मर्कूस 10:24 - ह्योल्‍मो

²⁴ येशूगी स्‍याहल थे़दी स्‍याहप्‍च्‍यीया़ ह्‍अ ल़ेहसीन। ओहले येशूगी येहपाराङ सुङ नाङसीन, “ते़ पेहजाया़! किन्‍ज्‍योगी क्‍याहल्‍सी नाहङला स्‍य़ूहज्‍येला काहजे खेन्‍दा-का़हबु येहबा।

मर्कूस 10:24 ပူးပေါင်းရင်းမြစ်များ

मत्ती 19:25

स्‍याहप्‍च्‍यीया़गी ह्‍अ ल़ेहदी स्‍युहसीन, “ओ़ह ल़ेहमु यिहन्‍सीमानानी सुगी थार्पा ज्‍योर ख़ूएँ ले?”

मर्कूस 1:27

दि थोङदी मिह थाम्‍ज्‍यीराङ ह्‍अ ल़ेहदी मासीन, “मिहम्‍बा, दि च्‍यि यिहम्‍बा? दिनी का साम्‍बा दुबा, दि मिहगी ओङ छ्यिम्‍बु जेती मेहचाङा नाम्‍स्‍यीया़ला का नाङगु दु, ओहले मिहरोगी नाङग्‍योगी का ल्‍हेन्‍डीया़गीॱआङ ङ्यिहन्‍गु दु!” म़ेदी मिहया़गी राहङ नाहङदुङ ताम टी़हज्‍ये छ़ूसीन।

मर्कूस 10:23

ओहले येशूगी कोर-क्‍यिहलेॱराङ ज़ी़दी सुङ नाङसीन, “छ्युक्‍पु मिहला किन्‍ज्‍योगी क्‍याहल्‍सीला स्‍य़ूहज्‍येलानी ज्‍यिबुराङ खेन्‍दा-का़हबु ओहङगु दु।”

लूका 16:14

दि थाम्‍ज्‍यी ताम थे़दी फरिसीया़गी येशूगी स्‍याहला स्‍ये़हन्‍डील पेहसीन। च्‍यिबे मासीमाना खुङया़ला क्‍युहराङ चा़ छ्यिम्‍बु येहकें।

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

यूहन्‍ना 21:5

ओहले येशूगी खुङया़ला सुङ नाङसीन, “ए नो़हया़, ख्‍यागी ङ्याह ज़ुङ खू़बानी?” ओहले खुङया़गी मासीन, “अहँ, ङ्याह च्‍यी़ॱआङ ज़ुङ मा़हखु लाह!”

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

१ यूहन्‍ना 5:21

ए ङाहगी पेहजाया़, ख्‍याया़ कुया़ ङो़ले था़-रिहङबुराङ तेह।

ज्‍याल्‍गा 3:17

ङाह छ्युक्‍पु येह, ओहले ङाह ङ्याम्‍बु क्‍युह-नोहर येह, ओहले ङाहला च्‍यि से़हदीॱआङ कोम्‍बु म़ेह म़ेदी ख्‍येगी माएँ, यिहॱनाङ ख्‍ये काहजे थाप-तुहक्‍पा, निङ-च्‍योहवा, प्राङबु, स्‍याहर्ना दाङ च्‍येहन्‍डामु दु। यिहॱनाङ ख्‍येगी छोरॱटाङ मेहछोर दु।