मत्ती 7:13 - ह्योल्‍मो

¹³ “कोह फेमालेगी नाहङला स्‍य़ूहदोङ च्‍यिबेमाना छ्यिम्‍बु कोह दाङ स्‍याहङ छ्यिम्‍बु लाहमगी ङ्याल्‍वाला क्‍याल्‍गे। दि लाहमले नाहङला स्‍य़ूहगेनया़ माहङबुराङ ओहङगे।

मत्ती 7:13 ပူးပေါင်းရင်းမြစ်များ

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

मत्ती 25:46

ओहले खुङया़गीदी नाहम्‍स्‍यी किन्‍दुॱराङ ङ्य़ेहबा खुर कोहच्‍ये येह, यिहॱनाङ टाहङबु मिहया़गीदी नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।”

मत्ती 3:2

“सेमगी स्‍या़बा पेहती तिहक्‍पा पाङदोङ च्‍यिबेमाना किन्‍ज्‍योगी जाम्‍बुलीङला क्‍याहल्‍बु जेकेन्‍गी ती़हजी लेप्‍च्‍ये पेह सिहन्‍दी येह” म़ेदी सुङ ख्‍येप्‍टा क्‍याहप्‍सीन।

मत्ती 3:8

ख्‍याया़ राहङ-राहङगी सेमगी स्‍या़बा पेहती तिहक्‍पा पाङदी राहङगी सेम किन्‍ज्‍यो ङो़ले लो़हक्‍यो यिहन्‍सीमानानी ख्‍याया़ ओ़हला ते़बेगी डोलु-तेहलु पेहतोङ।

मत्ती 7:14

च्‍यिबेमाना कोह फेमा दाङ स्‍याहङ फेमागी कोहदी ज्‍यिबुराङ खेन्‍दा-का़हबु ओहङगे, यिहॱनाङ दि लाहमगीॱराङ मिहलीला क्‍याल्‍गे। दि लाहम च्‍य़ेह सिहन्‍गे मिहया़नी ङ्युहङसे़राङ ओहङगे।”

लूका 14:33

ओ़ह ल़ेहमुराङ पेहते ख्‍या नाहङला सुगी ङाहगी तेहन्‍दाला थाम्‍ज्‍यी से़हया़ मे़हपाङगे, खो ङाहगी स्‍याहप्‍च्‍यी ओहङ मी़हखुएँ” म़ेदी येशूगी सुङ नाङसीन।

लूका 9:33

ओहले मोशा दाङ एलियागी येशूला कोहङबा स्‍य़ूहज्‍ये जेकें थुला पत्रुसगी, “लोबेन ला़ह, ङ्यिहॱआङ देला ओहङग्‍योदी या़हबु काहल्‍सीन दु। ङ्यिहगी देला खाङज्‍युङ सुम ज़ोएँ, लोबेनला च्‍यी़, मोशाला च्‍यी़, एलियाला च्‍यी़!” म़ेदी खोगी खाले फोक थेन्‍सीन, च्‍यि मे़बा म़ेदी खोराङलाॱआङ क्‍यी़ह म़ेहबा येहकें।

यूहन्‍ना 10:9

कोह ङाहराङ यिहम्‍बा, का़हलेॱआङ सुज्‍यी ङाह लाहमले पेहती नाहङला स्‍य़ूहसीन माना खोला थार च्‍य़ूज्‍ये येह, ओहले खो फि-नाहङ ओहङगे-डोएँ पेहच्‍ये येह, ओहले खोगी पाङगाकी चाया़ काहजे मामा साह ङ्युहङज्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

ल़ेह-पेन 3:19

ता़हनी ख्‍या फे़बेया़गी सेमगी स्‍या़बा पेहती तिहक्‍पा पाङदी किन्‍ज्‍यो ङो़ले लो़ह नाङदोङ, ओहले किन्‍ज्‍योगी ख्‍या फे़बेया़गी तिहक्‍पा थाम्‍ज्‍यीराङ ता़ह च्‍य़ू नाङज्‍ये येह। दि ल़ेहमु पेहती ख्‍या फे़बेया़गी किन्‍ज्‍योलेगी यिहला लो तेहमु दाङ स्‍युक ज्‍योर्च्‍ये येह।

रोमी 9:22

ओ़हठीॱराङ पेहती किन्‍ज्‍योगी राहङगी थुयाल दाङ ओङ तेन नाङज्‍येला मिहरोगी तोङ च्‍य़ू नाङज्‍येला ठाबे जे नाङग्‍योगी थुयालकी मिहया़ला ज्‍यिबुराङ ना़स्‍यीङ छ्यिम्‍बु जेती ना़दी ज़्‍य़ू नाङग्‍यो येहबा।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

२ कोरिन्‍थी 6:17

“ओ़ह सोङबे खुङया़गी पाहरक्‍यीले थेन्‍दी स्‍यो, ओहले खुङ यिहन्‍ज्‍यु खा फ़ेदी तेह, मेहचाङा से़हया़ च्‍यिॱआङ मा़हन्‍दे, ओ़हठी यिहन्‍सीमाना च्‍यी़राङ ङाह ख्‍याया़ला लोक पेहच्‍ये येह।”

गलाती 5:24

खुङया़, का़हन्‍दी मास्‍यीका येशूकी मिहया़ यिहम्‍बा, ओ़हया़गी तिहक्‍पा पेहच्‍ये सेम क्‍येएँगी राहङगी पेहताङया़ला ज़ुबुकी पेहच्‍ये छोल्‍गेन्‍की पेह मी़हसीहएँकी ल़ेहया़ दाङ सेम्‍बाया़ ङ्याम्‍बुराङ क्‍याहङस्‍यीङला च्‍याङ सिहन्‍दी येह।

फिलिप्‍पी 3:19

ता़ह खुङ ज्‍युक्‍स्‍योलला ङ्याल्‍वाला छ्यिच्‍ये येह च्‍यिबेमाना फोवाराङ खुङदी ल्‍हा यिहम्‍बा। खुङ राहङगी ङोहजागी तामया़ला छ्य़ेन्‍दो तेन्‍गे। ओहले खुङ जाम्‍बुलीङगी दि ल़ेहमुराङ से़हया़ थो़ला सेम च्‍याङगे।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।

ज्‍याल्‍गा 13:8

सेक्‍यो ल़ूह स्‍ये़बुकी मिहलीकी छ्य़ेला जाम्‍बुलीङ छ्या़ नाङगे म़ेदी तोहङलेराङ किन्‍ज्‍योगी मिहन प्रुह नाङग्‍यो मिहया़गी च्‍यी़राङ ओ़ह सेम्‍ज्‍येनला छ्येपा फुल्‍ज्‍ये म़ेह यिहॱनाङ ओ़ह म़ेदी लेहमेन, जाम्‍बुलीङला तेहकें थाम्‍ज्‍यी मिहया़गीनी ओ़ह सेम्‍ज्‍येनला छ्येपा फुल्‍ज्‍ये येह।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 20:3

मिहरोगी ओ़ह डुकला लोह तोङरा च्‍यी़ माहसीहन थु क्‍यिहपा-क्‍यिहपागी मिहया़ला गो़ कोर माहङ्युहङज्‍यु म़ेदी खोला साप्‍स्‍यी तिहङला क्‍युर चाहङ नाङदी ओ़ह साप्‍स्‍यी तिहङला कोह क्‍याहप्‍ती थे़जी क्‍याहप नाङसीन। ओ़ह तिङले ङ्यिहमा तोबाज्‍यीगी तेहन्‍दाला खोला ताङ तेर कोहएँ।