मर्कूस 1:22 - ह्योल्‍मो

²² येशूगी सुङदेन थे़दी मिहया़ ज्‍यिबुराङ ह्‍अ ल़ेहसीन। च्‍यिबे मासीमाना, येशूगी छ्य़े-ठिमकी लोबेनया़गी ल़ेहमु मिहम्‍बा, ओङ छ्यिम्‍बु जेती सुङदेन नाङगो येहकें।

मर्कूस 1:22 ပူးပေါင်းရင်းမြစ်များ

मत्ती 13:54

राहङ छारक्‍योगी ग्‍या़ला फेप नाङसीन। ओ़हला येशूगी छो़खाङला सुङदेन नाङसीन। येशूगी सुङदेन ङ्यिहन्‍गेनया़गी ह्‍अ ल़ेहदी मासीन, “दि ल़ेहमु रिहक्‍स्‍यी खोगी का़हलेगी ज्‍योर्पा यिहम्‍बानी? दि ल़ेहमु याहम्‍जेन छ्येवागी छ्या़लेया़ काहन्‍डुमु पेहती जे नाङगे यिहम्‍बानी?

मर्कूस 1:23

ओ़ह ती़हजीलाराङ छो़खाङ नाहङले मेहचाङा नाम्‍स्‍यी स्‍य़ूहक्‍यो मिह च्‍यी़गी क़े तेन्‍गेॱराङ मासीन,

लूका 2:47

ओहले येशूगी रिहक्‍पा-रिहक्‍स्‍यी दाङ येशूगी ल़ेहन क्‍याहप्‍के थे़गे मिह थाम्‍ज्‍यीराङ ह्‍अ ल़ेहसीन।

लूका 21:15

ङाहगीराङ ख्‍याला रिहक्‍स्‍यीगी काहङ च्‍य़ूदी मा कोहएँगी तामया़ ओ़हजेलाराङ ङोह स्‍य़े च्‍य़ूज्‍ये येह, ओहले ख्‍यागी टाहया़गी खाला खाप्‍ज्‍यु क्‍याहप्‍च्‍ये येह।

लूका 4:32

ओहले येशूगी खाम छ्यिम्‍बु जेती सुङदेन नाङग्‍यो सुङबे मिहया़ ह्‍अ ल़ेहसीन।

यूहन्‍ना 7:46

ओहले माक्‍मीया़गी मासीन, “दि मिहगी ल़ेहमु नि नाहरे थु सु मिह च्‍यी़गीॱआङ ताम म़ेदी म़ेह!”

ल़ेह-पेन 6:10

यिहॱनाङ नाम्‍पार-ताहक्‍पा थुगी स्‍तिफनासला दि ल़ेहमु रिहक्‍स्‍यी नाङसीन खोगी ताम माएँमु सुगीॱआङ ल़ेहन क्‍याहप मा़हखु।

२ कोरिन्‍थी 4:2

ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।