मत्ती 9:6 - ह्योल्‍मो

⁶ यिहॱनाङ त़ेदोङ, दि जाम्‍बुलीङला मिहगी स़ेबुला मिहगी तिहक्‍पा ता़ह च्‍य़ूज्‍येला ओङ थोप्‍ती येह।” ओहले येशूगी ओ़ह नेहपाला सुङ नाङसीन, “ता़ह लाहङदोङ, राहङगी तेङगो खुर्ती खाङबाला सोङ।”

मत्ती 9:6 ပူးပေါင်းရင်းမြစ်များ

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 8:20

येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

मत्ती 9:2

ओहले मिहया़गी ज़ुबु कुहल मी़हखुएँ मिह च्‍यी़ला तेङगो छ्याप्‍क्‍याङराङ खुर्ती येशूसाला ख्‍योङसीन। ओ़ह मिहया़गी यिह-छ्य़े ज़ी़दी येशूगी ओ़ह नेहपाला सुङ नाङसीन, “ए पुह, ख्‍ये तुहङाल माहबे। ख्‍येगी तिहक्‍पा कोहङदा ज्‍योर्ती येह।”

मत्ती 9:5

ता़ह म़ेदोङ ले, दि मिहला ‘ख्‍येगी तिहक्‍पा कोहङदा ज्‍योर्सीन’ म़ेदी माज्‍ये दाङ ‘लाहङदी सोङ’ म़ेदी माज्‍येला का़हन्‍दी तेहमु ओहङडो?

मत्ती 9:7

ओहले ओ़ह मिह ह्‍ओप लाहङदी खाङबाला फार काहल्‍सीन।

मर्कूस 2:10

यिहॱनाङ मिहगी स़ेबुला जाम्‍बुलीङला तिहक्‍पा ता़ह च्‍य़ूएँगी ओङ थोप्‍ते येह म़ेदी ख्‍यागी ह्‍अ के़हदोङ।” ओहले येशूगी ओ़ह नेहपाला सुङ नाङसीन,

मर्कूस 2:7

खोगीनी किन्‍ज्‍योला गा स्‍ये़हन्‍डील पेहकु दु। किन्‍ज्‍योगी मिहम्‍बानी लेहमेन सुगी तिहक्‍पा ता़ह च्‍य़ू ख़ूज्‍ये ले?

लूका 5:21

येशूकी स्‍याहल थे़दी छ्य़े-ठिमकी लोबेन दाङ फरिसीया़गी, “किन्‍ज्‍योला स्‍ये़हन्‍डील पेहकेन दि मिहनी सु यिहम्‍बा? किन्‍ज्‍योगी मिहम्‍बानी लेहमेन सुगीॱआङ तिहक्‍पा ता़ह च्‍य़ू मी़ह ख़ूएँ” म़ेदी टी़हज्‍ये छ़ूसीन।

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 17:2

च्‍यिबेमाना राहङगी खोला मिह थाम्‍ज्‍यी थो़ला ओङ नाङदी येह, ओ़ह लाहमले याहपगी नाङग्‍यो थाम्‍ज्‍यीलाराङ खोगी था़ म़ेहबा मिहली ज़ाङबु तेर्च्‍यु।

यूहन्‍ना 5:27

ओहले खोला ठिम आप्‍ता च्‍येकेन्‍गी ओङ नाङदी येहबा, च्‍यिबेमाना खो मिहगी स़ेबु यिहम्‍बा।

यूहन्‍ना 5:8

येशूगी खोला सुङ नाङसीन, “लोहङ, ओहले राहङगी तेङगो ती़हदी खुर्ती सोङ।”

ल़ेह-पेन 5:31

इस्राएली मिहया़गी सेमगी स्‍या़बा पेहती तिहक्‍पालेगी कोहङदा ज्‍योर्च्‍यु म़ेदी किन्‍ज्‍योगी येशूला थार्पा नाङगेन क्‍याहल्‍बु ज़ो नाङदी राहङगी योबा ङो़गी ज़्‍य़ू-ठिला ज़्‍या़ नाङसीन।

ल़ेह-पेन 9:34

ओहले पत्रुसगी एनियासला, “ए एनियास, येशू मास्‍यीकाकी ख्‍येला ताहन्‍दाॱराङ टा़ह च्‍य़ू नाङगेन। ता़ह ख्‍ये लाहङदोङ, ओहले राहङगी तेङगो तिहदोङ!” म़ेदी मासीन। ओहले खो ओ़हजेलाराङ ह्‍ओप लाहङसीन ओहले खो डो ख़ूएँ काहल्‍सीन।

२ कोरिन्‍थी 2:10

ख्‍याया़गी कोहङदा तेरक्‍यो मिहला ङाहॱआङ कोहङदा तेर्के। ङाहगी कोहङदा तेर कोहएँ यिहन्‍सीमाना ङाहगी कोहङदा तेर्केमु ङाह मास्‍यीका येशूकी दिनला ख्‍यागी तेहन्‍दालाराङ कोहङदा तेर्के।

२ कोरिन्‍थी 5:20

ओ़ह सोङबे ङ्यिह मास्‍यीकागी राजदूतया़ यिहम्‍बा, ओहले किन्‍ज्‍योगी ङ्यिह लाहमले ओहर-छ्य़े स्‍य़ूह नाङगेराङ येह। मास्‍यीकागी छ्यो़ले ङ्यिह ख्‍याया़ला ओहर-छ्य़े स्‍युहएँ, ख्‍याया़ किन्‍ज्‍यो ङ्याम्‍बु थिनदोङ।

एफिसी 4:32

सेम ङ्येम्‍बु पेहती च्‍यी़गी च्‍यी़ला निङज्‍यी पेहतोङ। काह-ठि पेहती किन्‍ज्‍योगी मास्‍यीका लाहमले ख्‍याया़ला कोहङदा नाङबा, ओ़हठीॱराङ पेहती ख्‍याया़गीॱआङ च्‍यी़गी च्‍यी़ला कोहङदा तेर।

कलस्‍सी 3:13

च्‍यी़गी च्‍यी़ला ना़दोङ, च्‍यी़गी च्‍यी़ला टाह पेहती च्‍यिरा ल़ेह जोल्‍ग्‍यो येहसीनमाना च्‍यी़गी च्‍यी़ला स्‍या़बा तेर्तोङ। चो़वोगी ख्‍याला स्‍या़बा नाङग्‍यो ल़ेहमुराङ ख्‍यागीॱआङ मिहया़ला स्‍या़बा तेर्तोङ।