मत्ती 6:9 - ह्योल्‍मो

⁹ यिहॱनाङ ख्‍याया़गीदी दि ल़ेहमु म़ेदी सोल्‍वाङ ताप्‍तोङ–” “ओ़ स्‍यिहङगामला ज़्‍य़ू नाङगेन ङ्यिहगी याहप्‍च्‍येन आबा, राहङगी छेन नाम्‍पार-ताहक्‍पा ओहङज्‍यु।

मत्ती 6:9 ပူးပေါင်းရင်းမြစ်များ

मत्ती 10:29

यिहॱनाङ ते़, च्‍यि च्‍युर्कानी ङ्यी़ टाङगा च्‍यी़ला ग्‍युरक्‍यो ख्‍याया़गी माहथोङ ले? यिहॱनाङ किन्‍ज्‍योगी थुला मिहठुङसीमाना च्‍युर्कानी च्‍यी़ॱआङ साला मेहताहप्‍कें।

मत्ती 23:9

दि जाम्‍बुलीङला ख्‍याया़गी सुॱलाङ आबा माहमा च्‍यिबेमाना ख्‍याया़गी आबा च्‍यी़राङ येहबा, मिहरोनी स्‍यिहङगामला ज़्‍य़ू नाङदी येहबा।

मत्ती 26:29

ङाह ख्‍याया़ला माएँ, याहपगी क्‍याहल्‍सीला ङाहगी ख्‍याया़ ङ्याम्‍बु साम्‍बा पेहती मा़हथुङ थु ङाह येहपाराङ दि ज़िगे कुहन्‍डुमकी-निङगु थुङज्‍ये म़ेह।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

मत्ती 6:14

“च्‍यिबेमाना ख्‍येला टाह पेहती तिहक्‍पा पेहकेनया़ला ख्‍येगी स्‍या़बा तेर्सीमाना स्‍यिहङगामला ज़्‍य़ू नाङगेन्‍गी ख्‍येगी किन्‍ज्‍यो याहपगीॱआङ ख्‍येला स्‍या़बा नाङज्‍ये येह।

मत्ती 6:6

ख्‍येदी सोल्‍वाङ ताप्‍केमु राहङगी ङ्याहल-खाङ नाहङला स्‍य़ूहदी कोह क्‍याहप्‍ती स्‍यिहङगामकी याहप्‍च्‍येन आबाला सोल्‍वाङ ताप्‍तोङ। ख्‍येगी खाजुम्‍बाला पेहक्‍योगी ल़ेह ज़ी़ नाङगेन याहपगी ख्‍येला च्‍याहगा नाङज्‍ये येह।”

मत्ती 7:11

ओ़ह सोङबे ख्‍याया़ मिह ङ्येहम्‍बा यिहन्‍देॱआङ राहङगी पुह पोहमोला या़हबु से़हया़ तेर स्‍य़े फान्‍ज्‍योनी तोहरोङ स्‍यिहङगामला ज़्‍य़ू नाङगेन ख्‍याया़गी याहप किन्‍ज्‍यो ङ्याम्‍बु लाङगेन्‍दीला काहजे माहङबु जेती या़हबु से़हया़ नाङज्‍ये येह” म़ेदी येशूगी सुङ नाङसीन।

लूका 15:18

ता़ह ङाह आबासाला लो़ह काहल्‍दी माएँ, ‘आबा, ङाहगी किन्‍ज्‍यो दाङ राहङगी तेहन्‍दाला टाह पेहते तिहक्‍पा पेहसीन।

लूका 15:21

“ओहले पुहगी मासीन, ‘आबा, ङाहगी किन्‍ज्‍यो दाङ राहङला टाह पेहते तिहक्‍पा पेहसीन, ता़ह ङाह, आबागी पुह माज्‍ये सी़हज्‍ये म़ेह।’

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

रोमी 8:15

च्‍यिबेमाना ख्‍येला योक्‍पु ज़ोएँकी ओ़ह नाम्‍स्‍यी नाङदी म़ेह, का़हन्‍दीगी ख्‍येला येहपाराङ ज्‍यी़सु ङो़ले ख्‍येर्के, यिहॱनाङ ख्‍येला राहङदीराङ पुह-पोहमो ज़ोएँकी नाम्‍पार-ताहक्‍पा थु नाङदी येह। दि लाहमलेॱराङ ओहराङगी किन्‍ज्‍योला “अब्‍बा, आबा” म़ेदी क़े क्‍याहप्‍केन।

गलाती 1:1

ङाह ल़ेह-पेन पावलगी दि यिहगी प्रुहएँॱराङ येहबा। मिहया़ दाङ मिहगी ओङ लाहमले मिहम्‍बा, यिहॱनाङ येशू मास्‍यीका दाङ मिहरोला टोहङग्‍योलेगी सोम्‍बो ज़ो नाङगे किन्‍ज्‍यो याहपगीॱराङ ङाहला ल़ेह-पेन ज़ो नाङग्‍यो यिहम्‍बा।

गलाती 4:6

ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ पत्रुस 1:17

सुलाॱआङ ङ्येम्‍बा-ङ्य़ेहरी जे माहनाङबा जेती मिहगी ल़ेहला ते़बे ठिम ताङ नाङगेन्‍दीला याहप म़ेदी क्‍याप्‍केन यिहन्‍सीमाना, दि ङ्यिहमा ङ्यी़गी जाम्‍बुलीङला लिहकें थु राहङगी छे काहङ किन्‍ज्‍योगी ज्‍यिक्‍पा खुर्ती मिहजी ताङदोङ।

ज्‍याल्‍गा 4:11

“ए ओहराङगी चो़वो दाङ किन्‍ज्‍यो, राहङ ज़िज्‍यिद, ची़नाङ दाङ ओङ नोम्‍ज्‍ये सी़हगेन्‍दी ज़्‍य़ू नाङदी येहबा च्‍यिबेमाना ना थाम्‍ज्‍यी राहङगीराङ छ्या़ च्‍य़ू नाङग्‍यो यिहम्‍बा, ओहले राहङगी थुला ठुङग्‍यो ल़ेहमुराङ ओ़हदी ओहङसीन ओहले ओ़ह से़हया़ छ्या़सीन।”

ज्‍याल्‍गा 5:12

खुङ ज़्‍य़ू-ठि, सोम्‍बो सेम्‍ज्‍येन ज़्‍यि दाङ छ्य़े-ठिमकी लोबेनया़गी कोर ग्‍यिले लाहङदे छ्ये़-लु लेहन्‍गेनॱराङ येहकें: “राहङला मिहया़गी सेक्‍योगी ल़ूह स्‍ये़बु वाङज्‍या, क्‍युह, स्‍युक, चा, ची़नाङ दाङ क्‍याहल्‍स्‍यो-क्‍याहल्‍स्‍यो नोम्‍ज्‍ये सी़हज्‍ये येह।”