मर्कूस 10:2 - ह्योल्‍मो

² फरिसीया़गी येशूसाला ओहङदी येशूगी खोक्‍पा कोर्ती, “ख्‍योवागी राहङगी पी़हमीला क्‍युर्च्‍ये ओहङगेनी मेहयोहङगे सुङ नाङदोङ ले लाह?” म़ेदी टी़हसीन।

मर्कूस 10:2 ပူးပေါင်းရင်းမြစ်များ

मत्ती 15:12

ओ़ह तिङले स्‍याहप्‍च्‍यीया़ ओहङदी येशूला मासीन, “च्‍यि राहङगी ङोह ख्‍येन्‍बा? राहङगी सुङ नाङग्‍योकी स्‍याहलगी पेहती फरिसीया़ स्‍यिहताङ पेहसीन।”

मत्ती 16:1

लाहला फरिसी दाङ सदुकीया़ डी़दी येशूदी छेता पेहच्‍ये म़ेदी येशूसाला ओहङदी मासीन, “का़हलेॱआङ राहङ किन्‍ज्‍यो ङो़लेराङ फेप नाङग्‍यो यिहन्‍सीमाना स्‍यिहङगामलेगी ताक्‍छेन च्‍यी़ तेन नाङदोङ।”

मत्ती 19:3

ओहले लाहला फरिसीया़ येशूसाला ओहङदी येशूला खोक्‍पा कोर्ते टी़हसीन, “सुज्‍यीगी च्‍यिॱआङ तेहन्‍दागी पेहती राहङ पी़हमी ङ्याम्‍बु खा फ़ेज्‍ये ओहङगे नि मेहयोहङगे?”

मत्ती 22:35

खुङया़ नाहङगी छ्य़ेगी खेम्‍बु च्‍यी़गी येशूला खोक्‍पा कोर्ती स्‍युहसीन,

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 9:34

यिहॱनाङ फरिसीया़गी येशूला दि ल़ेहमु मासीन, “खोलानी ल्‍हेन्‍डीगी क्‍याहल्‍बुगीराङ ल्‍हेन्‍डी तेन्‍गेन्‍गी ओङ तेरक्‍यो यिहन” म़ेदी मासीन।

मर्कूस 10:1

ओहले येशू ओ़ह ग्‍या़ क्‍युर ज़्‍या़दी यर्दन चाङबुगी फार्केन देपकी यहूदीयागी युहलया़ला फार फेप नाङसीन ओहले मिह माहङबुराङ येशूसाला जोम ओहङसीन, ओहले येशूगी येहपाराङ तोहङले ल़ेहमुराङ जेती खुङया़ला सुङ ख्‍येप्‍टा नाङज्‍ये छ़ूसीन।

मर्कूस 10:3

येशूगी खुङया़ला सुङ नाङसीन, “मोशागी ख्‍याया़ला च्‍यि का नाङग्‍यो येहबा?”

मर्कूस 8:11

ओहले फरिसीया़ येशूसाला ओहङदी स्‍येपा तुहर्च्‍ये छ़ूसीन। खुङगी येशूगी खोक्‍पा ताज्‍ये छोल्‍दी, “ङ्यिहला स्‍यिहङगामले माहर ओहङगेन्‍गी ताक्‍छेन च्‍यी़ तेन नाङदोङ” म़ेदी स्‍युहसीन।

मर्कूस 8:15

ओहले येशूगी स्‍याहप्‍च्‍यीया़ला सुङ नाङसीन, “जेम्‍बु पेहतोङ! फरिसी दाङ हेरोदकी खमिरलेगी जेम्‍दी तेह।”

लूका 11:39

ओहले येशूगी ओ़ह फरिसीला सुङ नाङसीन, “ख्‍यागी फार्को दाङ तेहर्मागी फिनी ताहर्ती चाङमा ज़ोएँ, नाहङलादी ख्‍या माहराप दाङ ङ्येहम्‍बागी काहङग्‍यो ओहङगे।

