मत्ती 9:4 - ह्योल्‍मो

⁴ ओहले खुङगी सेमगी ताम ङोह ख्‍येन्‍दी येशूगी सुङ नाङसीन, “च्‍यिबे ख्‍याया़गी सेमला दि रोहवा साम्‍लु चोक्‍पा ताङगे?

मत्ती 9:4 ပူးပေါင်းရင်းမြစ်များ

मत्ती 12:25

यिहॱनाङ खुङया़गी दि ल़ेहमु साम्‍लु ताङग्‍यो ङोह ख्‍येन्‍दी येशूगी खुङया़ला सुङ नाङसीन, “लुहङबाया़ राहङ नाहङदोङराङ ठ़ूस्‍यी सिहङदा पेहसीमाना ओ़ह लुहङबा खोराङॱराङ तोङदी डोज्‍ये येह। ओ़ह ल़ेहमुराङ क्‍याहसा क्‍यिनी खाङबा म़ेहमे राहङ नाहङदोङराङ ठ़ूस्‍यी सिहङदा पेहसीमाना ओ़हदीॱआङ तोङदी डोज्‍ये येह।

मर्कूस 12:15

ङ्यिहगी ठाल च्‍याल्‍दोङ नि माहच्‍याल?” म़ेदी टी़हसीन। येशूगी खुङगी खोक्‍पा कोर्ती ताम क़ू छोल्‍ग्‍यो ङोह ख्‍येन्‍दी सुङ नाङसीन, “तेहन्‍दा म़ेहबाकी तामया़ म़ेदी ख्‍या ङाहला च्‍यिबे फासई तीज्‍ये छोल्‍गे? केरे डापाल च्‍यी़ ख्‍योङदी तेन्‍दोङ ले” म़ेदी सुङ नाङसीन।

मर्कूस 2:8

ओ़हजेलाराङ येशूगी खुङगी सेमगी ताम ङोह ख्‍येन्‍दी सुङ नाङसीन, “च्‍यिबे ख्‍या दि रोहवा साम्‍लु ताङगे?

लूका 11:17

ओहले येशूगी खुङगी साम्‍लु ताङग्‍यो ङोह ख्‍येन्‍दी सुङ नाङसीन, “क्‍याहल्‍सी च्‍यी़गी मिहया़गी राहङ नाहङदोङराङ मा़ क्‍याहप्‍सीमाना ओ़ह क्‍याहल्‍सी तोङगे। ओहले खाङबा च्‍यी़गी मे़हमेया़ राहङ नाहङदोङराङ जिङदी तेहसीमाना ओ़ह खाङबाॱआङ नोहङदी डोएँ।

लूका 5:22

ओहले येशूगी खुङगी सेमगी ताम ङोह ख्‍येन्‍दी सुङ नाङसीन, “ख्‍यागी च्‍यिबे दि रोहवा साम्‍लु ताङगे?

लूका 6:8

येशूगी खुङगी सेमगी ताम ङोह ख्‍येन्‍सीन, ओहले लाहक्‍पा काम्‍ग्‍योगी मिहला, “ख्‍ये लाहङदी दि दिनला तेह स्‍यो ले!” म़ेदी सुङ नाङसीन। ओहले ओ़ह मिह लाहङदी येशूगी कुम्‍देनला काहल्‍सीन।

लूका 7:40

ओहले येशूगी, “ए सिमोन, ङाहगी ख्‍येला मा कोहच्‍ये ताम च्‍यी़ येहबा” म़ेदी सुङ नाङसीन। ओहले “सुङ नाङदोङ लोबेन ला़ह” म़ेदी फरिसी सिमोनगी स्‍युहसीन।

यूहन्‍ना 16:19

खुङया़गी दिगी तेहन्‍दाला टी़हज्‍ये छोल्‍गेराङ येह माएँ ताम येशूगी सेन्‍दी खुङया़ला सुङ नाङसीन, “‘याहम्‍बी तिङले ख्‍याया़गी ङाहला येहपाराङ थोङज्‍ये म़ेह, ओहले याहम्‍बी तिङले ङाहला येहपाराङ थोङज्‍ये येह’ माएँ तामगी तेहन्‍दा च्‍यि यिहम्‍बा म़ेदी ख्‍यागी दिगी तेहन्‍दालाराङ राहङ नाहङदुङ कालाम पेहक्‍यो मिहन ले?

यूहन्‍ना 16:30

ता़ह ङ्यिहगी ङोह स्‍य़ेसीन, राहङला थाम्‍ज्‍यीराङ से़हया़ थुयी़ येहबा, ओहले राहङला सुज्‍यीगीॱआङ टी़ह कोहबा म़ेह। ओ़ह सोङबे राहङ किन्‍ज्‍यो लाहमलेॱराङ फेप नाङग्‍यो यिहन म़ेदी ङ्यिह यिह छ्य़ेगे।”

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

यूहन्‍ना 6:61

यिहॱनाङ स्‍याहप्‍च्‍यीया़गी राहङ नाहङदोङ दिगी तेहन्‍दाला ताम मामा चाएँॱराङ येह माएँ ताम येशूगी थु ङ्येती खुङया़ला सुङ नाङसीन, “च्‍यि दि तामगी ख्‍याया़ला सेमला फो़बा?

यूहन्‍ना 6:64

यिहॱनाङ ख्‍याया़ नाहङला लाहलागी ङाहला यिह मे़हछ्येएँ।” च्‍यिबेमाना यिह मेहछ्य़ेएँया़ सु सु यिहम्‍बा, ओहले मिहरोला गो़ कोर च्‍य़ूगेन्‍दी सु यिहम्‍बा म़ेदी येशूला तोहङ यिहन्‍ज्‍यु थुयी़ येहकें।

ल़ेह-पेन 5:9

“ख्‍या ङ्यी़गी चो़वोगी थुला च्‍यिबे ङ्याहम च्‍येच्‍ये छोल्‍गे? त़ेदोङ, ख्‍येगी ख्‍योवाला साला पिहप्‍के मिहया़ नाहरे च्‍यी़राङ कोहला लेप सिहन्‍दी येह। खुङया़गी ख्‍येॱलाङ ओ़ह ल़ेहमुराङ पेहती साला पिहप्‍च्‍ये येह” म़ेदी पत्रुसकी मासीन।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।