मत्ती 6:10 - ह्योल्मो10 राहङगी क्याहल्सी डुप्च्यु, राहङगी थु स्यिहङगामला तेहन्दा डुप्क्यो ल़ेहमुराङ दि जाम्बुलीङॱलाङ तेहन्दा डुप्च्यु အခန်းကိုကြည့်ပါ။ |
मत्ती 6:10
44 ပူးပေါင်းရင်းမြစ်များ
ख्या जाम्बुलीङकी मिहया़ला पे त़ेदी खुङ ल़ेहमुराङ पेहच्ये माहछोल, यिहॱनाङ ख्या राहङ सेमला साम्बा काहल्दी सेम तिहङ यिहन्ज्युराङ किन्ज्यो ङो़ले ग्युर्तोङ। ओहले किन्ज्योकी ज़ी़लुला च्यि या़हबु यिहम्बा, च्यि से़हगी किन्ज्योकी थु काहसो ज़ोएँ ओहले किन्ज्योकी याहङ-ताहक्पा थु-सेम च्यि यिहम्बा, ओ़ह ख्याया़गी ङ्याहम च्ये ख़ूज्यु।
ओहले तिहम्बा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ओहले स्यिहङगामला छ्यिम्बु-छ्यिम्बु सुङ-क़ेगी दि रोहवा सुङ नाङसीन, “जाम्बुलीङगी क्याहल्सी ओहराङ चो़वो दाङ किन्ज्योकी मास्यीकागी क्याहल्सी काहल्दे येह ओहले मास्यीकागी नाहम्स्यी किन्दु ओङ छ्य़े नाङज्ये येह।”
ओहले ङाहगी स्यिहङगामला दि ल़ेहमु सुङगेनॱराङ जेक्यो सुङ-क़े छ्यिम्बु च्यी़ थ़ेसीन, “ता़ह ओहराङ किन्ज्योकी थार्पा, स्युक, क्याहल्सी दाङ मिहरोकी मास्यीकागी ओङ छ्य़े नाङगेन्गी ती़हजी लेप्ती येह। च्यिबेमाना ओहराङ आदा-नो़ह दाङ आज्यी-नुहमुया़ला ङ्यिहन-नुहप किन्ज्योकी दिनला फातुर च़ूगेन ती़ह गो-छ्येवाला स्यिहङगामले माहर क्युर चाहङदी येह।
ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन।
ကြော်ငြာတွေ