मत्ती 6:23 - ह्योल्‍मो

²³ यिहॱनाङ का़हलेॱआङ ख्‍येगी मी़ साल्‍बु मे़हसीमाना ज़ुबु थाम्‍ज्‍यीराङ ना़-जुबे ओहङगे। ओ़ह ल़ेहमुराङ ख्‍येगी सेमला येहकेन्‍गी क्‍या-साङेदी ना़-जुबे डोसीमाना तोहरोङ ओ़हदी काहजे माहङबु ना़-जुबे डोवा!”

मत्ती 6:23 ပူးပေါင်းရင်းမြစ်များ

१ यूहन्‍ना 2:11

ओहले का़हन्‍दीगी राहङगी आदा-नो़ह आज्‍यी-नुहमुया़ला ङेन्‍ज्‍येन पेहकें, खो ना़-जुबेला ओहङगे, ओहले खो ना़-जुबेलाराङ डोएँ। खो काहल डोॱराङ येहबा माएँ ताम खो राहङलाराङ क्‍यी़ह मेहयोहङगे, च्‍यिबेमाना ना़-जुबेगी खोला मी़ काना ज़ोक्‍यो ओहङगे।

मत्ती 6:22

“ज़ुबुगी लो मी़ यिहम्‍बा। ओ़ह सोङबे ख्‍येगी मी़ साल्‍बु येहसीमाना ज़ुबु थाम्‍ज्‍यीराङ क्‍या-साङे ओहङगे।

एफिसी 4:18

खुङया़गी नावा ना़-जुबे काहल्‍दी येह। खुङगी किन्‍ज्‍योला ङोह स्‍ये़ज्‍ये माहछोल्‍बा सोङबे खुङ किन्‍ज्‍योलेगी था़-रिहङबु काहल्‍दी येह। ओ़ह सोङबे खुङया़गी सेम सान्‍दी काहल्‍सीन ओहले ङोह मे़हस्‍येगे काहल्‍सीन। ओहले खुङया़गी नावा ना़-जुबेगी काहङदी येह।

१ कोरिन्‍थी 2:14

का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।

रोमी 1:22

खुङगी राहङला ख्‍येम्‍बा-ताहक्‍पु यिहन म़ेदी क्‍याहल्‍गे यिहॱनाङ खुङ उल्‍दुम्‍बाॱराङ काहल्‍सीन।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

लूका 8:10

ओहले येशूगी खुङया़ला सुङ नाङसीन, “ख्‍याया़ला किन्‍ज्‍योगी क्‍याहल्‍सीगी तिहङ-रिहङबुगी केच्‍याया़ ह्‍अ कोह च्‍य़ूदी येह, यिहॱनाङ लेहमेन मिहया़ ङ्याम्‍बुदी ङाह पे ज़्‍या़दी ताम माएँ, खुङया़गी ताज्‍येनी ताएँ यिहॱनाङ मेहथोङगे, ङ्यिहन्‍ज्‍येनी ङ्यिहन्‍गे यिहॱनाङ ह्‍अ मेहकोएँ।”

मत्ती 20:15

च्‍यि ङाहला राहङगी टाङगा राहङगी तेर्च्‍ये सेम क्‍य़ेक्‍योया़ला तेर्च्‍येला ओङ म़ेहबा ले? ङाहगी तेरक्‍यो थोङदी ख्‍ये च्‍यिबे ठादो पेहकें ले’?”

मर्कूस 7:22

ह्‍अम्‍बा पेहकें, ल़ेह ङ्येहम्‍बा पेहकें, ठाक तीएँ, छा़रा डोएँ, ठादो पेहकें, स्‍ये़हन्‍डील पेहकें, छ्य़ेन्‍दो तेन्‍गे ओहले उल्‍दुम्‍बा ल़ेह पेहकें।

लूका 11:34

ख्‍यागी ज़ुबुगी लो मी़ यिहम्‍बा। ख्‍यागी मी़ ठाबे येहसीमाना ख्‍यागी थाम्‍ज्‍यीराङ ज़ुबु क्‍या-साङे ओहङगे ओहले मी़ मेहथोङसीमानानी ख्‍यागी ज़ुबुॱआङ ना़-जुबे ओहङगे।