मत्ती 5:5 - ह्योल्‍मो

⁵ ङ्येम्‍ज्‍युङ पेहकेनया़ काहजे सोनाम-साक्‍पु, च्‍यिबेमाना खुङया़गी जाम्‍बुलीङला ओङ छ्य़े ङ्युहङज्‍ये येह।

मत्ती 5:5 ပူးပေါင်းရင်းမြစ်များ

मत्ती 11:29

ङाहगी ङ्यास्‍यीङ खुर्तोङ ओहले ङाह ङ्याम्‍बु लोप्‍तोङ च्‍यिबेमाना ङाह च्‍याहम्‍बु दाङ ङ्येम्‍ज्‍युङ येह, ओहले ख्‍याया़गी राहङगी सेमगी थाङ सो ङ्युहङज्‍ये येह।

मत्ती 21:5

“सियोन साने़की मिहया़ला म़े तेर, ‘त़ेदोङ, ता़ह ख्‍याया़गी क्‍याहल्‍बु छ्यिम्‍बु फेप नाङगेराङ येहबा, मिहरो स्‍यिहवा जे-नाङदी पुहङगु खाला स्‍येहन्‍दी फेप नाङगेराङ येह, मिहरो पुहङगु पी़हरु थो़ला स्‍येहन्‍दी फेप नाङज्‍ये येह’।”

रोमी 4:13

अब्राहामगी छ्य़े-ठिम ची़क्‍यो सोङबे मिहम्‍बा, यिहॱनाङ खोगी किन्‍ज्‍योला यिह छ्य़ेक्‍यो सोङबे खो टाहङबु सी़ह ख़ूसीन ओहले किन्‍ज्‍योगी खो दाङ खोगी छार्क्‍यीनया़ला जाम्‍बुलीङला ओङ ज्‍योर्केया़ ज़ो नाङज्‍ये येह सुङदी ताहम्‍ज्‍या ज़्‍या़ नाङसीन।

गलाती 5:23

स्‍यिहवा, राहङगी सेम टिहला ज़्‍या़गेन। दि ल़ेहमु तामया़ला टाह पेहकेन्‍की लेहमेन च्‍यिॱआङ छ्य़े-ठिमया़ म़ेह।

एफिसी 4:2

नाहम-माना ङ्येम्‍ज्‍युङ, स्‍यिहवा ओहले ना़स्‍यीङ छ्यिम्‍बु पेहती च्‍यी़गी च्‍यी़ला चेवा पेहतोङ।

कलस्‍सी 3:12

ख्‍याया़राङ किन्‍ज्‍योगी दाम नाङग्‍यो दाङ मिहरोगी चेवा जे नाङग्‍योकी नाम्‍पार-ताहक्‍पा मिहया़ यिहम्‍बा। ओ़ह सोङबे ख्‍यागी चेवा पेहकें, निङज्‍यी पेहकें, ङ्येम्‍ज्‍युङ पेहकें, स्‍यिहवा पेहकें दाङ ना़स्‍यीङ छ्यिम्‍बु पेहकेन्‍गी छ्याप्‍स्‍यीया़ला काप्‍च्‍या ल़ेहमुराङ केहन्‍दी राहङगी राहङला ज़ाप कोहएँ।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

तीतस 3:2

ओहले खुङया़गी सुलाॱआङ आब्रु तेन्‍गेन्‍गी ल़ेहया़ माहबेच्‍यु ओहले सु ङ्याम्‍बुॱआङ ठ़ूस्‍यी सिहङदा माहबेच्‍यु, मिह थाम्‍ज्‍यी ङ्याम्‍बु ङ्येम्‍ज्‍युङ दाङ छ्याप्‍स्‍यी या़हबु पेहच्‍यु।

याकूब 1:21

ओ़ह सोङबे ख्‍यागी दि रोहवा चोक्‍पा दाङ नाम्‍दो लाहङज्‍ये ल़ेहमु पेहताङया़ थाम्‍ज्‍यीराङ क्‍युर्तोङ। किन्‍ज्‍योगी राहङगी सुङ ख्‍यागी सेमला ज़्‍या़ नाङदी येहबा ओ़हदीला ख्‍यागी स्‍यिहवा पेहती लेहन्‍दोङ च्‍यिबेमाना दिगीॱराङ ख्‍याला थार च्‍य़ूएँ।

याकूब 3:13

ख्‍या नाहङला ख्‍येम्‍बा-ताहक्‍पु दाङ येहन्‍देन माहङबु येहकेन्‍दीगी राहङगी डोलु-तेहलुया़ या़हबु पेहच्‍यु ओहले रिहक्‍स्‍यीला ङ्येम्‍ज्‍युङ पेहती ल़ेह पेहच्‍यु।

१ पत्रुस 3:15

यिहॱनाङ मास्‍यीकाला चो़वो ने़दी ख्‍ये सेमगी मास्‍यीकाला ची़नाङ पेहतोङ। ख्‍या नाहङला येहकेन्‍गी रेहवागी तेहन्‍दाला सुज्‍यीगी टी़हसीन माना ओ़हगी ल़ेहन क्‍याहप्‍च्‍येला नाहम्‍माॱनाङ ठाबे पेहती तेहतोङ, यिहॱनाङ ओ़ह ल़ेह ङ्येम्‍बु दाङ ची़नाङ पेहती पेहतोङ।

१ पत्रुस 3:4

यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।