मत्ती 7:22 - ह्योल्‍मो

²² ओ़ह ङ्यिहमु मिह माहङबुगीराङ ङाहला दि ल़ेहमु माज्‍ये येह, ‘ओ़ चो़वो, ओ़ चो़वो च्‍यि ङ्यिहगी राहङगी छेनला किन्‍ज्‍योगी लेहङगु माहस्‍येपा ले? च्‍यि राहङगी छेन लेहन्‍दी ल्‍हेन्‍डीया़ माहङेपा ले? च्‍यि राहङगी छेनला ङ्यिहगी याहम्‍जेम्‍बा ल़ेहया़ माहबेबा ले?’ म़ेदी माज्‍ये येह।

मत्ती 7:22 ပူးပေါင်းရင်းမြစ်များ

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

मत्ती 24:36

“ओ़ह ङ्यिहमा दाङ ती़हजी नाहम लेप्‍कें यिहम्‍बा म़ेदी ठीक-ठीक ङ्या़ह-ङ्या़ह पेहती सुॱलाङ क्‍यी़ह म़ेह, ओ़हनी स्‍यिहङगामगी स्‍याहप्‍च्‍यीया़ दाङ स़ेबुॱलाङ थुयी़ म़ेह, ओ़ह केच्‍यानी याहप्‍च्‍येन आबा च्‍यी़ला थुयी़ येहबा।

मत्ती 25:11

“याहम्‍बी तिङले रिहक्‍पा म़ेहबागी पी़हमी ङाॱआङ थेन ओहङदी, ‘चो़वो ला़ह, ङ्यिहॱआङ नाहङला ओहङज्‍ये कोह खा फे़ नाङदोङ नाह ला़ह!’ म़ेदी स्‍युहसीन।

मत्ती 7:21

“ओहले ङाहला, ‘ओ़ चो़वो, ओ़ चो़वो’ माएँगी मिहया़ थाम्‍ज्‍यीराङ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह, स्‍यिहङगामला ज़्‍य़ू नाङगेन्‍गी याहपकी थु ङ्ये़हएँगी ल़ेह पेहकेनया़ च्‍यी़राङ स्‍य़ूह ङ्युहङज्‍ये येह।

लूका 10:12

ङाह ख्‍याला माएँ, किन्‍ज्‍योगी ठिम ताङ नाङगे ङ्यिहमाला सदोम क्‍याहसाकी मिहया़ला म़ेदीॱआङ ओ़ह क्‍याहसाकी मिहया़ला ङ्य़ेहबा छ्यिम्‍बु काल नाङज्‍ये येह!” म़ेदी येशूगी सुङ नाङसीन।

यूहन्‍ना 11:51

दि ताम खोगी राहङ ङो़ले माक्‍यो मिहम्‍बा येहकें, यिहॱनाङ ओ़ह लोहगी गो-छ्येवा पूजाहारी यिहन्‍गे सोङबे यहूदी क्‍यिहपागी तेहन्‍दाला येशू टोहङ कोहएँ म़ेदी खोगी तिङले ओहङगेन्‍गी केच्‍या स्‍येक्‍यो येहकें।

१ थेसलोनिकी 5:4

यिहॱनाङ आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेॱया ना़-जुबेला म़ेह। ओ़ह सोङबे ओ़ह ङ्यिहमागी ख्‍या फ़ेबे-म़ेहमेया़ला कुमेनगी ल़ेहमुराङ ह्‍अ ल़ेह च्‍य़ूज्‍ये म़ेह।

२ थेसलोनिकी 1:10

ओ़ह ङ्यिहमाला चो़वो येशूगी राहङगी नाम्‍पार-ताहक्‍पा मिहया़ लाहमले ज़िज्‍यिद नोम नाङज्‍ये येह ओहले यिह छ्य़ेगेया़ थाम्‍ज्‍यीलाराङ ह्‍अ ल़ेह च्‍य़ू नाङज्‍येला मिहरो फेप नाङज्‍ये येह ओहजेला राहङ फे़बे-मे़हमेया़ॱआङ ओ़हला ओहङज्‍ये येह, च्‍यिबेमाना ङ्यिहगी तामला ख्‍या फ़ेबे-म़ेहमेया़गी यिह-छ्य़े जे नाङसीन।

२ तिमोथी 1:12

ओ़ह सोङबे ङाह दि से़हया़ला तुहक्‍पु खुर्केॱराङ येहबा। यिहॱनाङ ङाहला दिगी तेहन्‍दाला च्‍यिॱआङ ङोहजा मेहयोहङगे च्‍यिबेमाना ङाहगी सु थो़ला म़ेहबा पेहक्‍यो येहबा ओ़ह ङाहला या़हबु पेहती क्‍यी़ह येहबा। किन्‍ज्‍योगी ङाहला चि क्‍याहप नाङग्‍योकी से़हया़ मिहरोगीॱराङ ओ़ह ङ्यिहमा थु सी़दे ज़्‍या़ नाङज्‍ये येह। दि तामला ङाह म़ेहबा पेहकें।

२ तिमोथी 1:18

चो़वोकी ओ़ह ङ्यिहमाला खोला थुज्‍यी ज़ी़-नाङज्‍यु। ख्‍येला या़हबु पेहती क्‍यी़हराङ येह, एफिससला खोगी राहङगी निङ थाक्‍पा यिहन्‍ज्‍युराङ ङाहला स्‍याहप्‍तो स्‍युहक्‍यो येहकें।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।