मत्ती 8:13 - ह्योल्‍मो

¹³ ओ़ह तिङला येशूगी माक्‍पेनला सुङ नाङसीन, “ओहङगे, ता़ह ख्‍ये सोङ, ख्‍येगी यिह-छ्य़े पेहक्‍यो ल़ेहमुराङ ओहङज्‍ये येह।” ओ़हजेलाराङ माक्‍पेनगी योक्‍पु टा़हसीन।

मत्ती 8:13 ပူးပေါင်းရင်းမြစ်များ

मत्ती 15:28

ओहले येशूगी मोहला सुङ नाङसीन, “ए पोहमो, ख्‍येगी तेहपा छ्यिम्‍बु दु। ख्‍येगी माक्‍यो ल़ेहमुराङ तेहन्‍दा डुप्‍च्‍यु।” ओहजे ती़हजीलाराङ मोहगी पोहमो टा़हसीन।

मत्ती 17:20

ओहले येशूगी सुङ नाङसीन, “ख्‍याया़गी तेहपा ङ्युहङा येहकें सोङबे यिहम्‍बा। तेहम्‍बाराङ ङाह ख्‍याया़ला माएँ, ख्‍याया़ ङ्याम्‍बु राइ-सेनगी बुदी जेबा तेहपा येहसीमाना ओ़ह काहङदोला देलेगी फार सोङ म़ेदी माॱनाङ ओ़ह डोज्‍ये येह ओहले ख्‍याया़गी च्‍यि माॱनाङ पेह ख़ूज्‍ये येह।”

मत्ती 8:4

ओहले येशूगी खोला सुङ नाङसीन, “दि केच्‍या सुॱलाङ माहस्‍ये। यिहॱनाङ राहङला पूजाहारीसाला काहल्‍दी तेन्‍दोङ, ओहले मोशागी का तेरक्‍यो डेल्‍बा फुल्‍दी थाम्‍ज्‍यीला ख्‍ये टा़हक्‍योगी दास्‍यी तेर्तोङ” म़ेदी सुङ नाङसीन।

मत्ती 9:22

ओहले येशूगी ल्‍होक लो़हदी ज़ी़ नाङगेमु ओ़ह पी़हमीला ज़ी़सीन ओहले येशूगी ओ़ह पी़हमीला सुङ नाङसीन, “पोहमो ख्‍ये मा-फाम्‍बु माहबे। ख्‍येगी तेहपागी ख्‍येला टा़ह च्‍य़ूदी येह।” ओ़हजेलाराङ ओ़ह पी़हमी टा़हसीन।

मर्कूस 7:29

दि सेन्‍दी येशूगी मोहला सुङ नाङसीन, “ख्‍येगी दि ल़ेहमु माक्‍यो सोङबे ख्‍ये सेम लो तेहमु पेहती खाङबाला सोङ, ख्‍येगी पोहमोलेगी ल्‍हेन्‍डी थेन्‍दी काहल सिहन्‍दी येह!”

मर्कूस 9:23

येशूगी खोला सुङ नाङसीन, “राहङगी ला़ खासीमाना म़ेदी ख्‍ये च्‍यिबे म़े तेहके? यिह-छ्य़े पेहकें मिहया़गी तेहन्‍दालानी च्‍यि माॱनाङ तेहन्‍दा डुप्‍के।”

यूहन्‍ना 4:50

येशूगी खोला सुङ नाङसीन, “लो़ह सोङ, ख्‍येगी पुह थार्च्‍ये येह।” ओहले खोगी येशूगी स्‍याहलला यिह छ्य़ेसीन ओहले खो खाङबाला लो़ह काहल्‍सीन।