मत्ती 7:11 - ह्योल्‍मो

¹¹ ओ़ह सोङबे ख्‍याया़ मिह ङ्येहम्‍बा यिहन्‍देॱआङ राहङगी पुह पोहमोला या़हबु से़हया़ तेर स्‍य़े फान्‍ज्‍योनी तोहरोङ स्‍यिहङगामला ज़्‍य़ू नाङगेन ख्‍याया़गी याहप किन्‍ज्‍यो ङ्याम्‍बु लाङगेन्‍दीला काहजे माहङबु जेती या़हबु से़हया़ नाङज्‍ये येह” म़ेदी येशूगी सुङ नाङसीन।

मत्ती 7:11 ပူးပေါင်းရင်းမြစ်များ

मत्ती 23:9

दि जाम्‍बुलीङला ख्‍याया़गी सुॱलाङ आबा माहमा च्‍यिबेमाना ख्‍याया़गी आबा च्‍यी़राङ येहबा, मिहरोनी स्‍यिहङगामला ज़्‍य़ू नाङदी येहबा।

मत्ती 7:10

ओहले ङ्याह लाङगेमु प्रुहल तेर्के?

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

रोमी 3:19

छ्य़े-ठिमकी स्‍याहल छ्य़े-ठिमकी ओङ चो़ला येहकेन मिहया़ला माक्‍यो यिहम्‍बा म़ेदी ओहराङला क्‍यी़ह येह। ओ़ह सोङबे मिह थाम्‍ज्‍यीगी खाला खाज्‍यु क्‍याहप्‍च्‍ये येह ओहले लुहङबा किनगी मिहया़गी राहङगी पेहक्‍यो ल़ेहगी तेहन्‍दाला किन्‍ज्‍योला चिदुङ तेर कोहच्‍ये येह।

रोमी 3:9

ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

गलाती 3:22

सुङरापगी ओहराङला “जाम्‍बुलीङ रेबेॱराङ तिहक्‍पाकी ओङ चो़ला छ्यिती येहबा ओ़ह सोङबे ओहराङगी येशू मास्‍यीकाला तेहपा पेहती च्‍यी़राङ किन्‍ज्‍योकी तोहदामया़ यिह-छ्ये़ लाहमले ज्‍योर ख़ूएँ” म़ेदी सुङ नाङगे।

याकूब 1:17

ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।

१ यूहन्‍ना 3:1

त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।