लूका 16:14

दि थाम्‍ज्‍यी ताम थे़दी फरिसीया़गी येशूगी स्‍याहला स्‍ये़हन्‍डील पेहसीन। च्‍यिबे मासीमाना खुङया़ला क्‍युहराङ चा़ छ्यिम्‍बु येहकें।

लूका 5:30

ओहले खुङ फ़ेबेॱया ङ्याम्‍बुराङ ज़्‍य़ूदी सोल छ्येकेन थोङदी फरिसी दाङ छ्य़े-ठिमकी लोबेनया़गी येशूगी स्‍याहप्‍च्‍यीया़ला, “ख्‍याया़ च्‍यिबे ठाल तुहएँ दाङ तिहक्‍च्‍येम्‍बा मिह ङ्याम्‍बुॱआङ तेहती साहएँ दाङ थुङगे?” म़ेदी टी़हसीन।

लूका 6:7

ता़ह फरिसी दाङ छ्य़े-ठिमकी लोबेनया़गी येशूला फातुर च़ूज्‍येला का़हलेगी ताम क़ू ज्‍योर्के नि म़ेदी क़ूह तेहती येहकें। ओहले येशूगी थाङ सोएँ ङ्यिहमालाराङ टा़ह च्‍य़ूगेनी म़ेदी ङ्याहम च्‍येती तेहसीन।

लूका 7:30

यिहॱनाङ फरिसी दाङ छ्य़े-ठिमकी लोबेनया़गी किन्‍ज्‍योगी तेन नाङग्‍योगी लाहमला फेन मे़हथोएँ ने़दी यूहन्‍ना लाहमले बप्‍तिस्‍मा माहलेहन।

यूहन्‍ना 11:47

ओहले पूजाहारी छ्यिम्‍बु दाङ फरिसीया़गी छो़बा छ्यिम्‍बुगी मिहया़ला क़े क्‍याहप्‍ती मासीन, “ता़ह ओहराङगी च्‍यि पेहच्‍ये? च्‍यिबेमाना दि मिहगीनी माहङबुराङ याहम्‍जेन छ्येवागी ल़ेहया़ पेहकेनॱराङ येह।

यूहन्‍ना 11:57

पूजाहारी छ्यिम्‍बु दाङ फरिसीया़गीदी येशूला ज़ुङज्‍ये म़ेदी “खोला सुज्‍यीगी थोङसीमाना ङ्यिहला लेहङगु ख्‍येर-स्‍यो” म़ेदी का़ तेरक्‍यो तेहकें।

यूहन्‍ना 7:32

ओ़ह मिह मिह-माहङगी येशूगी तेहन्‍दाला ताम लोहङटी पेह तेहक्‍यो फरिसीया़गी थ़ेसीन। ओहले पूजाहारी छ्यिम्‍बुया़ दाङ फरिसीया़गी येशूला जु़ङज्‍येला छ्योखाङ सुङगेन्‍गी मिहया़ला ताङसीन।

यूहन्‍ना 7:48

च्‍यि ओहराङगी गोबाया़ दाङ फरिसीया़ नाहङले सुज्‍यीगीॱआङ ओ़ह मिहला यिह छ्य़ेक्‍यो येहबा ले?

यूहन्‍ना 8:6

यिहॱनाङ खुङया़गी येशूला च्‍यिरा फातुर च़ू ख़ूएँ यिहम्‍बा नि म़ेदी ङ्याहम च्‍येच्‍येला दि टी़हबा टी़हक्‍यो येहकें। येशूगी कुहर जेते साला छ्या़-जु़बीगी प्रुह नाङसीन।

१ कोरिन्‍थी 10:9

खुङया़ नाहङला लाहलागी मास्‍यीकाला खोक्‍पा ताक्‍यो ल़ेहमुराङ ओहराङगी मास्‍यीकाला खोक्‍पा ताज्‍ये मेहयोहङगे। खुङया़गी मास्‍यीकाला खोक्‍पा ताक्‍यो सोङबेॱराङ खुङ प्रुहलगी काहप्‍ती स्‍यिसीन।