मत्ती 8:6 - ह्योल्‍मो

⁶ “ओ़ चो़वो छ्येवा, ङाहगी योक्‍पु ज़ुबु कुहल मी़हखुएँगी नाहजा क्‍याहप्‍ती खाङबाला ङ्याहल्‍साला छ्यिती येहबा।”

मत्ती 8:6 ပူးပေါင်းရင်းမြစ်များ

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 8:7

ओहले येशूगी, “ङाह ओहङदी खोला टा़ह च्‍य़ूगे” म़ेदी सुङ नाङसीन।

मत्ती 9:2

ओहले मिहया़गी ज़ुबु कुहल मी़हखुएँ मिह च्‍यी़ला तेङगो छ्याप्‍क्‍याङराङ खुर्ती येशूसाला ख्‍योङसीन। ओ़ह मिहया़गी यिह-छ्य़े ज़ी़दी येशूगी ओ़ह नेहपाला सुङ नाङसीन, “ए पुह, ख्‍ये तुहङाल माहबे। ख्‍येगी तिहक्‍पा कोहङदा ज्‍योर्ती येह।”

ल़ेह-पेन 10:7

स्‍यिहङगामकी स्‍याहप्‍च्‍यी फेप फान्‍ज्‍यो कर्नेलियसगी राहङसाला ल़ेह पेहकेन्‍गी योक्‍पु ङ्यी़ दाङ माक्‍मी च्‍यी़ला क़े क्‍याहप्‍सीन। ओ़ह माक्‍मीगी नाहम-माना कर्नेलियसला स्‍याहप्‍तो स्‍युहउ येहकें, ओहले खोॱआङ छ्य़ेसेम पेहकेन्‍गी मिह यिहन्‍गे।

ल़ेह-पेन 8:7

च्‍यिबेमाना मिह माहङबुलेगी मेहचाङा नाम्‍स्‍यीया़ क़े तेन्‍दी काहल्‍सीन ओहले ज़ुबु कुहल मी़हखुएँ दाङ काङबा कुच्‍या मिहया़ माहङबुराङ टा़हसीन।

ल़ेह-पेन 9:33

खोगी ओ़हला एनियास माएँ मिह च्‍यी़ला थ़ूसीन। एनियास ज़ुबु कुहलॱराङ मी़हखुएँ नाहजागी पेहती ङ्याहल्‍साला छ्यित्ते लो़ह क्‍ये़ह काहल सिहन्‍दी येहकें।

कलस्‍सी 3:11

ओ़ह सोङबे दि साम्‍बा मिहजीला ग्रीक दाङ यहूदी, स्‍या-ताक पेहक्‍यो दाङ स्‍या-ताक माहबेबा, यिहगी मे़हस्‍येगेन दाङ रिहदोङ क्‍यिलगी मिह, योक्‍पु पेहक्‍यो दाङ माहबेबाला च्‍यिॱआङ ख्‍येपार म़ेह, यिहॱनाङ मास्‍यीकाॱराङ ना थाम्‍ज्‍यी यिहम्‍बा, ओहले मिहरो थाम्‍ज्‍यी ङ्याम्‍बु ज़्‍य़ू नाङदी येह।

कलस्‍सी 4:1

ए ताहक्‍पुया़, राहङ योक्‍पु-यो़मुया़ला ङ्येम्‍बा-ङ्य़ेहरी माहबेबा पेहती ठिमला ते़बे छ्याप्‍स्‍यी या़हबु पेहतोङ। ख्‍यागीॱआङ स्‍यिहङगामला राहङगी ताहक्‍पु ज़्‍य़ू नाङदी येह माएँ टेहम्‍बा माहच्‍येह।

१ तिमोथी 6:2

यिह छ्य़ेबा ताहक्‍पुया़ला खुङ योक्‍पुया़गी, यिह-छ्य़ेला आदा-नो़हया़ॱराङ यिहन म़ेदी ङ्युहङसे़ चा़ माहबे। बरु खुङया़गी ताहक्‍पुया़ला जेन माहङबु स्‍याहप्‍तो स्‍युहज्‍यु, च्‍यिबेमाना खुङया़गी स्‍याहप्‍तो स्‍युहक्‍यो लाहमले खेप्‍साङ ज्‍योर्केया़ यिह छ्य़ेबा दाङ ज्‍यिबुराङ च्‍याहम्‍बु रो़हया़ यिहम्‍बा। दि थाम्‍ज्‍यी पेहॱराङ कोहएँगी ल़ेहया़ ची़ज्‍येला लोप्‍तोङ ओहले ओहर-छ्य़े स्‍यी़हदोङ।

फिलेमोन 1:16

ता़ह खो लाबु मिहम्‍बा यिहॱनाङ लाबु म़ेदीॱआङ या़हबु निङ च्‍येहएँगी नो़ह काहल्‍सीन। खो ङाहगी तेहन्‍दाला ज्‍यिबुराङ च्‍याहम्‍बु येह यिहॱनाङ ख्‍येगी तेहन्‍दालानी तोहरोङ खो ज़ुबु दाङ चो़वोला जेन माहङबु च्‍याहम्‍बु येह।