मत्ती 5:47 - ह्योल्‍मो

⁴⁷ ख्‍याया़गी राहङगी ङ्येन्‍जेन-ङ्येहवाया़ला च्‍यी़राङ चेवा पेहसीमाना लेहमेनया़गी म़ेदी ल्‍हाक्‍पु च्‍यी़ पेहपा ले? च्‍यि लेहमेन क्‍यिहपागी मिहया़गीॱआङ ओ़ह ल़ेहमु मेहबेकें ले?

मत्ती 5:47 ပူးပေါင်းရင်းမြစ်များ

मत्ती 10:12

खोगी खाङबा नाहङला स्‍य़ूहगेमु ‘ख्‍याया़ला सेम लो तेहमु ओहङज्‍यु’ म़ेदी म़ेदोङ।

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”

मत्ती 5:46

राहङला चेवा पेहकेन मिह च्‍यी़लाॱराङ चेवा पेहसीमाना ख्‍याया़ला च्‍यि च्‍याहगा ज्‍योर्कें ले? दि ल़ेहमु चेवानी ठाल तुहएँ मिहया़गीॱआङ पेहकें।

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

लूका 6:32

“चेवा पेहकेन्‍दीला च्‍यी़राङ चेवा पेहसीमाना ख्‍याला च्‍यि ख्‍येप्‍साङ काहल्‍बा ले? तिहक्‍च्‍येम्‍बाया़गीॱआङ राहङला चेवा पेहकेनया़ला ओ़ह ल़ेहमुराङ पेहकें।

कलस्‍सी 4:14

ओहराङगी च्‍याहम्‍बु रो़ह आम्‍ज्‍यी लूका दाङ डेमासगीॱआङ ख्‍याया़ला टास्‍यी-देले ताङदे येह।

कलस्‍सी 4:15

लाउडिकिया क्‍याहसाकी आदा-नो़ह दाङ आज्‍यी-नुहमुया़ ओहले नुम्‍फास दाङ मोहगी खाङबाला छोक्‍पा पेह ओहङगेन्‍गी थाम्‍ज्‍यी यिह-छ्य़ेबाया़ला ङाहती टास्‍यी-देले मे तेर।

१ पत्रुस 2:20

च्‍यिबेमाना ख्‍याया़गी ल़ेह चोक्‍पा पेहती तुहङदा साहएँमु ना़स्‍यीङ छ्यिम्‍बु पेहती तुहङदा साहसीन माना ओ़हला छ्यिम्‍बु ताम च्‍यि येहबा ले? यिहॱनाङ ख्‍याया़गी ल़ेह या़हबु पेहतीॱआङ तुहक्‍पु खुर कोहकेमु ना़स्‍यीङ छ्यिम्‍बु पेहती तुहक्‍पु ना़सीन माना ओ़ह किन्‍ज्‍योगी ज़ी़लुला यिह-छ्य़ेबु ओहङगे,