मत्ती 6:12 - ह्योल्‍मो

¹² ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

मत्ती 6:12 ပူးပေါင်းရင်းမြစ်များ

मत्ती 26:28

च्‍यिबेमाना दि साम्‍बा ताहम्‍ज्‍या ङाहगी ठा़, मिहगी तिहक्‍पागी तेहन्‍दाला स्‍याहल्‍ज्‍ये येह।

मत्ती 9:2

ओहले मिहया़गी ज़ुबु कुहल मी़हखुएँ मिह च्‍यी़ला तेङगो छ्याप्‍क्‍याङराङ खुर्ती येशूसाला ख्‍योङसीन। ओ़ह मिहया़गी यिह-छ्य़े ज़ी़दी येशूगी ओ़ह नेहपाला सुङ नाङसीन, “ए पुह, ख्‍ये तुहङाल माहबे। ख्‍येगी तिहक्‍पा कोहङदा ज्‍योर्ती येह।”

मर्कूस 11:25

ख्‍या सोल्‍वाङ ताप्‍च्‍येला तेहकेमु ख्‍यागी सुज्‍यी थो़ला सेम चोक्‍पा च्‍याङग्‍यो येहसीमाना खोला कोहङदा तेर। ओहले स्‍यिहङगामला ज़्‍य़ू नाङगेन ख्‍यागी किन्‍ज्‍यो याहपगीॱआङ ख्‍यागी तिहक्‍पा स्‍या़बा नाङज्‍ये येह। [

लूका 11:4

ङ्यिहगी पेहक्‍योगी तिहक्‍पाया़ स्‍या़बा नाङदोङ च्‍यिबेमाना ङ्यिहला टाहसेम च्‍याङगेनया़ॱलाङ ङ्यिहगीॱआङ ल़े ताङदी येह। ओहले ङ्यिहला ना़ मी़हखुएँगी ङ्याहम्‍छेला छ्यिच्‍यु माहनाङ।”

लूका 13:4

ओहले येहपाराङ, ओ़ह सिलोआम माएँगी दुम्‍दुम रोहम्‍दी स्‍यिक्‍यो मेहन्‍दा च्‍याप्‍क्‍ये यरूशलेमगी राहङसा मिहया़ म़ेदी तिहक्‍च्‍येम्‍बा येहकें म़ेदी ख्‍यागी सेमला ने़उ दुबा?

लूका 6:37

“ओहले लो़हलो मिहया़ला ठिम माहताङ, ओहले किन्‍ज्‍योगी ख्‍याॱलाङ ठिम ताङ नाङज्‍ये म़ेह। राहङसा मिहया़ला क्‍येन माहता, ओहले किन्‍ज्‍योगी ख्‍याॱलाङ क्‍येन ता़ नाङज्‍ये म़ेह। लो़हलो मिहया़ला कोहङदा तेर, ओहले किन्‍ज्‍योगी ख्‍याॱलाङ कोहङदा नाङज्‍ये येह।

ल़ेह-पेन 13:38

ओ़ह सोङबे आदा-नो़हया़ सेन नाङदोङ, ओ़ह येशू लाहमलेॱराङ तिहक्‍पा ता़हगे माएँ ताम राहङ फे़बेया़ला मोशागी छ्य़े-ठिमगी म़ेदी येहबा।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

एफिसी 4:32

सेम ङ्येम्‍बु पेहती च्‍यी़गी च्‍यी़ला निङज्‍यी पेहतोङ। काह-ठि पेहती किन्‍ज्‍योगी मास्‍यीका लाहमले ख्‍याया़ला कोहङदा नाङबा, ओ़हठीॱराङ पेहती ख्‍याया़गीॱआङ च्‍यी़गी च्‍यी़ला कोहङदा तेर।

कलस्‍सी 3:13

च्‍यी़गी च्‍यी़ला ना़दोङ, च्‍यी़गी च्‍यी़ला टाह पेहती च्‍यिरा ल़ेह जोल्‍ग्‍यो येहसीनमाना च्‍यी़गी च्‍यी़ला स्‍या़बा तेर्तोङ। चो़वोगी ख्‍याला स्‍या़बा नाङग्‍यो ल़ेहमुराङ ख्‍यागीॱआङ मिहया़ला स्‍या़बा तेर्तोङ।