मत्ती 8:20 - ह्योल्‍मो

²⁰ येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

मत्ती 8:20 ပူးပေါင်းရင်းမြစ်များ

मत्ती 12:32

मिहगी स़ेबुला टाह पेहती तिहक्‍पा पेहक्‍योदी कोहङदा नाङज्‍ये येह, यिहॱनाङ नाम्‍पार-ताहक्‍पा थुला स्‍ये़हन्‍डील पेहक्‍योकी तिहक्‍पादी दि काल्‍बा दाङ ओहङगेन्‍गी काल्‍बाॱलाङ नाहमॱआङ कोहङदा नाङज्‍ये म़ेह।

मत्ती 12:40

च्‍यिबेमाना काहन्‍डुमु पेहती योना ङ्याह छ्युम्‍बुगी फोवा नाहङला ङ्यिहमा सुम दाङ कुहङमु सुम येहकें, ओ़ह ल़ेहमुराङ पेहती मिहगी स़ेबुॱआङ सा नाहङला ङ्यिहमा सुम दाङ कुहङमु सुम तेहच्‍ये येह।

मत्ती 12:8

च्‍यिबेमाना मिहगी स़ेबु थाङ सोएँ ङ्यिहमादीॱआङ ताहक्‍पु यिहम्‍बा” म़ेदी येशूगी सुङ नाङसीन।

मत्ती 13:37

येशूगी सुङ नाङसीन, “सेन या़हबु ताप्‍के मिहदी मिहगी स़ेबु यिहम्‍बा।

मत्ती 16:13

येशू कैसरिया फिलिप्‍पीगी दे-खामला लेप नाङसीन। ओ़हला येशूगी राहङगी स्‍याहप्‍च्‍यीया़ला टी़ह नाङसीन, “मिहया़गी मिहगी स़ेबुला सु यिहम्‍बा म़ेदी माउ दुबा?”

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

मत्ती 17:9

लाहलेगी थुर्चु फाप नाङगेमु येशूगी खुङया़ला सुङ नाङसीन, “त़ेदोङ, मिहगी स़ेबु स्‍यिक्‍योलेगी सोम्‍बो मा़हलोह थु ख्‍याया़गी थोङग्‍योकी दि ज्‍याल्‍गाकी केच्‍या सुॱलाङ माहस्‍ये म़ेदी का नाङसीन।”

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मर्कूस 8:38

दि छ्येउ-छ्येंमुवा दाङ तिहक्‍च्‍येम्‍बा मिहदोला का़हन्‍दीगी ङाह दाङ ङाहगी लोप्‍च्‍युङला ङोहजा पेहकें, मिहगी स़ेबुगीॱआङ याहपगी ज़िज्‍यिद नोम्‍दी नाम्‍पार-ताहक्‍पा स्‍यिहङगामगी स्‍याहप्‍च्‍यीया़ ङ्याम्‍बु फेप नाङगेमु खोला राहङदी माज्‍येला ङाह ङोह छाज्‍ये येह।”

लूका 12:8

“ङाहगी ख्‍याला माएँ सुगी ङाहला मिहया़गी दिनला ङाहती चो़वो छ्येवा म़ेदी माएँ ओ़हदीला ङाह मिहगी स़ेबुगीॱआङ स्‍यिहङगामकी स्‍याहप्‍च्‍यीगी दिनला खो ङाहती यिहन म़ेदी माज्‍ये येह।

लूका 18:8

ङाहगी ख्‍याला माएँ, किन्‍ज्‍योगी खुङया़ला ठिम ताङ नाङज्‍ये येह, यिहॱनाङ ङाह मिहगी स़ेबु ओहङगेमु च्‍यि ङाहगी जाम्‍बुलीङला किन्‍ज्‍योला तेहपा पेहकें मिह ज्‍योर्टो ले?”

लूका 2:12

ख्‍यागी ओ़ह स़ेबुला ल़ेहदेनगी टिल्‍दी ज्‍य़ोङबाला ङ्याल ज़्‍या़क्‍यो च्‍य़ेह सिहन्‍ज्‍ये येह, ओ़हदीॱराङ थार्पा थोप च्‍य़ू नाङगेन मास्‍यीका यिहम्‍बा।”

लूका 2:16

ओहले खुङया़ छारा पेहती ता काहल्‍सीन। ओहले ओ़हला लेप्‍ते खुङगी मरियम दाङ योसेफ ओहले ल़ेनु स़ेबुला ज्‍य़ोङबाला ङ्याल ज़्‍या़क्‍यो थोङसीन।

