मर्कूस 10:23 - ह्योल्‍मो

²³ ओहले येशूगी कोर-क्‍यिहलेॱराङ ज़ी़दी सुङ नाङसीन, “छ्युक्‍पु मिहला किन्‍ज्‍योगी क्‍याहल्‍सीला स्‍य़ूहज्‍येलानी ज्‍यिबुराङ खेन्‍दा-का़हबु ओहङगु दु।”

मर्कूस 10:23 ပူးပေါင်းရင်းမြစ်များ

मत्ती 18:3

सुङ नाङसीन, “तेहम्‍बाराङ ङाह ख्‍याया़ला माएँ, राहङगी सेम ग्‍युर्ती दि पेहजा ल़ेहमु मेहयोङसीमाना ख्‍याया़ च्‍यि पेहतीॱआङ स्‍यिहङगामकी क्‍याहल्‍सीला स्‍य़ूह ङ्युहङज्‍ये म़ेह।

मर्कूस 10:15

तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सीला फेमा पेहजाया़गी ल़ेहमुराङ पेहती ख़े-माहलेहन थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

मर्कूस 10:22

दि स्‍याहल थे़दी ओ़ह मिहगी तोहङबा ना-स्‍यी़ले काहल्‍सीन ओहले खो ज्‍यिबुराङ तुहङाल पेहती लो़ह काहल्‍सीन च्‍यिबेमाना खो ङ्याम्‍बु माहङबुराङ क्‍युह नोहरया़ येहकें।

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

मर्कूस 5:32

यिहॱनाङ येशूगी राहङला सुगी दे़बा म़ेदी फार छुर ज़ी़ नाङसीन।

लूका 18:24

खोगी सेम स्‍यिक्‍यो येशूगी ज़ी़दी सुङ नाङसीन, “मिह छ्युक्‍पुया़ला किन्‍ज्‍योगी क्‍याहल्‍सीला स्‍य़ूहज्‍येला काहन्‍डुमु का़हबु ओहङगु दु!

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

१ कोरिन्‍थी 1:26

आदा-नो़ह दाङ आज्‍यी-नुहमुया़, ख्‍याला किन्‍ज्‍योगी क़े क्‍याहप नाङगेमु ख्‍या काह-ठि येहकें? ओ़ह साम्‍लु ताङदोङ। मिहया़गी थोङदाङला ख्‍या नाहङला माहङबुराङ आदा-नो़ह दाङ आज्‍यी-नुहमुया़ खेम्‍बा ताहक्‍पु, ओङ छ्यिम्‍बु दाङ मिह छ्युक्‍पुकी खाङबाला क्‍येक्‍योकी मिहया़ म़ेहबा येहकें।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

२ पत्रुस 1:11

दि ल़ेहमु पेहती ओहराङकी चो़वो दाङ थार्पा नाङगेन येशू मास्‍यीकाकी नाहम्‍स्‍यी किन्‍दु लिहकेन्‍गी क्‍याहल-खाप नाहङला ख्‍याया़ला ज्‍यिबुराङ चा़ छ्यिम्‍बु जेती फेप स्‍युह नाङज्‍ये येह।