मत्ती 9:8 - ह्योल्‍मो

⁸ दि रोहवा याहम्‍जेम्‍बागी छ्या़ले थोङदी ओ़ह मिहया़ ज्‍यी़सीन ओहले मिहया़ला दि ल़ेहमु ओङ नाङगे किन्‍ज्‍योला त़ेरा तेच्‍या फुल्‍सीन।

मत्ती 9:8 ပူးပေါင်းရင်းမြစ်များ

मत्ती 12:23

दि थोङदी मिह थाम्‍ज्‍यीराङ याहम्‍जेनज्‍यी ने़दी दि ल़ेहमु म़ेदी ताम माज्‍ये छ़ूसीन, “च्‍यि मिह-रो़हराङ दाऊदगी स़ेबु, थार्पा नाङगेन्‍गी क्‍याहल्‍बु यिहम्‍बानी?”

मत्ती 15:31

लेम्‍बाया़ ताम माज्‍ये छ़ूसीन, ओङबु छाङबु म़ेहबा मिहया़ टा़हसीन, काङबा स्‍योर्क्‍योया़ डोज्‍ये छ़ूसीन ओहले मी़ मेहथोङगेनया़ मी़ थोङ ख़ूएँ काहल्‍सीन। दि थोङदी मिहया़ ज्‍यिबुराङ ह्‍अ ल़ेहसीन ओहले खुङया़गी इस्राएलकी किन्‍ज्‍योला त़ेरा तेच्‍या फुल्‍सीन।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

मत्ती 9:7

ओहले ओ़ह मिह ह्‍ओप लाहङदी खाङबाला फार काहल्‍सीन।

मर्कूस 2:12

ओ़ह नेहपा मिह थाम्‍ज्‍यीगी ताएँ ताएँमुॱराङ ह्‍ओप लाहङदी राहङगी तेङगो खुर्ती खाङबाला लो़ह काहल्‍सीन। दि रोहवा पेहती टा़हगेन थोङदी मिहया़गी ह्‍अ ल़ेहदी किन्‍ज्‍योला थुज्‍यी-छ्ये़ फुल्‍दी मासीन, “दि ल़ेहमु याहम्‍जेन छ्येवानी ङ्यिहगी ताहन्‍दा थु नाहमॱआङ माहथोङ!”

मर्कूस 7:37

दि केच्‍या थे़गेनया़ मिह थाम्‍ज्‍यीगी ज्‍यिबुराङ ह्‍अ ल़ेहदी, “मिहरोगी थाम्‍ज्‍यीराङ छ्या़लेया़ या़हबु जे-नाङदी येह। मिहरोगी नाम्‍ज्‍यो मे़हथेगेनया़ला थ़े ख़ूएँ ज़ो नाङगे ओहले ताम मेहथेन्‍गेनया़ॱलाङ ताम मा ख़ूएँ ज़ो थुप्‍कें” म़ेदी मासीन।

लूका 13:13

ओहले येशूगी मोह थो़ला छ्या़ ज़्‍या़ नाङसीन। छ्या़ ज़्‍या़ नाङ-लुहङ मे़हबाराङ मोह टा़हदी ख्‍याङ पेहती लाहङसीन। ओहले मोहगी किन्‍ज्‍योला थुज्‍यी-छ्ये़ फुल्‍सीन।

लूका 17:15

ओहले मेहन्‍दा च्‍यी़गी राहङ टा़हक्‍यो क्‍यी़ह ज्‍योर फान्‍ज्‍यो क़े छ्यिम्‍बुच्‍यी तेन्‍दी किन्‍ज्‍योला त़ेरा फुल्‍गेराङ लो़ह ओहङसीन।

लूका 17:18

दि सामरी मिह च्‍यी़राङ लो़ह ओहङसीन लो़हलो मिहया़दी च्‍यिबे किन्‍ज्‍योला थुज्‍यी-छ्ये़ फुल्‍ज्‍येला माहयोहङबा?”

लूका 18:43

ओहले ओहजे ती़हजीलाराङ खो मी़ थोङ ख़ूएँ काहल्‍सीन। ओहले खो किन्‍ज्‍योला त़ेरा फुल्‍गेराङ येशूगी तिङदा तिङ काहल्‍सीन। दि थोङदी लेहमेन मिहया़गीॱआङ किन्‍ज्‍योला त़ेरा फुल्‍सीन।

लूका 2:20

ओहले ल़ूह-कोहरोवाया़गी स्‍यिहङगामकी स्‍याहप्‍च्‍यीगी स्‍येक्‍यो ल़ेहमुराङ थे़क्‍यो दाङ थोङग्‍यो स्‍याहलगी तेहन्‍दाला किन्‍ज्‍योला ज़िज्‍यिद दाङ त़ेरा फुल्‍दी लोह काहल्‍सीन।

लूका 23:47

दि रोहवा काहल्‍ग्‍यो थोङदी रोमी माक्‍पेनगी दि ल़ेहमु म़ेदी किन्‍ज्‍योला ज़िज्‍यिद फुल्‍सीन, “तेहम्‍बाराङ, दि मिहनी टाहङबु यिहम्‍बा दुबा!”

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

यूहन्‍ना 15:8

ख्‍यागी माहङबुराङ सेदोया़ या़ह च्‍य़ूदी ख्‍या ङाहती स्‍याहप्‍च्‍यी यिहन माएँ दास्‍यी तेर्च्‍ये येह। ओहले दि ल़ेहलाॱराङ ङाहती याहपती ज़िज्‍यिद ओहङज्‍ये येह।

ल़ेह-पेन 11:18

दि ताम थ़े फान्‍ज्‍यो चो़वो छ्येवाला यिह-छ्य़े पेहकेन्‍गी यहूदी आदा-नो़हया़गी पत्रुसला फातुर च़ूज्‍ये क्‍युर्सीन ओहले, “ता़ह किन्‍ज्‍योगी लेहमेन क्‍यिहपागी मिहया़लाॱआङ मिहलीगी तेहन्‍दाला सेमगी स्‍या़बा पेहती तिहक्‍पा पाङज्‍येला लोहङ नाङसीन दुबा” म़ेदी किन्‍ज्‍योला त़ेरा तेच्‍या फुल्‍ज्‍ये छ़ूसीन।

ल़ेह-पेन 21:20

दि तामया़ थे़सीम्‍बाराङ खुङगी किन्‍ज्‍योला थुज्‍यी-छ्ये़ फुल्‍सीन। ओहले खुङया़गी पावलला मासीन, “नो़ह, देला यहूदीया़ तोङरा तोङरागी चो़वो येशूला यिह-छ्य़े पेहती मोशागी नाङग्‍यो छ्य़े-ठिमॱलाङ ज्‍यिबुराङ छान्‍दी पेहती ची़उ येहबा।

ल़ेह-पेन 4:21

दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।

२ कोरिन्‍थी 9:13

ख्‍याया़गी रो़हराम पेहकेमु मिहया़गी किन्‍ज्‍योला त़ेरा तेच्‍या फुल्‍गे। ख्‍याया़गी सेम ज़ाङबु पेहती खुङ दाङ लेहमेन थाम्‍ज्‍यीला रो़हराम पेहकेमु ख्‍याया़गी यिह छ्य़ेक्‍यो मास्‍यीकाकी या़हबु लेहङगुला ची़उ दुबा माएँ तामकी दास्‍यी तेर्के।

गलाती 1:24

खुङया़गी ङाहगी तेहन्‍दाकी पेहती किन्‍ज्‍योला त़ेरा फुल्‍सीन।

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।