लूका 2:7

ओहले बेथलेहेमलाॱराङ मोहगी स़ेबु च्‍यी़ ठुङसीन ओहले ओ़ह स़ेबु छ्येस्‍योला ल़ेहदेनगी टिल्‍दी कोहरेला येहकेन ज्‍य़ोङबाला ङ्याल ज़्‍या़सीन, च्‍यिबेमाना खुङया़ला बा़सा तेहच्‍येला ने़जाङला ग्‍या़ माहन्‍ज्‍योर्पा येहकें।

लूका 21:36

ओ़ह सोङबे जेम्‍बु पेहती तेहतोङ, दि ज्‍यिक्‍पा थाम्‍ज्‍यी ङो़ले थार्ते ख्‍या मिहगी स़ेबुगी दिनला मा़हन्‍ज्‍यीबा पेहती लाहङ ख़ूज्‍यु म़ेदी नाहम-माना किन्‍ज्‍योला सोल्‍वाङ ताप्‍ती तेहतोङ!” म़ेदी येशूगी सुङ ख्‍येप्‍टा नाङसीन।

लूका 8:3

क्‍याहल्‍बु हेरोदसाला ल़ेह पेहकें खुजासकी पी़हमी योअन्‍ना दाङ सुसन्‍ना। दि पी़हमीया़ दाङ लेहमेनया़गीॱआङ राहङगी क्‍युह नोहरया़ तेर्ती येशूला स्‍याहप्‍तो स्‍युहउ येहकें।

लूका 9:58

ओहले येशूगी ओ़ह मिहला ल़ेहन क्‍याहप्‍नाङसीन, “लिहन्‍दीया़दी तेहच्‍येला फुक्‍पा येहबा, च्‍याह-च्‍यिहवाया़दी छाङ येहबा, मिहगी स़ेबुदीनी गो़ ज़्‍या़सा ग्‍या़ज्‍यीॱआङ म़ेह!” म़ेदी सुङ नाङसीन।

यूहन्‍ना 1:51

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, ख्‍यागी स्‍यिहङगाम खा फे़क्‍यो दाङ किन्‍ज्‍योकी स्‍यिहङगामकी स्‍याहप्‍च्‍यीया़ला मिहगी स़ेबु थो़ला याहर-माहर पेहक्‍यो थोङज्‍ये येह।”

यूहन्‍ना 12:34

ओहले मिहया़गी मासीन, “मास्‍यीकानी नाहम्‍स्‍यी किन्‍दुॱराङ थार्च्‍ये येह म़ेदी ङ्यिहगी छ्य़े लाहमले थे़दी येहबा। यिहॱनाङ मिहगी स़ेबुला क्‍या़ कोहएँ म़ेदी राहङगी काह-ठि पेहती सुङ ख़ूएँ ले? राहङगी सुङ नाङग्‍यो मिहगी स़ेबुती सु यिहम्‍बा ले?”

यूहन्‍ना 13:31

यहूदा काहल फान्‍ज्‍यो येशूगी सुङ नाङसीन, “ता़ह मिहगी स़ेबुती ज़िज्‍यिद-च्‍येन काहल्‍दी येह, ओहले ओ़ह लाहमले किन्‍ज्‍योदीॱआङ ज़िज्‍यिद काहल्‍दी येह।

यूहन्‍ना 3:13

स्‍यिहङगामलेगी फेप नाङगे मिहगी स़ेबु च्‍यी़ मिहम्‍बानी लेहमेन सुज्‍यीॱआङ स्‍यिहङगामला काहल्‍दी म़ेह।

यूहन्‍ना 3:14

मोशागी रिह-काम्‍बुला पितलगी प्रुहलला क्‍या़क्‍यो ल़ेहमुराङ मिहगी स़ेबुॱलाङ क्‍या़ कोहज्‍ये येह।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

यूहन्‍ना 6:53

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍यागी मिहगी स़ेबुदी ज़ुबु मेहसाहसीमाना ओहले खोगी ठा़ मिहथुङसीन माना, ख्‍याया़ ङ्याम्‍बु मिहली मेहयोहङगे।

यूहन्‍ना 6:62

ओ़ह ल़ेहमु यिहन्‍सीमाना मिहगी स़ेबुला खो तोहङले का़हला येहकें ओ़ह ग्‍या़लाराङ लो़हदी डोएँ ख्‍याया़गी थोङसीमानानी च्‍यि पेहकें?

ल़ेह-पेन 7:56

ओहले खोगी मासीन, “त़ेदोङ, ङाहगी स्‍यिहङगाम खा फे़क्‍यो थोङसीन, ओहले मिहगी स़ेबुला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।”

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।