मत्ती 9:14 - ह्योल्‍मो

¹⁴ ओ़ह तिङले बप्‍तिस्‍मा तेर्केन यूहन्‍नागी स्‍याहप्‍च्‍यीया़ येशूसाला ओहङदी येशूला दि ल़ेहमु म़ेदी टी़हसीन, “ङ्यिह दाङ फरिसीया़ ङ्युङने तेहकें, यिहॱनाङ राहङगी स्‍याहप्‍च्‍यीया़दी च्‍यिबे ङ्युङने मेहतेहकें?”

मत्ती 9:14 ပူးပေါင်းရင်းမြစ်များ

मत्ती 11:2

बप्‍तिस्‍मा तेर्केन यूहन्‍ना चोन-खाङला येहकेंमु मास्‍यीकागी जे नाङग्‍योगी छ्या़लेया़गी तेहन्‍दाला थ़ेसीन। ओहले यूहन्‍नागी राहङगी स्‍याहप्‍च्‍यीया़ला दि ताम टी़हज्‍येला येशूसाला ताङसीन।

मत्ती 6:16

“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 9:15

येशूगी खुङया़ला सुङ नाङसीन, “माहक्‍पा साम्‍बा खुङया़ ङ्याम्‍बु तेहकेमु च्‍यि जन्तीबाया़गी तुहङाल पेहती ङ्युङने तेहकें ले? यिहॱनाङ दि ल़ेहमु ती़हजी च्‍यिॱआङ ओहङज्‍ये येह, माहक्‍पा साम्‍बाला खुङया़ ङ्याम्‍बु खा फ़ेदी ख्‍येर्केमु गा खुङया़ ङ्युङने तेहच्‍ये येह।”

यूहन्‍ना 3:25

ओ़ह ती़हजीलाराङ यहूदी मिह च्‍यी़ ङ्याम्‍बु यूहन्‍नागी स्‍याहप्‍च्‍यीया़ चाङमा डोएँ माएँ तामकी तेहन्‍दाला ताम फार छुर स्‍याङ स्‍याङ काहल्‍सीन।

यूहन्‍ना 4:1

ओहले यूहन्‍नागी म़ेदीॱआङ येशूगी माहङबुराङ स्‍याहप्‍च्‍यीया़ ज़ो नाङगेराङ येह ओहले बप्‍तिस्‍माॱआङ नाङगेराङ येह माएँ ताम फरिसीया़गी थ़ेसीन।