मत्ती 7:24 - ह्योल्‍मो

²⁴ “ओ़ह सोङबे, ङाहगी माक्‍योगी ताम थ़ेदी ङ्यिहन्‍गेन्‍दी राहङगी खाङबा तोह-पा़रा थो़ला ब्राम तिङदी ज़ोएँ मिह रिहक्‍पा ख़ेबा ल़ेहमुराङ यिहम्‍बा।

मत्ती 7:24 ပူးပေါင်းရင်းမြစ်များ

मत्ती 12:50

च्‍यिबेमाना स्‍यिहङगामला ज़्‍य़ू नाङगेन्‍गी ङाहगी याहपगी का ङ्यिहन्‍गेया़ॱराङ ङाहगी नो़ह, नुहमु दाङ आमा यिहम्‍बा।”

मत्ती 16:18

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।

मत्ती 24:45

“रिहक्‍स्‍यी येहकें दाङ यिह-छ्य़ेबु योक्‍पु काहन्‍डुमु मिह यिहम्‍बा यिहन्‍डो? पे यिहॱना़: ताहक्‍पुगी राहङगी खाङबागी थाम्‍ज्‍यीराङ ल़ेहया़ चि क्‍याहप फान्‍ज्‍यो रिहक्‍स्‍यी येहकें दाङ यिह-छ्य़ेबु योक्‍पुगीदी लेहमेन योक्‍पुया़ला ठाबे ती़हजीला तोप्‍च्‍याया़ तेर्के।

मत्ती 25:2

ओ़ह पोहमो स्‍यार्मा याहङबा च्‍यु नाहङला मेहन्‍दा ङादी रिहक्‍पा येहकें दाङ लेहमेन ङादी रिहक्‍पा म़ेहबा येहकें।

मत्ती 25:4

ओहले रिहक्‍पा येहकें पी़हमी ङागीदी ल्‍हाक्‍पु नुमॱआङ ख्‍येर्ती काहल्‍सीन।

मत्ती 25:9

यिहॱनाङ रिहक्‍पा येहकेनया़गी, ‘ख्‍याया़ॱलाङ दाङगे थुगी नुमनी ङ्यिह ङ्याम्‍बु म़ेह, ख्‍याया़ छोङखाङला काहल्‍दी ङ्ये़हदी ख्‍येर-स्‍यो नाह’ म़ेदी मासीन।”

मत्ती 7:25

खाङबा ज़ो सिहन फान्‍ज्‍यो नाम क्‍याहप्‍ती स्‍योलो ओहङसीन ओहले ल्‍हा़बा लुङजीॱआङ ओहङदी ओ़ह खाङबाला फो़सीन यिहॱनाङ ओ़ह खाङबा माहरोहम च्‍यिबेमाना ओ़ह खाङबा तोह-पा़रा थो़ला ज़ोक्‍यो येहकें।

मत्ती 7:26

यिहॱनाङ ङाहगी माक्‍योगी ताम थे़दीॱआङ मिहङ्यीहन्‍गेन्‍दी पेहमा थो़ला खाङबा ज़ोएँ उल्‍दुम्‍बा मिह ल़ेहमुराङ यिहम्‍बा।

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

यूहन्‍ना 13:17

ख्‍याया़गी दि ताम ङोह स्‍य़ेदी दिला ते़बे ल़ेह पेहसीमाना, किन्‍ज्‍योगी ख्‍याया़ला मेलाम नाङज्‍ये येह।

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

रोमी 2:13

च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।