मत्ती 5:44 - ह्योल्‍मो

⁴⁴ यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

मत्ती 5:44 ပူးပေါင်းရင်းမြစ်များ

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

यूहन्‍ना 13:34

ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।

ल़ेह-पेन 16:28

दि थोङदी पावलगी, “ए ला़ह, दिठी जे माहनाङ, ङ्यिहया़ प्रे़हदी म़ेह, ङ्यिह थाम्‍ज्‍यी देलाराङ येहबा” म़ेदी क़े तेन्‍दी मासीन।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

रोमी 12:14

ख्‍याला तुहक्‍पु तेर्केन मिहला मे़मु माहक्‍याहप, खुङला मेलाम क्‍याहप्‍तोङ।

१ थेसलोनिकी 5:15

दि ताम टेहम्‍बा ज़्‍यो़, का़हलेॱआङ ख्‍याया़ला सुज्‍यीगीॱआङ चोक्‍पा पेहसीन म़ेदी खोलाॱआङ चोक्‍पा माहबे यिहॱनाङ च्‍यी़गी च्‍यी़ला ओहले मिह थाम्‍ज्‍यी ङ्याम्‍बु या़हबु पेहकेन्‍गी सेम ज़्‍या़दोङ।

१ पत्रुस 2:23

खुङया़गी मास्‍यीकाला स्‍ये़हन्‍डील पेहकेमुॱआङ मिहरोगी खुङला च्‍यिॱआङ ल़ेहन क्‍याहप माहनाङ। तुहक्‍पु खुर नाङगेमु मास्‍यीकागी खुङला क्‍यिम्‍बा च्‍याल्‍गेन्‍की ज्‍यी़-ङोर तेन माहनाङ। यिहॱनाङ सुलाॱआङ ङ्येम्‍बा-ङ्य़ेहरी जे माहनाङबा जेती ठिम ताङ नाङगेन किन्‍ज्‍यो थो़लाराङ मास्‍यीकागी म़ेहबा जे नाङसीन।

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।