज़ी़ नाङगे।
त़ेदोङ, याहप्च्येन आबागी ओहराङला काहजे माहङबु निङज्यी जे नाङगु दु! मिहरोगी निङज्यीगी पेहती ओहराङ किन्ज्योगी छार्क्यीनया़ काहल्दी येहबा, यिहन्ज्येॱआङ ओहराङ तेहम्बाराङ किन्ज्योगी छार्क्यीनया़राङ यिहम्बा। ओ़ह सोङबे जाम्बुलीङकी मिहया़गी ओहराङला ङोह मे़हस्येएँ च्यिबेमाना खुङया़गी किन्ज्योला ङोह स्य़ेक्यो म़ेह।
ङाहला ख्येगी तुहक्पु क्यी़ह येह, ओहले ख्ये प्राङबु येह म़ेदीॱआङ क्यी़ह येह, माज्येराङ मानानी ख्ये छ्युक्पु येहबा। ङाहगी खुङया़ला ङोह स्य़ेएँ, खुङ राहङला यहूदी यिहन म़ेदी माज्येनी माएँ, यिहॱनाङ खुङ तेहन्दामला यहूदी मिहम्बा। खुङगी ख्याला टाह पेहते माक्यो तामया़ ङाहला क्यी़ह येह। खुङ ती़ह गो-छ्येवाकी छो़खाङ यिहम्बा।
ကြော်ငြာတွေ