मत्ती 8:3 - ह्योल्‍मो

³ ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ख्‍ये टा़हज्‍यु म़ेदी ङाहगी सेमला क्‍ये़दी येहबा।” ओ़हजेलाराङ ओ़ह जे-ने़ह थेन्‍ग्‍योगी मिह टा़हसीन।

मत्ती 8:3 ပူးပေါင်းရင်းမြစ်များ

मत्ती 12:13

ओ़ह तिङले येशूगी ओ़ह लाहक्‍पा काम्‍ग्‍योगी मिहला, “ख्‍येगी लाहक्‍पा क्‍याङदोङ ले!” म़ेदी सुङ नाङसीन। ओहले खोगी लाहक्‍पा क्‍याङसीन ओहले ओ़ह लाहक्‍पा टा़हसीन।

मर्कूस 1:41

दि सेन्‍दी येशूगी थुला निङ च्‍येहसीन ओहले येशूगी राहङगी छ्या़ खो थो़ला ज़्‍या़दी सुङ नाङसीन, “ङाहगी सेमला ने़क्‍यो ल़ेहमुराङ ख्‍ये टा़हज्‍यु।”

मर्कूस 4:39

ओहले येशू ज़्‍याङदी ल्‍हा़बा लुङजीला काप्‍क्‍येन नाङदी सुङ नाङसीन, “छ्येबे तेह! थेमे तेह!” ओ़हजेलाराङ ओ़ह ल्‍हा़बा लुङजी छ्येबे तेहसीन।

मर्कूस 5:41

ओहले येशूगी पोहमोगी लाहक्‍पाला ज़ुङ नाङदी, “तालिता कूम!” म़ेदी सुङ नाङसीन। तालिता कूम सुङग्‍योदी तेहन्‍दा, “ए नुहमु, ङाह ख्‍येला माएँ, लाहङदोङ!” म़ेदी सुङ नाङग्‍यो यिहम्‍बा।

मर्कूस 7:34

ओ़ह तिङले येशूगी स्‍यिहङगाम ङो़ले ऊ रिहङबुज्‍यी टिह-नाङदी, “इफ्‍फाता,” म़ेदी सुङ नाङसीन। दि माक्‍योगी तेहन्‍दादी “खा फ़ेज्‍यु” म़ेदी माक्‍यो यिहम्‍बा।

मर्कूस 9:25

मिह मिह-माहङ जोम्‍दी राहङ ङो़ले ओहङग्‍यो ज़ी़ नाङदी येशूगी मेहचाङा नाम्‍स्‍यीला काप्‍क्‍येन नाङगेराङ सुङ नाङसीन, “ए लेम्‍बा दाङ नाम्‍ज्‍यो थ़े मी़हच्‍युएँ ज़ोएँगी नाम्‍स्‍यी, ओ़ह पेहजालेगी थेन्‍दी स्‍यो ओहले येहपाराङ नाहमॱआङ लो़हदी खो नाहङला मा़हस्‍युह!”

लूका 4:27

लुहङतेम्‍बा एलीशागी ती़हजीला इस्राएल क्‍याहल-खापला जे थेन्‍ग्‍योगी मिह माहङबुराङ येहकें। यिहॱनाङ, एलीशागी सिरिया क्‍याहल-खापगी नामान च्‍यी़लाॱराङ टा़ह च्‍य़ू नाङसीन लेहमेन सुॱलाङ टा़ह च्‍य़ू माहनाङ।”

लूका 5:13

ओहले येशूगी खोला छ्या़गी दे़ नाङदी, “ङाहगी सेमला क्‍ये़दी येहबा ख्‍ये टा़हज्‍यु” म़ेदी सुङ-लुहङ मे़हबाराङ ओ़ह मिह टा़हसीन।

लूका 7:14

ओहले येशू तोहङले फेप्‍ती रोहगी टोहमला ज़ुङदी का नाङसीन। ओहले रोह खुर्केन मिहया़ थेमे पेहती क़ूहसीन। ओहले येशूगी रोहला, “ङाहगी माएँ, ए नो़ह, ख्‍ये लाहङदोङ!” म़ेदी सुङ नाङसीन।

यूहन्‍ना 11:43

दे़ज्‍ये सुङ छर फान्‍ज्‍यो येशूगी सुङ-क़े छ्यिम्‍बुच्‍यी तेन्‍दी लाजरसला क़े क्‍याहप नाङसीन, “ए लाजरस, फिला थेन्‍दी स्‍यो।”

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 5:21

च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।