मर्कूस 10:14 - ह्योल्‍मो

¹⁴ येशूगी दि ज़ी़ नाङदी थुयाल ज़्‍याङ नाङसीन ओहले खुङया़ला सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना किन्‍ज्‍योगी क्‍याहल्‍सीनी दि ल़ेहमुराङ पेहजाया़गी तेहन्‍दाला यिहम्‍बा।

मर्कूस 10:14 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 18:4

दि पेहजा ल़ेहमुराङ ङ्येम्‍ज्‍युङ ओहङगे मिहराङ स्‍यिहङगामकी क्‍याहल्‍सीला थाम्‍ज्‍यी म़ेदी चा़ छ्युम्‍बु ओहङगे यिहम्‍बा।

मत्ती 19:14

यिहॱनाङ येशूगी सुङ नाङसीन, “पेहजाया़ला ङाहसाला ओहङ च्‍य़ूदोङ, खुङया़ला मा़हका! च्‍यिबेमाना स्‍यिहङगामगी क्‍याहल्‍सीनी दि ल़ेहमुया़गी तेहन्‍दालाराङ यिहम्‍बा।”

मत्ती 5:10

किन्‍ज्‍योगी का ङ्यिहन्‍गेमु मिहया़गी ङ्येन्‍ज्‍येन दाङ तुहक्‍पु तेर्केमु ना़गेन मिहया़ काहजे सोनाम-साक्‍पु, च्‍यिबेमाना स्‍यिहङगामकी क्‍याहल्‍सी खुङया़दीॱराङ यिहन।”

मत्ती 5:3

“सेमला प्राङबु येहकेनया़ काहजे सोनाम-साक्‍पु, च्‍यिबेमाना स्‍यिहङगामकी क्‍याहल्‍सी खुङया़दीॱराङ यिहन।

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

मर्कूस 8:33

ओहजेला येशूगी छुर लो़हदी लेहमेन स्‍याहप्‍च्‍यीया़ला ज़ी़सीम्‍बाॱराङ पत्रुसला दि ल़ेहमु सुङदी काप्‍क्‍येन नाङसीन, “ए ती़ह गो-छ्येवा, ख्‍ये दिलेगी थेन्‍दी सोङ! ख्‍येगी सेम किन्‍ज्‍यो ङो़लेगी मिहम्‍बा गा मिह ङो़ले यिहम्‍बा।”

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

ल़ेह-पेन 2:39

दि ताहम्‍ज्‍यादी ख्‍या फ़ेबेॱया दाङ ख्‍या फे़बेया़गी पुह पोहमोया़गी तेहन्‍दाला ओहले था़-रिहङबु रिहङबु येहकेन थाम्‍ज्‍यीगी तेहन्‍दाला यिहम्‍बा, का़हन्‍दी का़हन्‍दीला चो़वो ओहराङ किन्‍ज्‍योगी क़े क्‍याहप नाङगे।”

ल़ेह-पेन 3:25

ख्‍या फ़ेबेॱया ओ़ह लुहङतेम्‍बाया़ दाङ ओ़ह ताहम्‍ज्‍या ज़्‍या़क्‍योगी छार्क्‍यीनया़ यिहम्‍बा, किन्‍ज्‍योगी ख्‍या फे़बेया़गी चावा अब्राहाम ङ्याम्‍बु दि ल़ेहमु सुङदी ताहम्‍ज्‍या ज़्‍या़ नाङसीन, ख्‍यागी छार्क्‍यीन ङो़ले जाम्‍बुलीङगी थाम्‍ज्‍यीराङ मे़हमेया़गी मेलाम ज्‍योर्च्‍ये येह।

रोमी 11:16

का़हलेॱआङ खुरा ज़ोज्‍येला च्‍योप्‍क्‍यो चाम्‍बालेगी बो सिपाज्‍यी तेन्‍दीमाराङ तोहङस्‍यो किन्‍ज्‍योला फी़ फुल्‍सीन माना ओ़ह च्‍योप्‍क्‍यो चाम्‍बा थाम्‍ज्‍यी चाङमा डोएँ। का़हलेॱआङ चार्ङ्यी या़हबु येहसीमाना याहल्‍गाॱया़ङ या़हबु ओहङगे।

रोमी 11:28

च्‍यिबेमाना खुङया़गी या़हबु लेहङगुला यिह मा़हछ्येबा सोङबेॱराङ खुङ ख्‍याया़गी तेहन्‍दाला किन्‍ज्‍योकी टाहया़ काहल्‍सीन, यिहॱनाङ किन्‍ज्‍यो राहङगीराङ खुङया़ला दाम नाङग्‍यो सोङबे ओहले खुङया़दी चावाया़की तेहन्‍दागी पेहती खुङया़ किन्‍ज्‍योगी च्‍य़ेबुया़ यिहन।

१ कोरिन्‍थी 14:20

आदा-नो़ह दाङ आज्‍यी-नुहमुया़, ख्‍याया़ नोम्‍साङ ताङलुला पेहजाया़ ल़ेहमु माहबे। ताम चोक्‍पाया़गी तेहन्‍दाला पेहजाया़ ल़ेहमु, च्‍यिॱआङ क्‍यी़ह म़ेहबा ल़ेहमु पेहती तेहतोङ, यिहॱनाङ नोम्‍साङ ताङलुला ख्‍या मिह छ्यिम्‍बु ल़ेहमु ओहङ कोहएँ।

१ कोरिन्‍थी 7:14

च्‍यिबेमाना किन्‍ज्‍योला यिह-छ्य़े माहबेबाकी ख्‍योवा राहङगी पी़हमी लाहमले नाम्‍पार-ताहक्‍पा ओहङगे, ओहले किन्‍ज्‍योला यिह-छ्य़े माहबेबाकी पी़हमी राहङगी ख्‍योवा लाहमले नाम्‍पार-ताहक्‍पा ओहङगे, मिहन्‍सीमानानी खुङगी पुह पोहमोया़ मेहचाङा ओहङज्‍ये येह। यिहॱनाङ खुङया़नी नाम्‍पार-ताहक्‍पा काहल्‍दी येह।

एफिसी 4:26

ख्‍याला स्‍यिहताङ लाहङना, ओ़ह स्‍यिहताङगी पेहती तिहक्‍पादी माहबे। ङ्यिहमा डुप्‍के म़ेदी तोहङलेराङ स्‍यिहताङ स्‍यि च्‍य़ूदोङ।

२ तिमोथी 1:5

ख्‍येती तेहन्‍दामकी तेहपा ङाहला क्‍यी़ह येह। ओ़ह तेहपा तोहङले ख्‍येती यिबी लोइस दाङ आमा युनियस ङ्याम्‍बुॱआङ येहकें, ओहले ओ़ह ल़ेहमु तेहपा तोहरोङॱआङ ख्‍ये ङ्याम्‍बु येहबा म़ेदी ङाहला तेहम्‍बा-तेहन्‍सुमॱराङ क्‍यी़ह येहबा।

२ तिमोथी 3:15

ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

ज्‍याल्‍गा 14:5

खुङया़गी खाले नाहमॱआङ स्‍योप क्‍याहप्‍केन्‍गी तामया़ माहथेन। खुङला च्‍यिॱआङ क्‍येन म़ेह।