मत्ती 7:16 - ह्योल्‍मो

¹⁶ ख्‍याया़गी खुङया़ला खुङगी पेहक्‍यो ल़ेह लाहमलेॱराङ ङोह स्‍ये़ज्‍ये येह। च्‍यि छेर्मा तोहङबोला कुहन्‍डुम या़हगे ले? च्‍यि देर्स्‍या तोहङबोला को़स्‍यीङ या़हगे ले?

मत्ती 7:16 ပူးပေါင်းရင်းမြစ်များ

मत्ती 12:33

या़हबु सेदो या़हज्‍येला तोहङबोॱआङ या़हबु ओहङ कोहकें। तोहङबोॱराङ या़हबु मे़हसीमानानी सेदोॱआङ या़हबु मेहयोहङगे! सेदो लाहमलेॱराङ तोहङबो ङोह स्‍य़ेगे।

मत्ती 7:20

ओ़ह ल़ेहमुराङ पेहती ख्‍याया़गी चिहन क्‍याहप्‍के लुहङतेम्‍बाया़ला खुङगी पेहक्‍यो ल़ेह लाहमलेॱराङ ङोह स्‍ये़ज्‍ये येह।”

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

याकूब 2:18

यिहॱनाङ लाहला मिहगी दि ल़ेहमुॱआङ मारो, “ख्‍येगी तेहपा पेहकें। यिहॱनाङ ङाहनी ल़ेह पेहकें।” लु ओ़हठी यिहन्‍सीमाना ल़ेह माहबेबा पेहती ख्‍येगी तेहपा पेहक्‍यो ङाहला तेन्‍दोङ ले! ङाहनी ल़ेह पेहती ङाहती तेहपा तेन्‍गे।

याकूब 3:12

ङाहगी आदा-नो़ह दाङ आज्‍यी-नुहमुया़, च्‍यि माउ तोहङबोला जैतून ओहले कुहन्‍डुम तोहङबोला माउ या़ह ख़ूएँ ले? छ्यु खाक्‍ती क्‍येज्‍युले छ्यु स्‍यिहम्‍बु थेन मी़हखुएँ।