Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मत्ती 7:25 - ह्योल्‍मो

25 खाङबा ज़ो सिहन फान्‍ज्‍यो नाम क्‍याहप्‍ती स्‍योलो ओहङसीन ओहले ल्‍हा़बा लुङजीॱआङ ओहङदी ओ़ह खाङबाला फो़सीन यिहॱनाङ ओ़ह खाङबा माहरोहम च्‍यिबेमाना ओ़ह खाङबा तोह-पा़रा थो़ला ज़ोक्‍यो येहकें।

အခန်းကိုကြည့်ပါ။ ကော်ပီ




मत्ती 7:25
17 ပူးပေါင်းရင်းမြစ်များ  

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।


“ओ़ह सोङबे, ङाहगी माक्‍योगी ताम थ़ेदी ङ्यिहन्‍गेन्‍दी राहङगी खाङबा तोह-पा़रा थो़ला ब्राम तिङदी ज़ोएँ मिह रिहक्‍पा ख़ेबा ल़ेहमुराङ यिहम्‍बा।


यिहॱनाङ ङाहगी माक्‍योगी ताम थे़दीॱआङ मिहङ्यीहन्‍गेन्‍दी पेहमा थो़ला खाङबा ज़ोएँ उल्‍दुम्‍बा मिह ल़ेहमुराङ यिहम्‍बा।


खाङबा ज़ो सिहन फान्‍ज्‍यो नाम क्‍याहप्‍ती स्‍योलो ओहङसीन ओहले ल्‍हा़बा लुङजीॱआङ ओहङदी ओ़ह खाङबाला फो़सीन ओहले ओ़ह खाङबा रोहम्‍दी फेतोर कोहतोर काहल्‍सीन!” म़ेदी येशूगी सुङ नाङसीन।


ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।


ओहले यिह-छ्य़े लाहमले मास्‍यीका ख्‍याया़की यिहला ज़्‍य़ू नाङज्‍यु, ओहले चेवाला चार्ङ्यी सू़हदी ओहले सान्‍दी काहल्‍दी,


मास्‍यीकाला चार्ङ्यी स्‍य़ूहदी याहरक्‍यी पेहती सोङ। ख्‍यागी राहङगी मिहजी मास्‍यीका थो़ला जे़दोङ ओहले ख्‍याला लोप्‍क्‍यो ल़ेहमु यिह-छ्य़ेला सान्‍दी पेहती मिहरोला थुज्‍यी-छ्ये़ फुल्‍दीॱराङ तेहतोङ।


तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।


तिङमा ती़हजीला ओहङज्‍ये पेहक्‍योगी थार्पागी तेहन्‍दाला ख्‍या तेहपा लाहमले किन्‍ज्‍योगी ओङ लाहमले जेम्‍बु जेती ज़्‍या़ नाङदी येह।


ओ़ह तुहक्‍पुया़ ख्‍यागी च्‍यिबे खुर कोहक्‍यो मासीमाना ओ़ह तुहक्‍पुया़ लाहमले ख्‍यागी किन्‍ज्‍योला यिह छ्य़ेक्‍योदी तेहम्‍बाराङ यिहम्‍बा दु म़ेदी ताहक्‍स्‍यार ओहङज्‍येगी तेहन्‍दाला यिहम्‍बा। तोङदी डोएँगी सेरलानी मेहला सा़दी या़हबु चोक्‍पा खा फ़ेदी ताहङमा ज़ोएँ मासीमाना ख्‍याया़गी यिह-छ्य़ेनी ओ़ह म़ेदीॱआङ माहङबु चा़ छ्यिम्‍बु यिहम्‍बा। ओ़ह सोङबे दि यिह-छ्य़ेला क्‍ये़ह चाङमा ज़ोज्‍येला ङ्याहम च्‍येकें। दिगी पेहती येशू मास्‍यीका फेप नाङगे ङ्यिहमाला ख्‍या तेच्‍या, ज़िज्‍यिद दाङ चा़ सी़हएँगी मिहया़ ओहङ ख़ूज्‍यु।


ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