मर्कूस 1:11 - ह्योल्‍मो

¹¹ ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ काहसो येह।”

मर्कूस 1:11 ပူးပေါင်းရင်းမြစ်များ

मत्ती 12:18

त़ेदोङ, ङाहगी दाम्‍ग्‍यो ङाहला स्‍याहप्‍तो स्‍युहएँगी मिह खोराङ यिहम्‍बा। ङाह खोला चेवा पेहकें, खो ङ्याम्‍बु ङाह ज्‍यिबुराङ सेम काहसो येह, ङाह राहङगी थु खो थो़ला ल़ू तेर्च्‍ये येह, ओहले खोगी थाम्‍ज्‍यीराङ क्‍यिहपा-क्‍यिहपागी मिहया़ला ठिम ताङगेन्‍गी तेहन्‍दाला प्रा साल्‍ज्‍ये येह।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मर्कूस 1:10

ओहले छ्युलेगी फिला थेन फेप-लुहङ मे़हबाराङ स्‍यिहङगाम खा फ़ेसीन ओहले नाम्‍पार-ताहक्‍पा थु दुङगुकुर ल़ेहमु जेती राहङ थो़ला फेप नाङगेराङ जेक्‍यो येशूगी ज़ी़ नाङसीन।

मर्कूस 9:7

ओहजेला मुक्‍पा ओहङदी टिहप्‍सा छ्या़सीन ओहले खुङ फे़बेया़ला का़सीन। ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहम्‍बा, खोगी माक्‍यो ख्‍यागी ङ्यिहन्‍दोङ!”

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

लूका 9:35

ओहले ओ़ह मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी पुह यिहम्‍बा, खोलाराङ ङाहगी दाम्‍ग्‍यो यिहम्‍बा, खोगी माक्‍योगी ताम ङ्यिहन्‍दोङ!”

यूहन्‍ना 1:34

ङाहगी थोङदी येह, ओहले पाङबु तेर्ती येह, किन्‍ज्‍योगी स़ेबु मिह-रो़हराङ यिहन।”

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

यूहन्‍ना 5:37

ङाहला ताङ नाङगेन याहप राहङगीराङ ङाहगी तेहन्‍दाला पाङबु नाङदी येह। मिहरोगी सुङ-क़े ख्‍याया़गी नाहमॱआङ थे़दे म़ेह, ओहले मिहरोगी कुसोला नाहमॱआङ थोङदी म़ेह।

यूहन्‍ना 6:69

ओहले ङ्यिहगी यिह छ्य़ेदी येह ओहले ङोह स्‍य़ेदी येह, राहङ किन्‍ज्‍योगी नाम्‍पार-ताहक्‍पा मिह यिहन।”

रोमी 1:4

ओहराङ चो़वो येशू मास्‍यीका किन्‍ज्‍योकी स़ेबु यिहन म़ेदी नाम्‍पार-ताहक्‍पा थुगी ओङ लाहमले सोम्‍बो ज़्‍याङदी तेन नाङसीन।

कलस्‍सी 1:13

मिहरोगी ओहराङला ना़-जुबेकी क्‍याहल्‍सीलेगी खा फे़ नाङसीन, ओहले राहङगी चेवा जे नाङग्‍योकी स़ेबुकी क्‍याहल्‍सी नाहङला ओहराङला पो नाङसीन।